Matthew 26:45 - Wik-Mungkan

⁴⁵ Aꞌ nil koyam ngul wamp thant ngurp nungantam al-alantan aꞌ thaw thant, “Niiy inman ey? weep-weenth ey? Niiy in ngeeyāna! Aak in kanam wamp ngathar thanan kan-ngul maꞌam theeꞌayn ngayangana pam way al-alantana, ngay pam inmana nil God.angan kuchanya!

Matthew 26:45 Iomraidhean Croise

Matthew 26:18

Nil Jesus.an thaw thant, “Niiy pam thonam alantan iiyān aak town angman, aꞌ thawān nungant, ‘Pam moom nganttaman thawa, “Aakan thinth kan-ngul wampan ngathara ngay uthamāngana. Ngan may piꞌanana aawuch nungkaramang nangman mungkāna.” ’ ”

Matthew 26:2

“Niiy kan meeꞌmiya, aak maꞌ-kuchamangan-a, anana aak may piꞌanan yumpayn Passover.an waaꞌantana. Aak an-aniyangan-a, pam way al-alangan maꞌam theeꞌayn ngayang pam moom al-alantan thanan yipam nailimpungayn ngayang yuk wuuyanangana, ngaya pam inmana nil God.angan kuchanya.”

Matthew 26:44

Aꞌ nil Jesus.ana putham ngul iiy meeꞌ-wuthanamanak, wik anman thaw God.antan, wik nil kaꞌathaman thaw-thaw nunganta.

Matthew 26:46

Erkam ekiya! Ngamp kan-ngul iiyāmpa! Aꞌ thathiy ee! paman nanpal iiyana nilan maꞌaman theeꞌowanya pam way al-alantana.”

Mark 14:35

Aꞌ manyam ngul kech keꞌanam iiya, aꞌ aakang ngul wun-wun, meeꞌ-wuth-wuthanama piip nungantamak God.anta wayanang anangana nath keꞌ yipam wampow nunganta.

Luke 22:53

Ngay puth aak ingam wunanam a! Aꞌ ngaaꞌ thon-thonangana ngay aawuch ngench thayananga thaaꞌ-aath-aathangan niiyang ey! Puth niiy keꞌam maman ngayanga, yaꞌa. Aakan kan-ngul wamp niiyantana niiy kan-ngul mamān ngayangana, keꞌ nil oony way piꞌanan thaw niiyantana. Nil way-wayam paththam anmana, keꞌ aak ngaaꞌ nyiman wunana.”

John 12:23

Nil puth Jesus.an thaw pulant, “Aak anan kaniy wamp ngula, yipam pam wanch anangan kan-ngul meeꞌmiy iiyayn nil pam anman God.angan kuch nunangana, an nil pam min aꞌ piꞌan paththam.

John 12:27

Nil Jesus.an wik inangan thaw ngul, “Ngangk way-wayam ngul wunara. Ngay wanttak nath thawāng nungant piip ngatharamantan a? Ngay nath thawingan nunganta nil ngayang kaaꞌ-piichanathowa yipam than keꞌ mulathayn ngayang, puth yaꞌa, ngay puth wampangan aak iikanakaniy than yipam way inangan yumpayn ngathara.

John 13:1

Aak anan kan wamp may piꞌan Passover.akan. Nil Jesus.angan kan ngaantam-ngeey aakan thinth kan wamp-wamp nungant, nil aak inan kan-ngulan wantowa, koyam ngulan iiyow piip nungantamakan. Nil puth Jesus.an nathpalman kaangk wun thant pam ngurp nungantam al-alantan aak ingana, nil kan-kanam paththam keꞌ-ngoongkam anman kaangk wun-wun thant.

John 17:1

Nil Jesus.an wik inangan kanan thaw-a, nil um keny thath, aꞌ thaw, “Ayyang, Piip-ang, aakan kan-ngul wampan ngathar mul wunanakana. Than mak kan-kanam thathayn ngayang nhengk nungkaraman min paththam iiy-iiyang, than yipam thiichayn ngul nintan-a, wuut piꞌana, minam paththam.