Mark 7:3 - Wik-Mungkan

³ (Than puth Phariseesa puth Jews wiy anangan thama than woyan anman wakin wuut mangk thanttam al-alangana wantina; thananiya maꞌ min-minam kuyam pungin may mungkanakana.

Mark 7:3 Iomraidhean Croise

Mark 7:13

Niiy wik yimanangan waaꞌ-waaꞌaniy pam wanch wiyantan-a, an puth niiyan wik piip God.antamana thaamp-thaampaniya! Aꞌ puth niiy way maꞌ-yotam yimanangan yump-yumpaniya!”

Mark 7:5

Yaa, puth than anangan Phariseesa aꞌ pam anangan thana wik thayanan thaaꞌ-aath-aathin thanang, thanan engkin nungant Jesus.antan, “Ayyang, Jesus-ang, an than ngurp nungkaram al-alangan kan kumin ey? aak ngamparam wuut mangk al-alangan wantin ey? Than may mungkanakan-a, thanana maꞌ min-min keꞌam pung-pungantan ey?”

Luke 11:38

Nil pam Pharisee alangana Jesus.an oth thath-thath nunang maꞌ keꞌ punganaman mayan mungka, aꞌ nilaniya thaaꞌam ika.

John 2:6

Six jars piꞌ-piꞌanam angman than-thanin, than puth kunttowam yumpin thanang, ngakan piꞌ-piꞌin. Jars anangan-a, piꞌ-piꞌanam keꞌ drums yimanangan. Than Jews al-alangan ngak jars anpalan maꞌ kaaw-kaawin thanttakam, puth aak thantan yimanangan wun.

Galatians 1:14

Pam komp thaaꞌ-wantanamang wik thayan Jews.antaman thath-thathina, ngayiya work piꞌan ep-paththam iiy-iiyangana, thananiya keꞌ yaꞌ work manyam iiy-iiyinwey. Ngay ngangk punch-aakaman aak woyan nganttaman wak-wakangana, aak wuut mangk nganttamangan wak-wakina.

Colossians 2:8

Wiyangan nath way-way thaaꞌ-aathiythan niiyanga, than-thanaman ngaantam-ngeeyantan keꞌ kuchek waap min thana, puth yaꞌa. Niiy puth keꞌ ngeeyān thanang, an wik God.antam keꞌam waaꞌ-waaꞌantan yaꞌa. Niiyangan keꞌ muukamathaynweya. Niiy min-minam iiy-iiyān than yipam niiyangan keꞌ muukamathayn, wik wayanang al-alangan. Than wik anangan ngul waaꞌ-waaꞌayn niiyant than pamang aak keenkan waaꞌ-waaꞌina, puth wik ananganiya thanttama pam al-alantaman wik God.antaman yaꞌa. Aꞌ puth wiyiya than nath wik way anangan oony way al-alangan wantin thantan, anangan waaꞌ-waaꞌiythan niiyantana, puth wik ananganiy God.antam thamp yaꞌa. Niiy nath wik anangan ngeeyin thanttamwey-a, yaa, niiyaniya maꞌ thanttang ngul iiy-iiyina. Puth niiyaniya, keꞌ wik ngeeyān thanttaman.

1 Peter 1:18

Ngamp meeꞌmiy God.angan kaaꞌ-piichanath ngampang woyan way anpalan, than wuut mangk ngamparam al-alangan woyan wayan wantin ngamparana. Woyan inan min yaꞌa, ngamp nath wak-wakimpan-a, ngamp puth way iiy-iiyimpa. Aꞌ ngamp meeꞌmiy nil God.angan wukal keꞌam theeꞌ, yaꞌa, nil yipam kaaꞌ-piichanathow ngampangana, an yaꞌa, wukal anangan yaam min keꞌ wun-wuniythan, an yaꞌa, an ngul way-wayamayna.