Mark 8:21 - Wik-Mungkan

²¹ Aꞌ nil thaw thant, “Niiy min-min yippak keꞌam ngaantam-ngeeyaniy ngayang ey?”

Mark 8:21 Iomraidhean Croise

Mark 6:52

than puth keꞌam minam ngaantam-ngeeyin nil ngeenam mayan aath-aath thanang pam wanch thaaꞌ-wantanam anangan, five thousand anangan, than puth keꞌ thiichiythana.

Mark 8:12

Nil puth Jesus.an ngangk piꞌanam theeꞌ, aꞌ thaw thant, “Than ngul pam wanch anangan inangaman wuntan-a, ngeenak thaachantan ngayang ngay work piꞌan meeꞌ thanttangan yumpāng a? An yaꞌa! Ngay work piꞌan keꞌ yumpāng thant. Alangan meenathow thant nil piip God.angan kuch ngayangan, puth ngay keꞌ yumping thant, yaꞌa!”

Mark 8:17

Nil Jesus.angan kanam thiich thanang wik thanan thaw-thawin, aꞌ nilan putha thaw thant ngul, “Niiy ngeenak thaw-thawaniy niiyantakamana ngamp keꞌ may bread keꞌanangana! Niiy ngul meeꞌmiy yaꞌ yippak ey? keꞌ yippak ngaantam-ngeeyaniy ey? Niiy kuchek way thinhan yippak iiy-iiyaniy ey?

Mark 8:22

Amanamaniya, than Jesus aꞌ ngurp nungantam anangan aak Bethsaida aakanakan iiyin ngul. Than pam wanch wiyangana pam koꞌanch wampathin Jesus.antana, aꞌ thanana thaaꞌ-mamanang thaw-thawin nungant maꞌ wunpowant, meeꞌan minam yumpowan.

Mark 9:19

Nil Jesus.an thaw thant ngul, “Ngay aak nathpalman wun-wunangan niiyantanga, puth yaꞌangama, niiyan puth min-minan keꞌam yippak ngaantam-ngeeyaniy ngayanga, yaꞌa. Ngay yaam kuup-kuupāng niiyant ey? Niiyan min-minan ngaantam-ngeeyān ngayangan ey? Puk ngechwiyan pal kalān ngathara!”

John 14:9

Nil puth Jesus.an thawant, “Ngay niiyantang aak ingan nathpalman wun-wunangan; puth nint ngayang ngoongk-ngoongkam yippak, Philip ey? Than weeꞌ-weeꞌanangan ngayangan thathin-a, an than piip ngatharaman kan thathin nunang tham. Nint puth wanttak ngul engkangan ngathar piip God.an meenathāng niiyant a?

1 Corinthians 15:34

Niiy kuchek minangam kan-ngul iiy-iiyāna aꞌ niiy wayan keꞌ-ngul yump-yumpān, kan wantāna! Ngay inan thaw-thawang niiyanta: niiy wiy il-ilangan min-minam keꞌam God.an ngaantam-ngeey-ngeeyaniy nunang nil min-minam paththama aꞌ putha piꞌan paththama. Ngay wik inan thaw-thawang niiyantana, ngay yipam kootra nyaaꞌ yumpāng niiyangweya.

1 Corinthians 6:5

Niiy ngul-nyaaꞌ iiyin a! Ngul pam thonam puy yaꞌ ey? niiyantang ey? kuchek waap min thamp ey? nil yipam maꞌ-aathow niiyang, niiyan yipam kulan minchathān niiyantakamana.