Matthew 24:29 - Wik-Mungkan

²⁹ Nil Jesus.an wik inangan thamp thaw thant, “Ngul-ngulana aak wayan keꞌ-ngul wun-wunow, yaꞌ-ngul, anpalana, kinchan ngotan ngul wunow, aꞌ putha kepana keꞌ-ngul park-parkow aak ngutangana, an yaꞌ-ngul, thunp anangana keekayn ngul aak anpal kenyan, aꞌ kinch-a, kep-a, aꞌ puth-a, thunp anangan pal-puyan wunayna.

Matthew 24:29 Iomraidhean Croise

Matthew 24:21

an puth aak way-wayam paththam ngul wampowa. Aak keenkanam nathpalman nil God.angan aak inan yump-a, aꞌ aak in-inman ngula, aak kaꞌathaman yimanang keꞌam wamp way-wayam paththamana. Ngul-ngulaniy-a, aak wayan kan-ngulan minchow-a, aak wayan chil-chil ngul wampow.

Matthew 24:8

An puth wayan chil-chil yippaka, puth ngul-ngulana anan epa way piꞌan paththam wampow. Aak inana aak yimanangan wunow keꞌ wanchang pukan uwow yimanangana. Kaꞌathamana nila many-many uwana iimpan pek-pekan nunang, amanamana aniya wuut piꞌanang ngul uwan nunang pukan kalowa. Aakana yimanangan wunow.”

2 Peter 3:10

Nil Lord.an kan-kanam palaman wampow. Nil palaman wampow-a, an niiyangan maꞌ-pil-wayathowa keꞌ pam maꞌ-kuchana yimanangan wampow aak ngaaꞌangana. Aak an-aniyangan-a, an ngampaniy muut ngeeyāmp keꞌ wunt piꞌan wampow aꞌ yaam keꞌanamana, kincha, thunpa putha wiy anangan keꞌ-ngul wunayn aak ing kenyana, maꞌmangkam anangana pench-penchayn thum wuut piꞌanang, aak ingman earthangan-a, ngak thakana penchayn thampa, aak yaꞌ-yaꞌam wunowa.

Revelation 8:12

Ngul anpalaniya, ngaantiyongk thon alangan ngul wuuꞌ trumpet nungantaman, aꞌ kincha, kepa, putha thunp anangan manyam wayath thanang, nganth thanttamana yipam manyam parkowa; puth kinch ongkana aꞌ putha aak ngutang ongkana nganth yaam keꞌ parkan; nganth wiy-wiyam pentin.