Matthew 24:25 - Wik-Mungkan

²⁵ Niiy wik ngatharaman ngeeyāna! Ngay wik inangan ump-umputh waaꞌ-waaꞌang niiyant, niiyan yipam meeꞌmiy iiy-iiyān ngula.

Matthew 24:25 Iomraidhean Croise

Matthew 10:16

“Thon in kan waaꞌāng niiyant: ngay inana kuchāng niiyang pam wanch way-wayam paththam al-alantan. Puth niiyaniya maal anman iiy-iiyān thanttangana, keꞌ minh sheep anman, kulliy yaꞌa; than pam wanch ananganiy-a, kulliy weenayn niiyant, keꞌ kuꞌ kulliy yimanangana. Niiyiya kuchek waap min-minam paththam iiy-iiyāna, aꞌ putha kulwey iiy-iiyān keꞌ minh panch kolat yimananganweya.

Matthew 24:24

Puth pam wiy anangana wampayn aꞌ waaꞌayn thanttakaman than keꞌ pam anan nil God.angan kuchan, wiyangiya keꞌ pam prophets anangan waaꞌwayn thanttakam, puth yaꞌa, than yaan muukamathayn niiyang. Thanan work piꞌ-piꞌanaman ngul yumpayn thanan yipam yaan muukamathayn pam wanch God.antam anangan.

Matthew 24:26

“Than pam wanch nath thawiythan niiyanta, ‘Niiy kan an thathān nunangweya! Nil puya! aak pintalangan iiy-iiyana!’ puth niiyana aak pintalakana keꞌ iiyānweya. Than nath thawiythan niiyant, ‘Niiy kan in thathiya! Nil aak inan wuthanang ngoonch-ngoonchana.’ Puth niiyana keꞌ wik ngeeyān thanttamana, yaꞌa.

Luke 21:13

Puth niiyan wik min God.antaman waaꞌ-waaꞌān thanta.

John 16:1

“Ngay wik inangan kanam waaꞌangan niiyant niiy yipam woyan God.antaman-a, keꞌ-ngul wantān.

2 Corinthians 13:2

Ngay peetanan aak nangan wampang niiyantan-a, ngay wik thaaꞌ-thayanam thawang niiyant ngay kan-kanam paththam wayathāng niiyang anangan wayan yump-yumpaniy. Inan ngula, ngay kaangk paththam putham ngul kon thayanathāng niiyang aꞌ puth thanang wiy anangan thampanga. Ngayan yippak aak thonangan wunang-a, ngay wik inangan putham ngul thawāng niiyant. Ngay puyam ngulan wampāng niiyant-a, ngayaniya kan-kanam paththam wayathāng niiyang niiy nanangan wayan yump-yumpaniy.