Mark 4:41 - Wik-Mungkan

⁴¹ Puth thananiy-a, ngangk ikin, winynyang moꞌin, aꞌ thanan thawin thanttakaman, “Apey, nil ngul in wanttake? In nil pam wiy-wiyam ey? Wunt-a, puth yeelal alantan wik piꞌanan thaw-a, pulan-a, appap paththam wunpul, ana aak yaꞌ-ngul enyan paththam ween.”

Mark 4:41 Iomraidhean Croise

Matthew 14:32

Pul Jesusa puth Peter.ana chukkunang karpam chang peypul, anpalaniya wunt piꞌanana kan-ngul thuch-thuch, yaꞌ-ngul, enyan ngul wuna.

Matthew 8:27

Than pam anangana thaaꞌam ikin aꞌ thawin thanttakaman, “Apey, nil ngul in wanttake? In nil pam wiy-wiyam ey? Pul wuntang aꞌ yeelalangan wik thonam anman ngeeypul nunang. Wuntana yaꞌ-ngul enyanam wun aꞌ yeelalana yaꞌ-ngul pekam thucha.”

Mark 4:40

Amanamaniy-a, nil Jesus.an thaw thant ngurp nungantam al-alantana, “Niiy ngul ngeenam winynyang moꞌaniy e? Niiy God.an keꞌam ngangkang piꞌ-piꞌaniy ey?”

Mark 5:1

Nil Jesusa puth ngurp nungantam anangana, woꞌuwayn peyin chukkun thanttamang aak Galilee.am anpalan, aak pam wanch Gerasenes al-alantamakan.

Mark 5:33

Nil wanchana kan ngaantam-ngeey nungantakaman nil Jesus.angan koyaman min kan yump nunang, nil puth winy-winynyang iiy Jesus.antan, aꞌ pungkang thuchant um nungantang, aꞌ waaꞌ nungant nilan kan-kanam ngook nungantaman mam.

Mark 7:37

Puth than pam wanch yotangan wik anan ngeeyin nungantaman-a, thanan meeꞌam ikin, aꞌ thawin ngul, “Nil pam ilangan Jesus.angan min-minam wanttak yumpan! Nilaniya pam wanch weenth anangan-a, kon minam ngul yump thanang; putha pam wanch keꞌan wik thawantan-a, an thaaꞌnganth yaalꞌath thant a!” Aꞌ thanan thanttakam thawin, “In pam nil-nil ey!”

Luke 4:36

Than pam wanch churchang angan nyiin-nyiinin-a, an than thaaꞌam ikina, aꞌ thanan kan-ngul thaw-thawin thanttakamana, “Ayyang, inan wik wanttaka? Nil pam inana wiy-wiyama! thayan paththama! Nil oony way anangan kenthan thanang, thanan puth pentin ngul ngangk pam wanch al-alantamana!”

Luke 8:25

Amanamaniy-a, nil Jesus.an thaw ngurp nungantamant, “Niiy ngul ngeenam winynyang moꞌaniy a? Niiy God.an keꞌam ngangkang piꞌ-piꞌaniy ey?” Thanan puth ngurp nungantam al-alangan thaaꞌ ikanang thathin ngak enyan ngulan wun, thana ngangk ikin, winynyang moꞌin, aꞌ thanan thawin thanttakaman, “Apey, nil ngul in wanttak e? In nil pam wiy-wiyam ey? Wunt-a, puth yeelal alantan wik piꞌanan thaw-a, pulan-a, appap paththam wunpul, ana aak yaꞌ-ngul enyan paththam ween.”

Hebrews 12:28

Yaa, ngampaniya ngangk minangam iiy-iiyāmpwey aꞌ thaaꞌ-kuump-kuumpāmp nunang piip God.an puth nilan kalow ngampang aak nungantam aakanakan, keꞌan minchow, aak anana keꞌan wunyathow yaꞌa. Yaa, ngampana ngaantam-ngeeyāmp nil piip God.an moom wuut piꞌan paththama, nilam anman thonakama, wiy yaꞌa. Yaa, ngampana wik ngeeyāmp nunang aꞌ monkan-wak-wakāmp nunang thama nil yipam ngangk min wunow.

Revelation 15:4

Pam wanch yotamangana ngaantam-ngeeyantan nintang thonam anman thonakam wuut piꞌan aꞌ putha maꞌ-thayan paththam aꞌ min-minam paththam nintam thonam anman. Pam wanch maꞌmangkamana aak nath-nathan wuntan aak umyompanaman-a, an than wampayn aꞌ thaaꞌ-kuumpayn nintang, puth thanan thathayn nintang min kan-kanam paththam yump-yumpangan.”