Matthew 15:17 - Wik-Mungkan

¹⁷ Niiy keꞌam ey? min-minan ngaantam-ngeeyaniy ey? Wik ngay nyiingkan waaꞌ-waaꞌang niiyant-a, an yimanang wunana. Nil pamangweya mayan mungkan-a, an mayaniy-a, thip nungantamang wunan, amanamaniya may ananganiya pentan ngul nungantam.

Matthew 15:17 Iomraidhean Croise

Matthew 15:16

Nil Jesus.an thaw thant, “Niiy ngul kuchek thinhan yippak ey? keꞌ pam wiy anangan ey?

Matthew 15:18

Puth nilwey pamang way anman ngaantam-ngeeyiy-a, nil wik way thakan thawiya, aꞌ puth nilana way-wayam paththam ngul weeniy.

Mark 7:19

puth mayaniy-a, ngangk nungantangan keꞌ wunan, yaꞌa, thipangan ep wunan, amanamaniya may ananganiya pentan ngul nungantam.” (Nil Jesus.an wik inangan thaw-a, nil wik inan waaꞌ: may yotam anangan min ngampar mungkanakana, ngench thayan yaꞌa.)

Luke 6:45

Pam minan iiy-iiyan-a, nilaniy wik min ngangkangan piꞌ-piꞌan, puth nilaniya wik minan thaw-thawan putha min yump-yumpan. Pam wayan iiy-iiyan-a, nilaniya wik way ngangkangan piꞌ-piꞌan, puth nilaniya wik way thak thaw-thawan, putha way yump-yumpan thampa. Ngamp wik ngeen nathan piꞌ-piꞌanamp ngangkanganiy-a, wik ananganiya thaaꞌaman ngul pentow ngampar.

1 Corinthians 6:13

An min ngampar may mungkanakan ey? Eeꞌ kan-kanam a! Niiy nath ngaantam-ngeeyaniya, “Nil God.angan may minh yump ngampar, thip aakanakan mungkāmpa, aꞌ nil thip yump ngampar may yipam mungkāmpa.” Puth may minh thakana, aꞌ thip ngamparam anangan yaam wuniy ey? An yaꞌa, ngul minchowa, nil puth God.angan ngul wayathow may-a, minh-a, thip thampa. Aꞌ thon inan ngeeyāna: nil God.angan ngeenak yump ngampang a? Ngamp way yipam iiy-iiyāmp ey? maarich thak keeꞌ-keeꞌāmp ey? An yaꞌa! Nil aakanakan keꞌ yump ngampanga, yaꞌa! Nilan yump ngampanga ngampan yipam wik ngeey-ngeeyāmp nunang, aꞌ thaaꞌ-kuump-kuumpāmp nunang, aꞌ nilaniy yipam min-minam piꞌ-piꞌow ngampang.

James 3:6

An keꞌ yimanangan thaaꞌnganth ngamparamaniya, keꞌ thum yimanangana. Kul ngulan thawanamp-a, an keꞌ nhoom ngul weꞌaramana pench-penchan. Ngamp wik way thampangan thawimpan-a, ngamp puth wayathwimp ngamparakamana, an keꞌ thum yimanang puy-puyam aathan kemp ngamparamangana, aꞌ kuchek ngamparamangan putha ngangk ngamparamangan aꞌ ngampan puth pam wanch way kan-kanam ngul iiyanamp, erkam wik ngeeyanamp nungantam oony way alantaman, aꞌ ngamp puth puy-puyam way-wayam paththam ngul iiy-iiyanamp.