Matthew 16:16 - Wik-Mungkan

¹⁶ Aꞌ nil Simon Peter paththam thaw Jesus.antana, “Ayyang, nint in ngeey a! Nintiya Christa, pam ananiya nil God.angan kaaꞌngaka ngulan kuchow ngantana. Nint pam nhengk God.antama, man-yethaman wun-wunan alantamana.”

Matthew 16:16 Iomraidhean Croise

Matthew 1:16

nil Matthan.ana piip nungantam Jacob.antama; nil Jacob.ana piip nungantam Joseph.antama; nil Joseph.ana, pam anan Mary.an ngentan, kaath Jesus.antaman -- nil Jesus inana Messiah.an waaꞌ-waaꞌin nunang, puth nil God.angan kaaꞌngak ngampangan kuchow nunangan aak iikanakan.

Matthew 14:33

Ngurp nungantam al-alangana thaaꞌ-kuumpin nunang Jesus.ana, aꞌ thanan thawin nungant ngul, “Ayyang, moom-ang, nint in kan-kanam paththama puk nhengk God.antam a!”

Matthew 16:15

Aꞌ nil Jesus.ana thant ngul thaw ngurp nungantam al-alantan, “Puth niiyana wanttak ngaantam-ngeeyaniy ngayanganiye? Ngay pam weeꞌ iniye?”

Matthew 26:63

Puth nil Jesus.ana wik koyaman keꞌam thaw thant, yaꞌa, popam anman than-than. Aꞌ pam moom piꞌan priestana putham ngul thawant Jesus.antan, “Nil God.an man-yethama, nilan ngeey-ngeeyan nintang. Nint kan waaꞌān nganta! Nint kan-kanam thawan ey? Nint ngul pam inan God.angan keenkaman kaaꞌngak ey? kuchowan nintangan ey? nhengk God.antaman ey?”

Matthew 27:54

Pam moom soldiers al-alantamana aꞌ puth-a, soldiers nungantam anangana angman than-thanina, min-min thath-thathin nunang Jesus.ana aꞌ than thathina want-wanttakan wampa nungantaniya, than thathina aakan wunyath earthquake.angana aꞌ thananiy-a, winynyang paththam moꞌina, aꞌ thanan thawin thanttakaman, “Nil pam inana kan-kanam paththam nhengk God.antama!”

Matthew 4:3

Amanamaniya, nil oony way piꞌanan wamp nungant Jesus.antan, aꞌ thawant, “Nint nath kan-kanamwey nhengk God.antaman-a, yaa, nint kunttow inangan epankathān thanang may breadakana.”

Mark 14:61

Puth nil Jesus.ana popam anman than-than, nil wik koyaman keꞌam thaw thant, yaꞌa. Aꞌ pam moom alangan putham ngul mep nunang, “Nint kan waaꞌān nganta! Nint ngul pam inan God.angan keenkaman kaaꞌngak ey? kuchowan nintang ey? Pam nhengk nungantaman God min paththam alantaman ey?”

Luke 2:11

Ngutang inmana, aak town David.antamangan, puk many kanam meeꞌ-pench -- nil ngulan kaaꞌ-piichanathow niiyang. Niliya Christ, moom piꞌan paththama, pam anman nil God.an thaw nil ngulan kuchow niiyant.

John 1:49

Nil Nathanael.an thawant, “Ayyang, Teacher-ang, nint in nhengk God.antam a! Nint in pam piꞌan a! King pam wanch aak Israel punchan al-alantamana!”

John 11:27

Aꞌ nil Martha.an puth thawant, “Eeꞌa, Lorda, ngay kan ngaantam-ngeeyang nintang nint pam anman God.angan kaaꞌngak kuchowan ngant, nint nhengk God.antamana, puth God.angan nintang miꞌ aak iikanakan wampān, nganang yipam kaaꞌ-piichanathān.”

John 20:31

Wik kath inangan Jesus.antaman umpangan, niiy yipam kan-kanam ngaantam-ngeeyān nunang nilan puk nhengk God.antam, God.angan kuch nunang, aꞌ puth-a, niiy yipam ngangk punch-aakam theeꞌān nungant. Puth nil Jesus.an wamp aak iikanakan, yipam kaaꞌ-piichanathow niiyang, niiy yipam maꞌ God.antang inpalman iiy-iiyān, aꞌ puth ngul-ngulakam.

John 6:57

Nil piip ngatharaman-a, man-yetham anman murkanim wun-wunan, nilan kuch ngayanga. Ngayiy puth-a, yim-yimanaman murkanim man-yetham anman wun-wunang nungantang, ngay puth pam inaniya nhengk nungantam, God.antam. Puth than weeꞌ-weeꞌanangan kemp aꞌ chaapar ngatharaman mungkayn-a, an ngay ngulakam man-yetham ngul piꞌ-piꞌāng thanang.

John 6:68

Nil Simon Peter.an thaw nungant, “Ayyang, Lord-ang, ngan puth weeꞌant ngul iiyān a? Nint puth wik min paththam thaaꞌ-aath-aathangan nganang, aak umpuyangam wun-wunanak nungantang God.antangan a!

John 6:69

Ngan puth kan-ngul thiichanan, ngaantam-ngeeyanan nintangan, nint pam anmana, pam min-minam inpal kenyan ukan God.antamana, nint way thak keꞌ yumpanam.”

Acts 14:15

“Ayyang, niiyalang, niiy kan wantāna! Ngan pam kucham iniya oony yaꞌa, ngan pam keꞌ niiy yimanangan iiyananweya. Ngan puth pal wampan aꞌ wik nyiingkanaman waaꞌan niiyant lat ngench thayanaman. Niiy puth kan-kanam koyam weentān oony way il-ilantaman aꞌ puth yuk ngeen-wiy yukaman yumpaniy al-alantaman. Than min keꞌam yump-yumpantan niiyanta. Niiy thaaꞌ-kuumpān nunang piip God.an anman thonakama, than inangan yaꞌa. Nil puth man-yetham anman wun-wunana aꞌ nil thonamang thonakam aak yompanaman yump, aak yuw in kenyana putha aak eꞌ inan aꞌ puth ngakana. Nil yump yotam anangan minh pancha putha minh wiy-wiy thakan aꞌ minh ngaꞌ putha pach aakangan emantan.

Acts 8:36

Pul moꞌ-moꞌpul-aa, aꞌ ngakak wamppul ngak punth manyang aꞌ pam aak Ethiopia.am ngul thawant Philip.ant, “Ayyang, ngak in a! Nint ngayang kootra keꞌ kuungkin ey?”

Acts 8:37

Philip.an thaw nungant, “Nint nath Christ.antan ngangk nungkaram kan-kanam theeꞌān-a, ngay puth nintangan kootra kuungkāng.” Nil paman ngul thaw Philip.ant, “Eeꞌa, ngay kan-kanam ngaantam-ngeeyang nil Christ.an puk nhengk God.antamana.”

Acts 9:20

Nilaniya yuurpam iiy churches Jews.antamakan aꞌ thaaꞌ-aath-aath thanang ngul, waaꞌ-waaꞌ thant nil Jesus.ana puk God.antama.

Romans 1:4

Ngul-ngulana nil Jesus Christ.an mul wun, aꞌ koyam mulaman eka -- amanamana nil God.angan kan-kanaman meenath ngampar nil Jesus.an nhengk nungantama, aꞌ niliya pam piꞌan paththam keꞌ piip nungantam yimanangana.

2 Corinthians 1:19

Timothy-a, puth Silvanus-a, aꞌ putha ngay-a, ngan waaꞌ-waaꞌanan niiyant wik nungantam Jesus Christ.antaman puk nhengk nungantam God.antaman. Nilam thonakam wik kan-kanaman thawan, nil keꞌan wik uuyaman, yaꞌ paththam.

2 Corinthians 3:3

Niiyaman keꞌ letter yimanangan iiy-iiyaniy nil Christ.angan ump, ngan puth niiyant wik minan kan waaꞌan. Nilan puth Christ.angan yuk penangan keꞌam umpan, aꞌ puth nilan kunttow pampang keꞌam umpan keꞌ aak keenkan ump-umpina, yaꞌa. Inaniya, keꞌ yimananga, nilan keꞌ pam wanchantang ngangkang letter umpana, puth nilan Ngeen-Wiy Min God.antaman kuch ngangk ngamparamangan wunow, aꞌ thaaꞌ-aath-aathow ngampang. Piip God ngamparaman nil aak umpuyaman wun-wunan.

2 Corinthians 6:16

Aawuch ngench thayan piip God.antamangana ngamp God anman thaaꞌ-kuumpāmpana, yuk wayanang anangan yaꞌa. Puth ngamp pam wanch God.antamana ngampiy keꞌ aawuch God.antamana, aꞌ niliya man-yetham anman aak umpuyam wun-wunana! Aꞌ nil wik inangan thaw: “Ngay ngangkang pam wanch ngatharamantang wun-wunang, putha ngay thanttang angman iiy-iiyang. Ngay God thanttama, aꞌ thananiya pam wanch ngatharam.”

1 Thessalonians 1:9

Than pam wanch wiyangan wik niiyantaman waaꞌ-waaꞌantan niiy wik nganttaman minam paththam ngeey-ngeeyaniy, aꞌ puth niiy yuk ngeen-wiy al-alantaman weentan ngula, keꞌ thaaꞌ-kuumpaniy ngula, yaꞌ-ngula, aꞌ puth yimanang ngulan-a, niiyan God anman monkan-wak-wakaniy nunang. Nil God inaniya, nilam thonam anmana, aꞌ nil ngangk aak umpuyaman wun-wunan, keꞌaman uthaman, yaꞌa.

1 Timothy 4:10

Ngampana wik God.antam inangan ngangkangam piꞌ-piꞌanamp, ngamp keꞌ-paal work puy-puyam iiy-iiyanampa, keꞌ ngangkang theeꞌanampa, yaꞌa, ngamp ngaantam-ngeey-ngeeyanamp nil God.angan ngul minam piꞌ-piꞌow ngampang. Puth nilam God anman thonakama man-yetham anman wun-wunan, puth inan thampa, nilam thonamang ep-paththam kaaꞌ-piichanathiy ngampang way yot anpalan ngampan yump-yumpampa. Than puth weeꞌ-weeꞌanangan wik nungantaman ngangkangan piꞌ-piꞌantan-a, nil anangan paththam kaaꞌ-piichanathow thanang way thanttam anpalan.

Hebrews 10:31

Pam wanch weeꞌ-weeꞌanangana nil God.angan wayathow thanang-a, an way-wayam paththam thant, ngangk akangam thanayna, nil puth God.an murkanim anman man-yetham wun-wunan.

Hebrews 12:22

Puth ngamp Christians inangan ep-paththam thintham wampanamp nungant God.antan nil man-yethaman anman wun-wunan aak umpuyamana keꞌ uthamiy yaꞌa, ngampiya ngul iiyāmp aak-aakanakan nilan wun-wunan aak in kenyan. Aak anganiy ngaantiyongk thaaꞌ-wantanamana wun-wuntan. Thananiy aak ananiy waaꞌantana Jerusalem ngench thayan paththaman, wiyiya Mount Zion waaꞌantana.

Hebrews 3:12

Ngay wik inan thaw-thawang niiyant al-alantan niiy ngangk kanaman theeꞌan God.anta: niiy kan min-minam ngaantam-ngeeyān niiyantakamana niiywey nath woyan min anman wak-wakina, nath yaꞌa. Niiy wayan keꞌ piꞌ-piꞌān ngangkangan aꞌ Christ.an keꞌ man-ngeeyān nunang. An niiyaniy-a, puth God.an wantin nunanga yaakaꞌ -- in way paththama. Nil God.aniya man-yethama, nil thath-thathan niiyanga.

Hebrews 9:14

Puth in ngeeyāmpa: chaapar Christ.antamana an nil-nil, min paththam. Pam Christ anana min-minam paththam nilaniya, way keꞌam yump, yaꞌa. Nil Ngeen-Wiy Min piip God.antamana, ngangk ngulakam wun-wunow man-yethamana, nilaniy-a, maꞌ-aatha nunang, aꞌ putha ngangk thayanath nunang, nil nungamang yipam theetathow piip God.anta uthamow yuk wuuyanangan way ngamparamakan. Puth ngampaniya waank thech-thechanamp piip God.antaman keꞌ-paal Christ.an utham ngampar, chaapar nungantam alangana ep pachathiy ngangk ngamparaman. Puth anpalaniya ngampaniya keꞌ-ngul yipam yaaman ngul-nyaaꞌan ngeechanamp way ngamparam amanamana ngamp keenkan yump-yumpamp, ngampaniya ngangk minangam ngul iiy-iiyāmp piip God.antangan aꞌ putha wik ngeey-ngeeyāmp nunang.

1 John 4:15

Nil weeꞌangan Jesus kan-kanaman waaꞌiy nunang puk nhengk God.antaman-a, nil God.an ngangk nungantamangan wun-wunana. Nil pam alantangan nil God.an anman iiy-iiyan nungantang.

1 John 5:20

Ngamp meeꞌmiy ngul nil nhengk God.antamana inpal kenyan uk ngampara, ngamp yipam God.an min-minam ngaantam-ngeey-ngeeyāmp nunanga, puth kan-kanam thiichāmp nunanga, nil thonam anman God kan-kanam paththam, wiy yaꞌa. Yaa, ngamp iniy ngul-a, maꞌ pulantang iiy-iiyanamp, God.antang-a, putha Jesus Christ.antang, nhengk nungantamantanga. Nil inana kan-kanam God paththama. Nilam thonamangan ngangk ngulakaman piꞌ-piꞌow ngampanga.

1 John 5:5

Nil puth weeꞌangam nath um thaampowan oony way piꞌanan e? Yaꞌa! Ngamp-ngampaman keꞌ thaampimpana! Puth ngamp weeꞌ-weeꞌanangan Jesus.an ngaantam-ngeeyāmp nunang nilan nhengk God.antaman-a, an ngamp ep um thaamp-thaampāmp nunang, oony way piꞌananiya.

Revelation 7:2

Aꞌ anpalaniya, ngay ngaantiyongk thonangan thathangan anpal kaaw iiy-iiy, nilana maꞌangan yuk keꞌ stamp yimanangan kal-kal, yipam pam wanch al-alantangan namp umpow ngul-ngangk thanttang, yipam meenathow thanang than pam wanch God.antan, nilan man-yetham aak umpuyaman wun-wunan. Nil ngaantiyongkan wik othamayan pech thant ngaantiyongk wiy four al-alantan. Nilan God.angan kaꞌathaman work kan theeꞌ thant, than yipam aak inan aꞌ putha ngak thomp thampan wayathayna.