Mark 5:7 - Wik-Mungkan

^7-8 Aꞌ nil Jesus.an thaw oony way alantan, “Nint kan pentān pam ilantamana.” Aꞌ nil pam weenthana wik othamayan pech, “Jesus ey! puk nhengk pam ngench wuut piꞌan alantaman ey! puk nhengk God.antam nintiya! Nint ngul ngeenak wampan ngathar e? Nint keꞌ wayathān ngayang! Nil God.angan ngeeyan ngayang ngay inan thawang nungk,” paman thaw Jesus.antan.

Mark 5:7 Iomraidhean Croise

Matthew 16:16

Aꞌ nil Simon Peter paththam thaw Jesus.antana, “Ayyang, nint in ngeey a! Nintiya Christa, pam ananiya nil God.angan kaaꞌngaka ngulan kuchow ngantana. Nint pam nhengk God.antama, man-yethaman wun-wunan alantamana.”

Matthew 26:63

Puth nil Jesus.ana wik koyaman keꞌam thaw thant, yaꞌa, popam anman than-than. Aꞌ pam moom piꞌan priestana putham ngul thawant Jesus.antan, “Nil God.an man-yethama, nilan ngeey-ngeeyan nintang. Nint kan waaꞌān nganta! Nint kan-kanam thawan ey? Nint ngul pam inan God.angan keenkaman kaaꞌngak ey? kuchowan nintangan ey? nhengk God.antaman ey?”

Matthew 4:3

Amanamaniya, nil oony way piꞌanan wamp nungant Jesus.antan, aꞌ thawant, “Nint nath kan-kanamwey nhengk God.antaman-a, yaa, nint kunttow inangan epankathān thanang may breadakana.”

Matthew 8:29

Aꞌ yaam keꞌanamana pulaniya Jesus thathpul nunang aꞌ wik othamayan pechpul nungant, “Ayyang! Puk nhengk God.antam-ang! Nint pal ngeenak wampan ngant e? Nint nganang wayathān ey? Aak inan yippaka keꞌam wampa, nint keꞌ wayathin ngananga erkamana.”

Mark 1:24

“Ayyang, Jesus-ang! aak Nazareth anpalan wampan ey! Nint pal ngeenak wampan ngant e? Nint yipam nganang pam wanch yotaman mulathān ey? Puth ngay nintang meeꞌmiya -- nint in pam ngench thayana, nil God.angan kuch nintang!”

Mark 14:61

Puth nil Jesus.ana popam anman than-than, nil wik koyaman keꞌam thaw thant, yaꞌa. Aꞌ pam moom alangan putham ngul mep nunang, “Nint kan waaꞌān nganta! Nint ngul pam inan God.angan keenkaman kaaꞌngak ey? kuchowan nintang ey? Pam nhengk nungantaman God min paththam alantaman ey?”

Mark 3:11

Puth pam wanch angan thampa oony way anangan ngangkangan piꞌ-piꞌina. Than Jesus.an thathin nunang-a, thanana umangam aakang keekin nungant aꞌ othamayan pechin nungant, “Nintiya puk nhengk God.antam ey!”

Mark 5:6

Than Jesus weeꞌanang woꞌuwayn kanan wampin-a, than chukkun amanam ukin. Nil pam weenth alangan kecham thathan Jesus.an, aꞌ nil aak kunttow amanam pent aꞌ umang kamp othamayan moꞌ nungant Jesus.antan, aꞌ pungkang thuch nungant.

Luke 1:32

Nilan puth nhengk God.antam, moom piꞌan paththam ngamparamana. Nil tham piꞌan paththam iiyowa. Nil piip God.angan-a, pam piꞌan King ngul yumpow nunang keꞌ wuut mangk nungantam David.ana,

Luke 4:34

“Ayyang, Jesus-ang, aak Nazareth anpalan wampan ey! Nint pal ngeenak wampan ngant e? Nint yipam nganang pam wanch yotaman mulathān ey? Puth ngay nintang meeꞌmiya -- nint in pam ngench thayana, nil God.angan kuch nintanga!”

Luke 6:35

Niiy in ngeeyāna! Niiy ngangk minangam iiyān thant than weeꞌ-weeꞌanangan ngangk-wayangaman kalantan niiyang, aꞌ minam iiyān thant; than nath wukalakwey aꞌ mayak thakanweya thawiythan niiyantan-a, niiy ngangk minangam theeꞌān thanta, aꞌ keꞌ ngaantam-ngeeyān niiyantakaman than nathwey koyaman theeꞌiythan niiyant, nath yaꞌa. Niiy nath min yimanangan iiyin-a, nil piip God.angan puthangkan min-minam paththam iiyow niiyant, aꞌ nil puk nhengk nungantaman ngul waaꞌow niiyang, nil God ngamparam piꞌan paththam alangaman. Nilaniy-a, minam iiy-iiyan thant pam wanch way al-alantan, aꞌ pam wanch than keꞌan thankyou.an thaw-thawantan nungant.

Luke 8:28

Nil Jesus.an thath nunang-a, nil paman othamayan pech, aꞌ aakang theeꞌ nungamang. Aꞌ nil Jesus.an thaw oony way alantan, “Nint kan pentān pam ilantamana.” Aꞌ nil pam weenthana wik othamayan pech, “Jesus ey! puk nhengk pam ngench thayan alantaman ey! puk nhengk God.antam nintiya! Nint ngul ngeenak wampan ngathar e? Ngay thaaꞌ-mamanang thawang nungk nint keꞌ wayathān ngayanga!” Nathpalmana, nil oony way inan maꞌ-yotam ngangkangan ngoonch nungantang, pam alantangan, aꞌ weenth paththam yump-yump nunang. Than pam wiyangan maꞌ-yotam mamin nunang, aꞌ maꞌ-yotam chainsangan maꞌ kathin nunang, puth yaꞌangam, nil chains anangan thuth-thuth, aꞌ than yuk chainsangan thaꞌangan kathin nungantang puth yaꞌangam, nil yaꞌ nhanthath chains anangan, aꞌ anpalana nil oony way alangan kuyam kal-kal nunang aak pintalakan.

John 20:31

Wik kath inangan Jesus.antaman umpangan, niiy yipam kan-kanam ngaantam-ngeeyān nunang nilan puk nhengk God.antam, God.angan kuch nunang, aꞌ puth-a, niiy yipam ngangk punch-aakam theeꞌān nungant. Puth nil Jesus.an wamp aak iikanakan, yipam kaaꞌ-piichanathow niiyang, niiy yipam maꞌ God.antang inpalman iiy-iiyān, aꞌ puth ngul-ngulakam.

Acts 16:17

Nil koman ilangana monkan-wak-wak nganang Paul.anga, aꞌ othamayan pech-pech thant yotantana, “Pam inanganiya than God wuut piꞌanan monkan-wak-wakantan nunang, aꞌ work nungantan iiy-iiyantan, puth thanan waaꞌ-waaꞌantan niiyant nil God.angan want-wanttakan kaaꞌ-piichanathow niiyang way niiyantam anpalana,” nil wanch komanana wik yimanangan pech.

Acts 19:13

Than pam Jews wiy anangana than pal-puy iiy-iiyina, aak thon-thonak. Than kenth-kenthin oony way anangan ngangk thanttam anpalan. Aꞌ kinch thonamangana than ngaantam-ngeeyin namp nungantang Jesus.antang wichayn. Aꞌ than thawin oony way alantan puth wantow nunang pam thonam anana, than inangan wik thawin, “Ngan inan puth thawanan namp Jesus.antanga, pam inman nil Paul.angan waaꞌ-waaꞌan nunanga, nint pam inana wantān nunang.”

Acts 8:36

Pul moꞌ-moꞌpul-aa, aꞌ ngakak wamppul ngak punth manyang aꞌ pam aak Ethiopia.am ngul thawant Philip.ant, “Ayyang, ngak in a! Nint ngayang kootra keꞌ kuungkin ey?”

Romans 16:20

An nil God.angan ep-paththam maꞌ-aath-aathan ngampangana keꞌ-paal ngangk minangam iiy-iiyāmp ngamparakamana. Nil paththam maꞌ-aath-aathow niiyang niiy yipam oony way piꞌanana um thaamp-thaampān nunanga, keꞌ niiy thaꞌang yimanangan maak-maakaniy nunangana. Ngay kaangk nil Lord Jesus Christ.ana minam iiy-iiyow niiyanta putha maꞌ-aath-aathow niiyang thampa.

Hebrews 2:14

Pam wanch God.antam anangana, nil God.anganiya nhengk waaꞌan thanang, thananiya kempa putha chaapar thamp iiy-iiyantan. Nil Jesus.an keꞌ-paal uk aak iikanakan pam keꞌ ngamp yimanangan yipam iiyow, nil nath yipam oony way piꞌanan thaꞌang pekam maakow nunang. Oony way inan-a, an karangka, an pam wanchan mul-mulathana. Puth nil Jesus.an uthaman-a, an nil kanam thaꞌang maak nunang oony wayaniya.

Hebrews 7:1

Aak keenkanamana nil pam Melchizedek.ana pam piꞌan king iiy-iiy aak namp Salem angana. Niliya priest thamp iiy-iiy God.antana, moom wuut piꞌan paththam. Aak an-aniyangana, Abraham weeꞌanangana aꞌ puth kings aꞌ soldiers thanttam anangana than pek-pekwin, aꞌ piik-piikwin thanttakam. Than Abraham weeꞌanangana mul-mulakaman piik-piikin thanang aꞌ anpalaniya, than kan-ngul iiyin koyam aak thanttamakan. Woyan ompamangan-a, nil Melchizedek.angana uw nunang Abraham.an. Aꞌ nil thawant Abraham.antan, “Ngay kaangk nil God.an min anman iiy-iiyow nungkar aꞌ maꞌ-aath-aathow nintang.”

James 2:19

Niiy nath God thonam anman ngaantam-ngeey-ngeeyin nunang, thon yaꞌana. Yaa, an mina, puth oony way al-alangan ngaantam-ngeeyantan thampang nil God thonam anmana, puth thananiya winynyang moꞌ-moꞌantan nungantam, akangam than-thantan.

2 Peter 2:4

Aak keenkanamana, ngaantiyongk puungk wiy al-alangan way yump-yumpin. Nil puth God.angan keꞌam kaaꞌ-piichanath thanang, yaꞌa, nil aak way aakanakan kuch thanang. Nil chain kathanam piꞌ-piꞌan thanang aak ngaaꞌ nyim angan. Aꞌ thananiya angman wun-wunayn aak-aakanakaman nil um nungantangan thanathow thanang.

1 John 3:8

Nil puth weeꞌangan wayan yump-yumpiy-a, an nil oony way piꞌan ngangkangana piꞌ-piꞌan nunang, nil puth oony piꞌan Satan.an-a, nathpalman keenkanam anpalman way anman yump-yumpana. Nil puth nhengk God.antaman aak iikanakan uk, yipam wayathow work nungantaman oony way piꞌan alantamana.

Jude 1:6

Aꞌ putha ngay inan putham thamp waaꞌāng niiyantweya than ngaantiyongk puungk wiy anangan way ngul weenina. Nil piip God.angan work theeꞌ thant nungant work iiy-iiyayn; puth yaꞌa, thanan ulp-ulpanang iiyin, aꞌ aak nungantamana too ngul wantin. Puth nil God alangan kath thanang yuk cholang aak pek-pekam aak ngaaꞌ nyim angan, nil anman piꞌ-piꞌan thanang aak-aakanakaman nil um nungantangan thanathow ngampang maꞌmangkamanwey. Aꞌ aak an-aniyangan-a, nil God.angan aak way aakanakan ngul kuchow thanang.

Revelation 12:12

Puth ngay inan thawang niiyant yotamant heavenangan wunaniy: ngangk minangam anman iiy-iiyāna! Puth niiyant al-alantan aak earthangan wunaniy aꞌ puth ngak thompangan wunaniy-a, an ep-paththam aak way paththam wampow. Puth nil oony Satan.an kan uk niiyantan, aꞌ nilan man kul paththam wampant, puth nilan meeꞌmiy aak nungantan kan-ngul otang ngul wampan nungant.” Ngay wik inangan ngeeyangan anpal keny yuwaman, heaven anpal.