Matthew 26:10 - Wik-Mungkan

¹⁰ Wik thanan thaw-thawin thanttakaman-a, nil Jesus.angana kanam thiich thanang, aꞌ nilan thaw thant, “Niiy wantān nunangweya! Keꞌ wakān nunanga! Nil wanch ilangana min-minam paththam yump ngathara.

Matthew 26:10 Iomraidhean Croise

Matthew 26:11

Than pam wanch wukal keꞌanang anangan-a, than aak ingman wun-wuntan niiyantangweya, puth ngay ep-paththam yaam ingan keꞌ wuning niiyantang aak inganiya, yaꞌa.

Matthew 26:9

Ngampan sellimpungimp oparana, wukal piꞌan yipam uwimpa, aꞌ ngampaniya wukal thant pam wanch wiy al-alantan theeꞌimp thanta than wukal keꞌananga al-alantana.”

Mark 14:6

Nil puth Jesus.an thaw thant, “Keꞌ wakān nunangweya! Niiy wantān nunangweya! Nil wanch inana min-minam paththam iiyan ngathara.

Luke 8:49

Nil Jesus wik inangan thaw-thaw yippak-a, nil pam wamp aawuch Jairus.antaman anpalana. Nil thaw nungant Jairus.antan, “Puk nhengk nungkaram kanam uthama. Keꞌ thawān Jesus.antan aawuch nungkaramakan iiyow. Nil aak-yaꞌangan ngul iiya, pukan mul ngula.”

2 Corinthians 9:8

Nil piip God.ana thayan paththam aꞌ maꞌmangkiy thamp nil kaangk theeꞌ-theeꞌow maya, wukal way min yot-yotam ngamparaniya, ngamp yipam may wiy thakan ngamparakam piꞌāmp aꞌ wiyiya theeꞌāmp thant than yaꞌ-yaꞌaman wuntan al-alantana.

Galatians 1:7

Puth wik God.antam thonakam mina, thon yaꞌa. Pam wanch puungk wiyangana ngangk way yumpantan niiyang, aꞌ kuchek way tham yumpantan niiyang. Than wik thon waaꞌ-waaꞌantana, thananiy-a, wik min Christ.antamana epankathantan.

Galatians 5:12

Ngay paththam kaangk than pam way al-alangan too wantayn niiyang ngula, keꞌ yipam karpam kal-kalwuna.

Galatians 6:17

Ngay wik inangan wantang niiyantweya: puth niiyana keꞌ wayamān ngul ngatharaniya. Ngay inaniy iiy-iiyanga pam God.antama, ngayana kemp kompan thamp, il-ilangan meenathananya ngay pam God.antam than puth anpalan piikin ngayang ngay wik God.antaman waaꞌ-waaꞌang.

Ephesians 2:10

Nil God.angan yump ngampang, aꞌ nil wunp ngampang Jesus Christ.antang woyan min angan. Keenkanamana God.angan woyan minan ngaantam-ngeey aꞌ nilan kaangk ngamp woyan anan wak-wakāmpa.

Colossians 1:10

Anpalana, niiyan yipam minam anman wunān keꞌ nilam Lord.angan kaangk niiy want-wanttakan wunān, aꞌ niiyan min anman iiy-iiyān aꞌ nil God.an ngangk min paththam ngul weenow puth niiyantam anpalanwey. Niiyan ngul paththam meeꞌmiy nunang God.ana, aꞌ niiy thamp thiichān minaman iiyanakan.

2 Thessalonians 2:17

Ngan meeꞌ-wuthanamanan pul God.angan aꞌ Jesus Christ.angan ngangk thayanathowpul niiyang aꞌ puth thayanam anman yumpowpul niiyang puth niiyaniya yipmam min anman yump-yumpān aꞌ puth wik min anman thaw-thawān.

1 Timothy 3:1

Ngay wik inan kan-kanam waaꞌ-waaꞌang nungk. Nint kan ngeeyāna, puth inan wik min a! Nil weeꞌ-nathwey kaangk pam manth-thayanan iiy-iiyow churchakan-a, an nil work minan ngaantam-ngeey-ngeeyan iiy-iiyowana.

1 Timothy 5:10

puth than minam anman iiy-iiyin pam wanch wiyantana puth puk thanttam anangan minaman em-emathin thanangweya; aꞌ puth pam wanch Christians wiy anangan aak nathpalan wampin-a, minam piꞌ-piꞌin thanang, may-a, ngak thakan aath-aathin thanang, aꞌ puth maꞌ-aath-aathin thanang pam wanch ngangk wayan wun-wunina, aꞌ puth wiy anangan maꞌ-aath-aathin thananga; niiy puth wukalongk il-ilantan-a, namp ump-umpān thant latanganweya.

2 Timothy 2:21

Yaa, kan in ngeeyāna: nil pam alangan yuk min-miniyan wunp-wunpiy table.angan, yuk table.an yipam min wun-wunow pam wanch wiy anangan wampayn. Aak inan yimanangan wun-wunan ngampar. Nint nath kaangka nil Christ.angan miꞌow nintang work min paththaman iiy-iiyān nungantan-a, nintiya woyan wayana keꞌ wak-wakāna, putha nint keꞌ ngotan ngoonchān teachers wayanang al-alantangan, puth nintiya min anman iiy-iiyāna. Nint yimanangwey iiy-iiyinan-a, yaa, nintaniy keꞌa yuk ik goldaman yumpin yimanangan iiy-iiyāna, an puth nil God.angana work min-minam paththaman theeꞌow nungkara. Aꞌ puth nintaniya work minam iiy-iiyān nungant. Nil nath work ngeenan theeꞌow nungkaran-a, yaa, nint ngangk minangam work iiy-iiyān nungant.

Titus 1:16

Than thaw-thawantan keꞌ than meeꞌmiy nunang God.aniya, puth yaꞌa than wik uuy-uuyamantana, keꞌ meenathwuntan keꞌ than wik God.antam meeꞌmiy, puth way iiy-iiyantan. Than keꞌ-keꞌam paththam thanang pam wanch wiy anangan aꞌ putha than keꞌam wik ngeeyantan God.antaman yaꞌa, than wik ngeengkantan. Than min keꞌ yumpiythan, yaꞌ-yaꞌam.

Titus 2:14

Nil Jesus.angan theetath nungamang uthamowan ngampar. Keꞌ ngampan uthamimpa, puth yaꞌa, nil utham ngampar. Nil ngangk pachath ngampang chaapar nungantamangan wayan yumpampa, ngampan kan-kanam ngul iiyāmpa pam wanch nungantamaniya. Nil maꞌ-aathan ngampangan min yumpanakana.

Titus 3:1

Aꞌ putham kon-aathān thanang pam wanch anangan than yipmam wik ngeeyayn moom thanttam al-alantaman, pam piꞌ-piꞌan al-alantaman. Aꞌ thawān thant min anman ngaantam-ngeeyayna aꞌ min yumpayn, aꞌ maꞌ-aathayn wiy anangan pam wancha.

Titus 3:14

Ngamp Christians yotamana minam iiyāmp ngamparakam aꞌ minam work iiyāmp, may ngamparakam piiyāmp, aꞌ wiy al-alantan theeꞌāmp. Ngamp keꞌan maꞌ-aathāmp pam wanch wiy anangan-a, ngamp way-wayam paththam iiyanamp.

Titus 3:8

Aꞌ puth wik inangana kan-kanam paththama. Ngay kaangk ninta wik inangan anman waaꞌ-waaꞌān pam wanchantan than weeꞌ-weeꞌanangan ngangkangan piꞌ-piꞌantan nunang God.an, than yipam anmana ngaantam-ngeeyayn min yumpanak maꞌ-aathayn thanang pam wanch wiy anangan.

Hebrews 13:21

God-ang, nip Christ.angana, pam wanch inangan maꞌ-aathow thananga, thanan puth yipam woyan nungkaram wakayna, maꞌ-aathow thanang thanan minam yipam iiy-iiyayn meeꞌ niparangana, aꞌ puth nganan Christ.an min waaꞌān nunang umpuyama. Yey, kan-kanama.”

1 Peter 2:12

Aꞌ ngampan puth wun-wunanamp pam wanch wiy al-alantangan Jews yaꞌ anangana than keꞌan yippak meeꞌmiy nunang God.ana. Than wiyangan nath aak-yaꞌanganwey waaꞌ-waaꞌiythan niiyangan-a, niiyaniya minam anman iiy-iiyāna, than wiyangan yipam thath-thathayn, aꞌ than ngulana yipam God.an thaaꞌ-kuump-kuumpayn nunang, aak an-aniyangan nil God.angan weentathow thanang ngul woyan min nungantamakan.