Matthew 26:34 - Wik-Mungkan

³⁴ Nil Jesus.an thaw Peter alantan, “Ngay inan kan-kanam thawang nungk, ngutang inman-a, nil minh roosteran keꞌan yippak pechow-a, nint maꞌ-koꞌalamweya an wik uuyamān thanta, nint keꞌ ngayang keꞌan meeꞌmiya.”

Matthew 26:34 Iomraidhean Croise

Matthew 26:33

Nil Peter.an thawant, “Ayyang, moom-ang, ngay keꞌ wanting nintanga! Than wiy al-alangan nath wantiythan nintangwey-a, puth ngayaniya keꞌ wanting nintanga, yaꞌa!”

Matthew 26:75

aꞌ konang wamp nungant Peter alantan wik nil Jesus.an thawant, “Ngay inan kan-kanam thawang nungk, ngutang inman-a, nil minh roosteran keꞌan yippak pechow-a, nint maꞌ-koꞌalamana ngul wik uuyamān thantweya pam wanch wiyantan, nint ngayangan keꞌan meeꞌmiy yaꞌa.” Aꞌ Peter.an yoon pent aꞌ nil peey-peey, ngangk way-wayam paththam wunanta.

Mark 14:72

Anpalan-a, minh roosteran putham pech-pech, aꞌ konang wamp nungant Peter alantan wik nil Jesus.an thawant, “Ngay inan kan-kanam thawang nungk, inman ngutangan-a, nil minh roosteran keꞌan yippak maꞌ-kuchaman pechow-a, nint maꞌ-koꞌalamana, ngul wik uuyamān thantweya pam wanch wiyantana, nint ngayangan keꞌ meeꞌmiy yaꞌa.” Aꞌ Peter.antan ngangk way paththam wun nungant aꞌ nil peey-peey ngul.

Luke 22:34

Nil Jesus.an thaw nungant, “Ayyang, Peter-ang, ngay inan kan-kanam paththam thaw-thawang nungkar, inman ngutangan-a, nil minh rooster keꞌan yippakan pechow-a, nint maꞌ-koꞌalaman-a, wik uuy-uuyamān thant keꞌ nint ngayang keꞌ meeꞌmiya.”

Luke 22:61

Nil Jesus.an puth weent aꞌ koochanam thath nunang Peter.an aꞌ wikan konang wamp nungant Peter.ant nil Jesus.an thawant, “Ngay inan kan-kanam thawang nungka, inman ngutangan-a, nil minh roosteran keꞌan yippak pechowan-a, nint maꞌ-koꞌalamana ngul wik uuyamān thanta pam wanch wiyantana, nint keꞌ ngayang meeꞌmiy yaꞌ yimanangana.”

John 13:38

Nil puth Jesus.an thaw nungant, “Nint ngul kan-kanam uthamān ngatharang ey? Ngay nungk inan kan-kanam thaw-thawang, an minh roosteran keꞌan yippak pechow-a, nint maꞌ-koꞌalaman ngul wik uuyamana, aꞌ thawān thant, pam wanch wiyantan, nint ngayang meeꞌmiy yaꞌana.”