Matthew 12:17 - Wik-Mungkan

¹⁷ Nil yimanangan thaw thant nil yipam meenathow ngampar wik Isaiah.antamana an kan-kanam waaꞌ-waaꞌ ngampara, wik inangana aak keenkan ump lat ngench thayanangan,

Matthew 12:17 Iomraidhean Croise

Matthew 12:16

aꞌ thaaꞌ-thayanam thaw thant keꞌ waaꞌayn nunang wiy al-alantana.

Matthew 12:18

“Pam inman thonam workan iiy-iiyan ngathar, ngayan miꞌangana. Ngay kaangk paththam wunang nungant, ngangk min paththam wunang nungantamana. Ngay Ngeen-Wiy Min ngatharam kuchāng ngangk nungantangan wunowa. Aꞌ nilana waaꞌow thant ngay kaangk pam wanch kaaꞌ-piichanathāng thanang aak umyompanamana.

Matthew 13:35

An nil meenath ngampar wik nil prophetangan keenkanam waaꞌ-waaꞌ ngampara, lat ngench thayanangana, an kan-kanam waaꞌ, wik inangan: “Ngay wikan waaꞌang pam wanchantan-a, engkanang keꞌim waaꞌāng thant, ngay keꞌ wik kath anman waaꞌ-waaꞌāng thant. Ngay wik waaꞌāng thanta pam wanchant nil piip God.angan wik maꞌ mupaman piꞌ-piꞌ aak nathpalman aak inan keꞌam yippakan wuna.”

Matthew 21:4

Nil Jesus.an wik yimanangan thaw-a, an nil meenath ngampar wik than prophetsangan waaꞌ-waaꞌin nunang keenkanam-a, an kan-kanam wampin ngula, wik inangana lat ngench thayanangan umpin:

Matthew 8:17

Nil Jesus.angan oony way thakan kenth thanttaman-a, puth-a, aniy-a, alpan anangan miyalath thanangan-a, nil meenath ngampar wik nil Isaiah.angan keenkanaman waaꞌ-waaꞌ ngampar, lat ngench thayanangana an kan-kanam waaꞌ nunanga wik inana, “Nilam thonakam maꞌ-aath-aathan ngampang, miyalathan ngampang weechan ngampangan yot umyompanamana!”

Luke 21:22

Puth aak an-aniyangan-a, nil piip God.angan pam wanch yot anangan way-wayathow thanang aak Jerusalem.angana, nil yipam meenathow ngampar than keenkanamana lat ngench thayanangan umpin-a, an kan-kanam paththam waaꞌin.

Luke 24:44

Aꞌ nil Jesus.an thaw thant ngula, “Ngay keꞌaman yippak uthamangan-a, ngay kan waaꞌ-waaꞌangan niiyanta, than Moses-a, puth prophets al-alangan keenkanaman latangan umpin waaꞌin ngayang putha lat Psalms.angan waaꞌ-waaꞌin ngayang thamp. Ngay kaꞌathaman kan waaꞌ-waaꞌangan niiyant aak ngeen nathan wampow ngathara, puth inan kan-ngul wamp ngathara. Than puth keenkanaman kan-kanam umpin lat ngench thayanangan.”

John 10:35

Ngamp meeꞌmiy wik lat ngench thayanangan-a, kan-kanam paththam ngulakam wunow. Yaa, puth God.angan moom wuut piꞌan waaꞌ thanang pam anangan nil wik nungantaman waaꞌ thant.

John 12:38

Puth wik nil pam prophet Isaiah.angan keenkanaman ump-a, an kan-kanam waaꞌ. Wik yimanangan umpa, “Lord-ang, ngul than weeꞌ-weeꞌanang ngaantam-ngeeyin wik ngalan waaꞌ-waaꞌal thant a? Nint puth nungkamangan kan meenathan thant nint wuut piꞌanana! Puth yaꞌa, pam wanch thinhan, keꞌ ngeeyiythan, yaꞌa.”

John 19:28

Anpalan-a, nil Jesus.an yuk wuuyanang wun-wun-a, aꞌ nil ngaantam-ngeey nungantakam, “Yaa, work ngayan iiy-iiyang aak ingan-a, piip ngatharamangan waaꞌar-a, an yaꞌ-ngul, ngay kanam minchathang.” Aꞌ nil thaw thant, “Niiyalang! ngay ngakam uthamang a!” Nil wik inangan kanan thaw-a, an puth wik God.antaman kan-kanam ngul wamp than keenkan lat ngench thayanangan umpin.

Acts 13:27

Than pam wanch aak Jerusalem punchan anangana aꞌ puth moom piꞌ-piꞌanam thanttam anangan than ngoongk-ngoongkam than keꞌ meeꞌmiy yaꞌa nil Jesus.an uk kaaꞌ-piichanathow thanangana. Than wik thanttam pam piꞌan prophets al-alantaman maꞌ-yotam readimpung-pungin aak Saturdays.ana, than puth wik ananganiya min-minan keꞌam ngaantam-ngeeyin yaꞌa. Than prophetsangan keenk-keenkan wikan waaꞌin nunang latangan than mulathayn nunangana, aꞌ than kan-kanam ngul mulathin nunang.