Matthew 20:8 - Wik-Mungkan

⁸ “Aak ngaaꞌ ngulan ween-a, nil pam moom anana pam nungantam alantan thaw, ‘Nint pal kan umpān thanang pam wiy anangan workan iiy-iiyin, aꞌ nintaniya wukal kan theeꞌ-theeꞌān thant. Kaꞌathamana thant pam al-alantan theeꞌān than koy-koyyuwan wampin workakana.’

Matthew 20:8 Iomraidhean Croise

Matthew 20:7

Than pam anangan puth thawin nungant, ‘Puth work weeꞌangam theeꞌiy nganta, yaꞌ ey!’ Nil puth pam mooman thaw thant, ‘Yaa, niiy thamp angan iiyān aak ngatharamaka aꞌ may kaangk anangan thuth-thuthāna.’ Than puth pam anangan iiyin ngul workakan.

Matthew 20:9

Ngul anpalaniya nil pam alangan forty dollars theeꞌ-theeꞌ thant pam thon-thonantan than work kinch-way-wayang ngulan iiy-iiyin, five oꞌclockana.

Matthew 25:19

“Anpalana, nil moom thanttaman kan-ngul wamp. Aꞌ nil pam anangan workan iiy-iiyin nungantana ump thanang, nilan yipam wik ngeeyow thanttam, than wukal ngeen-ngeenan yumpin nungantana.

Matthew 25:31

Aꞌ anpalana, nil Jesus.an thaw, “Aak ngul-ngulana, ngaya, pam inana nil God.angan kuchanya, ngay palam ngul wampānga, aꞌ ngaantiyongk tham anangan wampathāng thanang. Ngayan moom piꞌan paththam palaman wampāng

Luke 10:7

Thanwey nath thawayn niiyant angman paanthanak thanttangan-a, yaa, niiy puth angman thanttang paanthāna, niiy aawuch thon-thonangan keꞌ iiyān yaꞌa. May minh ngeen nathan theeꞌayn niiyantanwey-a, yaa, niiy may thanttamana mungkāna. An mina than may minhan theeꞌayn niiyanta, an niiyaniya puth wik min God.antam anangan waaꞌ-waaꞌaniy thanta. Niiy may puth-puthamakan keꞌ thawān thanta.

Luke 12:42

Anpalana, nil Jesus.angana wik kath inan ngul waaꞌ thant, “Ngay wik katha waaꞌāng niiyant pam thonam alantaman workan iiy-iiya moom nungantamakan. Nil pam min paththama, work min iiy-iiy, keꞌam nyiin-nyiin thak. Anpalana, nil moom alangana aak nungantamana kan-ngul wantow, aꞌ nil pam thonam alantan thaw workan iiy-iiy nungantanweya, ‘Ngay kan iiyānga, nintana keꞌ moom piꞌan thanttam yimanangan iiy-iiyān koy-koyyuw ngulana pam wiy al-alantan workan iiy-iiyantana. Ngay iiyāng ngulan-a, nint may aath-aathān thananga, puth minam piꞌ-piꞌān thanangweya.’

Luke 8:3

Aꞌ puth thoniya, wanch namp Joanna, wanch thum nungantam Chuza.antam, pam nil Herod.antan work iiy-iiy. Thoniya, wanch namp Susana. Than wanch il-ilangan thanang Jesus weeꞌanangan min-minakaman piꞌ-piꞌin, may thakan wukal thanttamang piiy-piiyin thant.

2 Corinthians 5:10

Ngul-ngulaniya nil Christ.angana um nungantang thanathow ngampang. Niliya ngangk ngamparaman thath-thathow aꞌ min iiyow pam wanch puk al-alantan than minan yump-yumpin aak ingana, aꞌ nilana way waaꞌow pam wanch anangan wayan yump-yumpin aak ing pekan.

Titus 1:7

Nil God.angan work inan theeꞌ thant pam wanch al-alantan churchan piꞌ-piꞌayn, puth thananiya minam anman iiy-iiyayn, than wiyangan keꞌ yipmam waaꞌayn thanang. Puth thananiya kuchek thayan keꞌ iiyayn aꞌ keꞌ ulp-ulpanang iiyayn puth man kul erkaman keꞌ wampow thant. Aꞌ kuchek keꞌ wayamow thant ngak way anpalan. Than kulak keꞌ wenkayn pam wanch thon-thonantan. Aꞌ than puth keꞌ yangkan weenayn wukalakana.

Hebrews 9:28

Yaa, puth nanpalan nil Christ.angana maꞌ-thonam anman theetath nungamang ngamparan. Puth ngampana way yot yump-yumpanampa. Keꞌ ngampaman uthamimpwey-a, puth yaꞌa, pam nil Christ anman utham ngampar, nil yipam God.angan keꞌ-ngul ngaantam-ngeeyow way yot anangan pam wanchangan yump-yumpin. Nil puth Christ.an palam wampow. Puth nilan palaman wampow-a, an nilan keꞌ-ngul uthamow way ngamparamakan, yaꞌa, puth nilan wampowa pam wanch nungantam anangan kaaꞌ-piichanathow thanang than anangan kuup-kuupantan nunganta.

1 Peter 4:10

Nil puth Ngeen-Wiy Min God.antam alangan maꞌ-aath-aathan ngampangan ngamp yipam wiy anangan maꞌ-aath-aathāmp thanang. Nil work theeꞌan ngampar thon-thonantan -- work wiyana nil pam wanch wiyant theeꞌan puth work wiy anangan thant theeꞌan pam wanch wiy al-alantan. Niiy workan iiy-iiyaniy-a, niiy niiyantakaman keꞌ ngaantam-ngeey-ngeeyāna, niiy wiy anangan maꞌ-aath-aathān thanang, aꞌ niiy work niiyantaman minam paththam iiy-iiyān puth work inangana nil God.ang theeꞌ-theeꞌan niiyant.