Matthew 10:4 - Wik-Mungkan

⁴ aꞌ putha Simona thanan waaꞌ-waaꞌin nunang Patriot, nil puth aak nungantamakana kaangk wun paththama, aꞌ putha Judas Iscariot. Nil pam ilangaman ngulaniya maꞌaman theeꞌow nunang Jesus.an pam soldiers al-alantan mulathayn nunangana.

Matthew 10:4 Iomraidhean Croise

Matthew 26:14

Aꞌ ngurp nungantam thonamana, pam namp nungantiya Judas Iscariota, nil iiya pam moom piꞌ-piꞌanam al-alantan, priests al-alantan,

Matthew 26:15

aꞌ thaw thant, “Ayyang, kan in ngeeyiya! Ngaywey maꞌaman theeꞌāng niiyant Jesus.an-a, niiy ngul ngathara ngeen theeꞌān e?” Thananiy kan-ngul wukal thirty.an yal-yalmathin, wukal silver anangan, aꞌ theeꞌin nungant Judas.antan.

Matthew 26:2

“Niiy kan meeꞌmiya, aak maꞌ-kuchamangan-a, anana aak may piꞌanan yumpayn Passover.an waaꞌantana. Aak an-aniyangan-a, pam way al-alangan maꞌam theeꞌayn ngayang pam moom al-alantan thanan yipam nailimpungayn ngayang yuk wuuyanangana, ngaya pam inmana nil God.angan kuchanya.”

Matthew 26:47

Nil Jesus.an wikan yippak thaw-thaw-a, nil ngurp nungantam Judas.an wamp. Nilan pam yot anangan karpam kal thanang, than puth pam piꞌan al-alangan kuchin thanang pam piꞌan priests al-alangan-a, aꞌ puth pam wuut manth-thayan al-alangan. Than pam anangan Judas.antang wampin-a, than nhengk-peempan pepana aꞌ yuk muurkan anangan kal-kalin.

Matthew 27:3

Anpalan-a, nil Judas.ana pam nilaman theetath nunang Jesus.ana, nilana wik ngul ngeey thanang than kanan kalin nunang Jesus.an yipam mulathayn nunanga. Aꞌ nilaniya ngul-nyaaꞌ ngul wun aꞌ putha ngangk way thamp wunant, puth nil ngaantam-ngeeya nil way iiy Jesus.antana. Nilana wukal yot koyam kal thant pam piꞌan priests al-alantana aꞌ putha pam wuut manth-thayan al-alantana,

Mark 14:10

Aꞌ ngurp nungantam thonamana, pam namp nungantaniya, Judas Iscariot, nil iiy pam piꞌan priests al-alantan aꞌ thaw thant nil Jesus.an theetathowan thant.

Mark 14:43

Nil Jesus.an wikan yippak thaw-thaw-a, nil ngurp nungantam Judas.an wamp. Nilan pam yot anangan karpam kal thanang, than puth pam piꞌan al-alangan kuchin thanang, pam piꞌan priests al-alangan-a, aꞌ puth pam piꞌan wiy al-alangan wik thayanan thaaꞌ-aath-aathin-a, aꞌ puth pam wuut manth-thayan al-alangan. Than pam anangan Judas.antang wampin-a, than nhengk-peempan aꞌ yuk muurkan thak kal-kalin.

Luke 22:3

Aꞌ anpalana, oony way piꞌan anana ngangkang ngoonch nungantang, Judas Iscariot.antangan, ngurp nungantam Jesus.antam thon alantangan.

Luke 22:47

Nil Jesus.an wikan yippak thaw-thaw-a, than pam yot anangan kan-ngul wampin nungant. Nil ngurp nungantam Judas alangan-a, karpam kal-kal thananga. Nil Judas.an thintham iiy nungant Jesus.antan, yipam wal piintow nunanga.

John 13:2

Anpalaniy-a, Jesus-a, aꞌ than ngurp nungantam anangan kan-ngul nyiinin may mungkanakan. Nil oony way alangan kanam kuchek Judas.antangan wik wunp, nil yipam wik yumpow thanttang, pam way al-alantangan, Jesus.an mulathayn nunang. Nil Judas anan-a, nhengk Simon Iscariot.antam.

John 6:64

puth niiy puungk wiyangiy-a, keꞌam yippak ngaantam-ngeeyaniy ngayang a! yaꞌ paththam.” (Nil puth Jesus.angan-a, nathpalman thiich thanang, than weeꞌ-weeꞌanangan keꞌaman monkan-wak-wakantan nunang, aꞌ puth weeꞌangan theetathow nunangan pam way al-alantana.)

John 6:71

Nil Jesus.anganiy-a, pam Judas anman waaꞌ-waaꞌ nunang, pam nhengk Simon Iscariot.antaman. Ngulaniy-a, pam ilangaman-a, ngurp nungantam Judas.angana, Jesus.ana theetathowan ngul thant pam way al-alantan.

Acts 1:13

Than aak Jerusalem.angan ngoonchin aꞌ aawuch thanttamakan wampin aꞌ thanan keny ngul matin; than pam inangana, Peter-a, puth John, James-a, puth Andrew, Philip-a, puth Thomas, Bartholomew-a, puth Matthew, aꞌ James nhengk Alpheus.antaman, aꞌ Simon the Zealot.ana (yimanangan waaꞌantan nunang puth nilan kaangk keꞌ wiyangan aak nungantaman piꞌayn) aꞌ Judas nhengk James.antaman.

Acts 1:25

nil pam want-wanttin nintan miꞌan nganttangan iiyow, wikan waaꞌ-waaꞌow pam wanch wiyantan. Puth nil Judas.angan work inan wanta, aꞌ aak way aakanakan kan-ngul iiy.”