Matthew 26:61 - Wik-Mungkan

⁶¹ Ngul anpalaniya, pam kucham ngul iiypul aꞌ aak umang angan thanpul Jesus.an waaꞌ-waaꞌpul nunang thant pam piꞌ-piꞌanam al-alantan, wik uuy-uuyampul yaan waaꞌpul nunang Jesus.an, pulan thawpula, “Nil pam inman thaw, ‘Kaangk ngaya aawuch ngench thayan God.antaman wayathing-a, an ngay wayathing, aꞌ kinch maꞌ-koꞌalamang kanan wantowan-a, ngay koyam ngul yumpānga.’ ”

Matthew 26:61 Iomraidhean Croise

Matthew 12:24

Than pam Pharisees al-alangan wik anangan ngeeyin thanttaman-a, thanan thawin thantana, “Nil oony way anangan kenthan thanang pam wanch al-alantamana nil puth oony way moom piꞌan alangan, Beelzebul alangan-a, maꞌ-kunch yump-yumpan nunang nil yipam oony wayan kenthow thanang pam wanch al-alantamana.”

Matthew 26:62

Aꞌ nil pam moom priestana wur ek aꞌ thaw ngul Jesus.antan, “Ayyang, nint ngul wanttak thawān e? Ngul nint wik yimanang thawan ey?”

Matthew 26:71

Aꞌ nilan pent ngul, thaaꞌ thinth angman than-thana. Aꞌ wanch thon ngul wamp, nil thampan workan iiy-iiyan pam piꞌan alantan. Nil wanch an-ngulan thaw thant pam al-alantan angman than-thaninana, “Nil pam inaniya ngurp nungantam Jesus.antama, pam aak Nazareth anpalana.”

Matthew 27:40

“Ayyang, nint keꞌ aawuch ngench thayan God.antaman wayathin ey? Aꞌ kinch maꞌ-koꞌalamang kanan wantowan-a, keꞌ nint koyam ngul kaachin ey? An yaꞌa! Nint nath kan-kanamweya nhengk God.antaman-a, nint kan nungkarakam kaaꞌ-piichanathāna aꞌ yuk wuuyan nanpalan ukāna!”

Matthew 27:5

Judas.angana wukal yot anangan aakang theeꞌ aawuch ngench thayanang angmana aꞌ kan-ngul iiy; nil koyam iiy-a, aꞌ man kath nungantakaman kuuyangana aꞌ yukang angman waanch nungantakam aꞌ mul ngul wun.

Mark 14:58

“Ngan ngeeyan nunang wik inangan thaw, ‘Aawuch ngench thayan God.antaman-a, pamangan kaachin. Ngayaniy-a, ngul wayathāng, aꞌ kinch koꞌalamangan kanan wantow-a, ngay aawuch ngench thayan thonangan ngul kaachāng, pamang keꞌaman kaachin, yaꞌan.’ ”

Mark 15:29

Pam wanch wiy anangan woyan wakanan iiy-iiyin. Thananiy-a, um keny thath-thathin aꞌ kuchek wuny-wunyathin man-aath-aathin nunang Jesus.ana aꞌ wik way-wayak thawin nungant, “Ayyang! Nint keꞌ aawuch ngench thayan God.antaman wayathin ey? Aꞌ kinch koꞌalamang kanan wantow-a, keꞌ koyam ngulan kaachin ey? Puth yaꞌ ey!

Luke 23:2

Than waaꞌin nunang Pilate alantana. Thanan thawin, “Ngan pam inman ngeey-ngeeyan nunang way-wayak thaaꞌ-aath-aath thanang pam wanch kampan nganttam anangana. Nil puth thaw thant wukal income tax keꞌ theeꞌ-theeꞌayn pam piꞌan Government alantan. Aꞌ nil puth pam piꞌan king waaꞌan nungamang, pam anman nil God.angan keenkanaman kaaꞌngak kuchow nganta.”

John 9:29

Ngan puth meeꞌmiy God.an wikan thaw-thawant, Moses.antan. Puth pam ananiy-a, Jesus.aniya, ngan keꞌ meeꞌmiy nunang yaꞌa, ngan ngoongk-ngoongkam nil weeꞌangan nath kuchana.”

Acts 17:18

Aꞌ pam teachers wiy anangan thaaꞌan aath-aathantan thanang pam wanch-a, than wik Paul.antamana kaangk keꞌ ngeeyayn nunangana. Than il-ilangan keꞌam thaaꞌ-aath-aathin thanang woyan min piip God.antamana yaꞌa. Than puth wik wiy-wiyam thaaꞌ-aath-aathin thananga. Aꞌ than teachers wiy anangan-a, than Epicureans.an waaꞌin thanang, aꞌ puth wiyiy Stoics waaꞌin thanang. Than wiy al-alanganiy-a, wik yimanangan waaꞌin nunang Paul.ana, “Nil wik in ngeen ngul thawow e? Nil keꞌ meeꞌmiya wik anangan nilan thaw-thawana, an yaꞌa.” Than teachers wiy anangan wik yimanangan thawina, “Nil yaakaꞌ gods wiy anangan waaꞌ-waaꞌan thanang aak thon-thonangana.” Than wik inangan thaw-thawin, nil puth Paul.angana wik Jesus.antaman waaꞌ-waaꞌ aꞌ pam wanch an thampan waaꞌ-waaꞌ than mulaman koyaman ekayn ngulana.

Acts 18:13

Than wik inangan thawin nungant Gallio.antana, “Pam ilangana kaangk thaachow thanang pam wanch anangan than yipam thaaꞌ-kuump-kuumpayn nunang God.ana an wik wiy-wiyam thaaꞌ-aath-aathan thananga keꞌ wuut mangk nganttamangan thaaꞌ-aath-aathina yaꞌa. Nil wik thayan anangan Moses.antamana keꞌam ngeey-ngeeyan.”

Acts 22:22

Than pam wanchangan wik Paul.antaman ngeey-ngeeyinan-a, ngul anpalaniy-a, than kan-ngul wik pech-pechin, weenth-weenthamin ngula puth than Paul.an kaangk keꞌ wik ngeeyayn nunang nil wik anan waaꞌ thant nil keꞌ Jews yaꞌ al-alantan iiyiwa. Thanan wik othamayan pech-pechina, “Puy kalān nunanga! Mulathān nunanga! Ngampan nunang an-anman mulathimpana!”