Matthew 12:19 - Wik-Mungkan

¹⁹ Nil kul keꞌ thawow pam wanchantana, puth-a, wik keꞌ pechow thanta. Nil wik othamayanan woyan wakanana keꞌ thaw-thawow, yaꞌa.

Matthew 12:19 Iomraidhean Croise

Matthew 11:29

Ngay puth ngangk minangam iiy-iiyang niiyant, keꞌ meek keꞌam iiy-iiyang niiyant, yaꞌa -- yaa, puth niiyana wik ngatharaman min-min ngeeyāna aꞌ kuchekangam piꞌ-piꞌāna, anpalana ngay ngangk min ngul yumpāng niiyang.

Matthew 12:20

Nil minam iiyow thant pam wanch michan iiy-iiyantan, than keꞌaman aak thaamp-thaampantan, nil keꞌ wayathow thanang, yaꞌa. Pam wanch yotangan thathayn nunang nil min-minam paththamana. Nil min anman iiy-iiyow aak-aakanakamana pam wanchangan wik thayan God.antam anangan ngeey-ngeeyaynana.

Luke 17:20

Aꞌ than pam Pharisees anangan engkin nungant Jesus.antan, “Nil God.angan aak ngeen nathan meenathow nungamang nil moom piꞌan paththaman iiyow a?” Nil puth Jesus.ana thaw thant, “Nil engk-engkanangan keꞌ meenathiw nungamang nil moom piꞌan want-wanttakan iiy-iiyan.

2 Corinthians 10:1

Ngurp ngatharam niiyalang, in ngeeyiya: nil Jesus.an ngangk minangam paththam iiy-iiyan ngampar. Puth ngay kaangk wik itangam thawāng niiyant keꞌ nilam yimanangan thawiy niiyant. Than pam wanch wiy anangan thawantan ngay nangan niiyantangan wunangan-a, ngay mich aꞌ winynyang moꞌangana, puth ngay lat aak thon anpalan umpangan-a, ngay wik thayanam umpang aꞌ wakang niiyang thamp! Pam wanch wiy anangan wik yimanangan thakan thawantan.