Mark 4:15 - Wik-Mungkan

¹⁵ Pam wanch wiy al-alangan wik God.antaman ep ngeeyantan, ngul yaam keꞌanangan-a, nil oony wayan wampan thant, thawan thant wik keꞌ ngeeyayn. Ngul thananiy-a, oony wayan ngeeyantan nunang, keꞌ-ngul God.an monkan-wakantan nunang. Inaniya, keꞌ may kaanch anangan woyan wakanangan keekin, aꞌ minh panchangana mungkin thanang.

Mark 4:15 Iomraidhean Croise

Matthew 13:19

Than pam wanch wiy al-alangan kanaman wik God.antaman ngeeyantan nil pam wanch yot anangan ngul piꞌ-piꞌow ngampang maꞌ nungantang. Puth than wikan min-min keꞌam ngaantam-ngeeyantan. Pam wanch anangan-a, keꞌ may kaanch yimanangan woyanangan keek-keekin. Thananiy-a, oony wayan erkam ngeeyantan nunang, kaangk keꞌ-ngul God.an monkan-wakayn nunang.

Matthew 22:5

Puth pam anangan thampanga yaꞌangam thaw-thawin thant, puth pam wanch anangana kaangk keꞌ may piꞌanakan wampayn, than keꞌ-ngoongkam work iiy-iiyin; pam thonamiya koyam iiy farm nungantamakan; nil pam thonaniya, koyam iiy store nungantamakan,

Matthew 4:10

Puth nil Jesus.an thaw nungant, oony way piꞌan alantan, “Ngay keꞌa! In ngeeyāna! Puth wik inangan lat ngench thayanangan thawana, ‘Niiy piip God anman thonakam thaaꞌ-kuumpān nunang, wiyan yaꞌa, aꞌ woyan God.antam wakān ngangk min yumpān nunang.’ Nint puy kan iiyāna! Satana!” Jesus.an thaw.

Mark 4:14

Yaa, in ngeeyān a! Ngay wik kathan koochanathāng niiyant. Nil pamangan-a, may kaanchan aakang theeꞌ-theeꞌanan-a, an keꞌ nil pam anan wikan waaꞌ-waaꞌan God.antamana.

Mark 4:16

Pam wanch wiy ananganiy-a, keꞌ may kaanch anangan aak kunttowthiyangan angan keekinwey. Than il-ilangan wik God.antam ngeeyantan, aꞌ erkam ngangk min wun thant,

Mark 4:4

Nil may kaanch anangan maꞌang theeꞌ-theeꞌ thanang-a, wiy anangan-a, woyan wakanang keek-keekin. Anpalan-a, minh panch anangana aakang ukin aꞌ mungk-mungkin thanang.

Luke 8:12

Than pam wanch wiy al-alangan wik God.antaman kan ngeeyin, ngul nil oony wayan wampan thant, thawan thant, ‘Keꞌ ngeeyān a!’ Ngul thananiya, oony wayan ngeeyantan nunang, keꞌ-ngul God.an ngangkangan piꞌ-piꞌantan nunang. Anpalan-a, nil God.angan keꞌ-ngul kaaꞌ-piichanathow thanang. Inaniy-a, keꞌ may kaanch anangan woyan wakanangan keekin.

Acts 17:32

Than Paul.an ngeeyin nunanga nil pam inan waaꞌ koyaman ek mulaman-a, than pam wanch wiy al-alangana thaaꞌ-thengkathin nunanga. Aꞌ than pam wanch wiy anangan ep thawina, “Ngan kaangk wik ngeeyāna nintang ngantan putham waaꞌān.”

Acts 5:3

Nil Peter.an thaw nungant Ananias.antan, “Nint ngeenak wik erkam ngeeyan nunang oony wayaniy e? Nil ngul thaach nintang ey? keꞌ-paal nintan wik uuyaman ey? Ngeen-Wiy Min God.antam alantan ey? Nint wukal wiy anangan nungkarakam piꞌ-piꞌan thanang than nungkaran theeꞌin aak anpalana!

2 Corinthians 2:11

Ngampang keꞌwey way pam alantaman kon-ngathiwan-a, an oony way alangan thaach-thaachan ngampang. Ngamp puth kan meeꞌmiy nil kaangka ngampangan muukamathow ngamp yipam way yumpāmpa. Ngampiy paththama wik min thawāmp nungant pam alantana!

2 Thessalonians 2:9

Puth kaꞌathaman nil pam way inmanan wampow-a, nil oony way Satan.an moom piꞌan iiyow nunganta. Nil oony way alangan ngul maꞌ-kunch yumpow nunangan work piꞌan wiy-wiyam meen-meenathow, puth min yaꞌa, an work way paththam, than pam wanchangan min-min keꞌ thiichayn, aꞌ than winynyang moꞌ-moꞌayna.

Hebrews 12:16

Niiy maꞌ-aath-aathwun niiy keꞌ yipam way-wayam paththam ngul weemāna keꞌ pam Esau.ana nil way paththaman iiy-iiy aak keenkanamana. Nilaniya meech-meecham weena, nil thaw pont-kunchantan, “Nint ngayang mayan aathān-a, aꞌ putha nintaniya keꞌ puk kaaꞌ-ngeecham yimanangan iiyāna aꞌ nil piip God.ana min iiy-iiyow nungkar keꞌ nil puk kaaꞌ-ngeechamantan min anman iiy-iiyan thantweya.” Nil Esau.angan may thonakam ngaantam-ngeey, God.an yaꞌa.

Hebrews 2:1

Nil Christ.an piꞌan paththama, puth ngampaniy-a, keꞌ-ngoongkam wik min anana ngaantam-ngeey-ngeeyāmpa wik kaꞌathaman ngeeyamp nungantamana, ngampan yipam keꞌ thech-thechāmp nungantam anpalana keꞌ yuw yimanangan thech-thechathan wuntangan.

1 Peter 5:8

Oony way piꞌan ngul wamp niiyant maꞌ-pil-wayathiy niiyang. Puth nil pal-puy thath-thathana, wenk-wenkana, nil yipam mamow niiyang nungantang yipam iiy-iiyān keꞌ minh kulliy yimanangan mayak wenk-wenkan. Yaa, niiyana kon kenyangk wun-wunāna aꞌ meeꞌ weꞌ-weꞌar thamp iiy-iiyāna.

Revelation 12:9

Aꞌ than thuuk piꞌanan yoon ngul theeꞌin nunang. Nil thuuk anmana, aak nathpalman wun-wun, oony way Satan.an waaꞌantan nunang, nil alangaman pam wanch yotan muukamathan thanang. Than anpal kenyan aak iikanak earthak theeꞌin nunang, aꞌ puth ngaantiyongk way nungantam anangana, thanang thamp theeꞌin thananga aak iikanakan.

Revelation 20:10

Puth nil oony way anana, nilam thanang keenkanaman thakan muuk-muukamath thanang pam wanch anangan-a, nil God.angan thum piꞌan karkan angan theeꞌ nunang, thum ananiy keꞌ woꞌuw weꞌar wuut piꞌan paththam yimanangan aꞌ thokana thup-thupam kenyan mat-matan thum anpalan. Minh kulliy way anana aꞌ putha pam anana wik way-way thampan thaaꞌ-aath-aath thanang pam wanch anangan-a, pulanganiy-a, thum karkan piꞌan ang pekan theeꞌin pulang kaꞌathangamana. Pulang weech-weechow pulang aꞌ thaaꞌ-eench-eenchowpulwey ngut ongkana, puth kinch ongkana. Pul ngulakamwey aak umpuyam thumang angman pench-penchowpul thaaꞌ-eench-eenchowpul.

Revelation 20:7

Kaap one thousandan kanan minchow-a, an Satan.ana kuchayn nunang awar thangk pek kech anpalana.