Mark 3:7 - Wik-Mungkan

⁷ Nil Jesus-a, putha ngurp nungantam anangan than kan-ngul iiyin kookam piꞌanak Galilee.aka, aꞌ pam wanch thaaꞌ-wantanamang monkan-wakin nunang -- pam wanch aak nath-nathpalan wampin Jesus.antan -- aak Galilee.ama, putha aak Judea.ama,

Mark 3:7 Iomraidhean Croise

Matthew 10:23

Thanwey aak thonamang ngangk-wayangam kaliythan niiyangwey-a, nathwey yukang thak piikiythan niiyang-a, yaa, niiyana aak thonak erkam iiyāna ngula. Kan in ngeeyāna; niiyaniya wik min God.antamana pal-puy waaꞌ-waaꞌān aak town thon-thonangana aak Israel.angana. Work niiyantam keꞌan yippak minchow-a, ngay inman pam nil God.angan kaꞌathaman kuchany-a, ngay palam ngul wampānga.

Matthew 12:15

Nil Jesus.angan wik ngeey thanttam thanan wik yumpin thanttakamana than mulathayn nunang, aꞌ anpalana nil aak anan want ngul. Pam wanch thaaꞌ-wantanam al-alangan monkan-wak-wakin nunang. Nil miyalath thanang pam wanch anangan weech-weechan thananga,

Matthew 12:16

aꞌ thaaꞌ-thayanam thaw thant keꞌ waaꞌayn nunang wiy al-alantana.

Matthew 4:25

Nil Jesus.an aak wanttinakan iiy-a, than pam wanch yotangan-a, anman monkan-wak-wakin nunang -- than pam wanch aak Galilee.aman-a, aak piꞌ-piꞌanam ten anpalan-a, aꞌ Jerusalem anpalan-a, puth aak umyompanam Judea.am anpalan, aꞌ puth-a, punth Jordan woꞌuwayn anpalan thampa iiy-iiyin nungant, palam-puyam monkan-wak-wakin nunang.

Mark 1:39

Aꞌ anpalana, nil Jesus.an village thon-thonakan iiy-iiy aak Galilee angman. Nil church thon-thonangan wik min God.antaman waaꞌ-waaꞌ thant, aꞌ oony way anangan kenth thanang ngangk pam wanchantam yotam al-alantaman.

Mark 1:45

Puth nil paman-a, iiya, aꞌ wikan pal-puy waaꞌ-waaꞌ, yotangam ngeeyin wik inan Jesus.antaman. Nil pam alangan wikan puy-puyam ngul waaꞌ, yaa, anpalaniya, nil Jesus.an keꞌam ngul townakan ngoonch, meeꞌ yotantangan. Nil aak enyanang wun-wun, aꞌ pam wanch yot anangan aak nath-nathpalan wampin nungant.

Mark 3:20

Amanaman-a, nil Jesus.ana aakak iiy. Aꞌ pam wanch yotangan putham ngul wuthanathin nunang Jesus.ana, puth than yotweya! Nil Jesus-a, putha ngurp nungantam anangan than keꞌ may mungkiythan-a, puth yaꞌa, yot wampin thanta.

Mark 4:1

Anpalaniy-a, nil Jesus.an koyam iiy kookam piꞌanakan, Lake Galilee.an, aꞌ aak angan-a, nil putham ngul thaaꞌ-aath-aath thanang pam wanch anangan. Pam wanch thaaꞌ-wantanaman yalmathwin nungant, wuth-wuthanathin nunang. Yaa, nil puth Jesus.angan-a, chukkun thath, ngakangan than-than aꞌ nilan aakanakan iiy, chukkunangan chang pey, aꞌ angan nyiin. Than pam wanch yot anangan-a, thomp wonkangama than-thanin, ngeey-ngeeyin nunang.

Luke 23:5

Puth thanan puth-putham wik thaaꞌ-thayanam thaw-thawin, “Nil wik way-wayak thaaꞌ-aath-aath thananga! Anpalana nil kulliy ngul yump thanang pam wanch yot anangan aak Judea umyompanaman, thanana kul piꞌan thak yump-yumpin thanttakam ngula. Nil kaꞌathaman thaaꞌ-aath-aath thanang aak Galilee angman, aꞌ nilana aak iikanakan wamp ngula.”

Luke 6:12

Amanamaniya nil Jesus.angan want thanang aꞌ nil iiy ngul pokkapang aꞌ yoykang mat nil yipam meeꞌ-wuthanamow nungant God.antan. Nil Jesus.an meeꞌ-wuth-wuthanam ngut ongk, aakam paanth nungant.

Luke 6:17

Than Jesus weeꞌanangan yoykaman kanan ukin-a, nil aak pampang than-than ngurp nungantam yot-yotam al-alantangan. Pam wanch thaaꞌ-wantanam angman thamp -- than pam wanch aak Judea.amana, aꞌ aak Jerusalem anpalana aꞌ puth aak towns Tyre aꞌ Sidon anpalan, aak kucham inangan thomp thinth.

John 7:41

Puth than puungk wiy anangan thawin, “Nil pam inan God.angan kaaꞌngak kuchowanan ngampara!” Puth than puungk wiy anangan thawin, “Nil pam anan God.angan kaaꞌngak aak Galilee amanaman keꞌ wampiya, yaꞌa!

John 7:52

Aꞌ thanan puth thawin nungant, “Nip ngul Jesus.angan aak thonam amanaman wampuw ey? aak Galilee anpalan ey? Yaa, nint min-min thathāna, lat ngench thayanangana, aꞌ nint ngul ngaantam-ngeeyān pam thonam prophet aak Galilee.am keꞌaman wampa, yaꞌa.”

Acts 17:10

Aak ngaaꞌ ngulan wun-a, than pam wanch Christians aak Thessalonica.angan wuntan-a, kuchin pulang Paul.ang aꞌ Silas.angan kuuw iiyowpul aak-aakanakan Berea.aka. Aꞌ pulana wamppul aak Berea.angana aꞌ aakanak paththam iiypul church Jews.antamakan.

Acts 17:14

Aꞌ puth than pam wanch Christians al-alangana erkam kuchin nunang Paul.an yiipam thompakweya. Puth pul kucham anangan Silas aꞌ Timothy.angan angman wun-wunpul aak Berea.angana.