Mark 3:5 - Wik-Mungkan

⁵ Nil Jesus.an weent aꞌ pal-puy thath-thath thanang, aꞌ nil man kul wamp thant pam wanch al-alantan puth nilan ngangk way wun thant puth thanan kuchek-thayan anman iiy-iiyin, wik min-minam keꞌam ngeey-ngeeyin nunang. Anpalana, nil pam alantan thaw ngul, “Ayyang, nint maꞌan ongkarathāna!” Nil puth pam alangana maꞌan ongkarath, aꞌ maꞌan minam ngul wun.

Mark 3:5 Iomraidhean Croise

Matthew 12:13

Anpalana, nil Jesus.an pam alantan thaw maꞌ makaran yalam nunganta, “Ayyang, nint maꞌan ongkarathāna!” Nil puth pam alangana maꞌan ongkarath, aꞌ maꞌan min ngul wun nungantweya keꞌ maꞌ thonangan anana.

Mark 3:4

Anpalan-a, nil thaw thant pam wanch al-alantan than churchangan nyiin-nyiinin, “Ayyang, niiyalang! Kan niiy in ngeeyāna, nil wik thayan ngamparaman wanttak thawan e? An ngul kan ey? Ngamp ngul min anman kaangk iiyāmp thant pam wanchantan aak Saturday.angan ey? Yaꞌ nathweyiy-a, ngamp nath kaangk way anman iiy-iiyāmp thantwey ey? Puth ngamp kaangk pam wanch anangan kaaꞌ-piichanathāmp thanang ey? Yaꞌ nathwey-a, ngamp kaangk nath wayathimp thananga.” Puth thanan angman ngul nyiin-nyiinin, popam.

Luke 13:15

Aꞌ nil Lord Jesus.an thaw nungant, “Niiy inangan yaan muuk-muukamaniya, man-kucham iiy-iiyaniya. Niiy kan in ngeeyāna: niiy nath yaraman thampa, nath minh bullock thamiy-a, yukang nath kath-kathin-a, yaa, niiyan thapathin thanang, aꞌ ngak mungkanak kalin thanang. Nungkway aak Saturday.angan-a, niiy kalin thanang than ngak yipam mungkayn.

Luke 17:14

Nil Jesus.angan ngeey thanangan-a, nilan thaw thant, “Niiy koyam iiyān thant pam priests al-alantana, meenathwun thanta than yipam thathayn niiyanga.” Puth thanana kan-ngul iiyin, aꞌ than thath-thathwin thanttakaman woyan ompamangan, than kemp min ngulan iiy-iiyin, wench keꞌanang ngul weenin.

Luke 6:10

Nil Jesus.angan pal-puy thath-thath thanang. Anpalana, nil pam alantan thaw ngul, “Ayyang, nint maꞌan ongkarathāna!” Nil puth pam alangana maꞌan ongkarath, aꞌ maꞌan minam ngul wun nungantweya.

John 9:7

Aꞌ thawant pam meeꞌ koꞌanch alantan, “Yaa, nint kan iiyān a! Kaaꞌwal pungān nungkarakam a! ngak kookam Siloam angana.” (Aak namp Siloam inan wunana, wik ngamparamang yimanangan waaꞌanamp, “Kanam kuch.”) Pam koꞌanchan-a, kan-ngul iiya, kaaꞌwal nungamangan ngakang pung. Aꞌ nil koyam ngulan iiy-a, nil kan-ngul aak thath-thath, pal-puyana, puth nil meeꞌ min ngul weem.

Romans 11:25

Niiyalang, ngurp ngatharam-ang, ngay kaangk wik nyiingkanam inan waaꞌāng niiyanta, niiy yipam ulp-ulpanangan keꞌ iiy-iiyān niiyantakamana, niiy keꞌ thamp ngaantam-ngeey-ngeeyān niiy keꞌ pam wanch min iiy-iiyaniy, Jews anangan yaꞌa. Puth nil God.angan wik inan maꞌ mupam piꞌ-piꞌ, puth ngay in-ngulan wikan waaꞌāng niiyant: than pam wanch Jews wiy anangan kaangk keꞌ wik min God.antaman ngeey-ngeeyayna, puth thanana kuchek way thinhan iiy-iiyantan. Puth ngul-ngulana, pam wanch yotam Jews yaꞌ al-alangana monkan-wak-wakayn nunang Jesus Christ.ana. Aak an-aniyangana, than pam wanch Jews al-alangana, than ngulan monkan-wak-wakayn nunang Jesus Christ.an.

2 Corinthians 3:14

Puth pam wanch Israel.amana an than kuchek thayan iiy-iiyin, wayamin thak, Moses.an keꞌam wik ngeeyin nunang aꞌ putha than keꞌam min-minan ngaantam-ngeeyin wik thayan God.antaman yaꞌa. Aak inan yimanang thampa wunan thanan wik ngench thayana lataman wichantan, wik nil God.angan waaꞌ Moses.antan, aꞌ wik wiy anangan God.antama keenkan umpin, puth than keꞌam min-minan ngaantam-ngeeyantan. An than keꞌ ngookang kangwuntan kuchek waap thanttamana. Puth thanweya min-minan ngangkangam piꞌiythan nunang Jesus Christ.anwey-a, putha ngangk punch-aakaman theeꞌiythan nungantan-a, an ep-paththam wik min God.antaman min-min ngul ngaantam-ngeeyiythana.

Ephesians 4:18

Kuchek thanttamana keꞌ ngaaꞌ wunan yimanangan than puth keꞌam thiichin nunang God.an. Thana waankam iiy-iiyantan nungantama, puth than way anman ngangkangan piꞌ-piꞌantan, kaangk keꞌ ngaantam-ngeeyayn nunang, kuchek thayan weenin nungant God.antana.

Ephesians 4:26

Man kul nath wampiy niiyant wiyantan-a, way keꞌ yumpāna, aꞌ kinch ongkana man kulana keꞌ piꞌāna. Kinch keꞌan yippak ukow-a, kulan wantāna, ngangk minangam iiy-iiyān thanta, yipam oony way alangan keꞌ thaachow niiyang wayan yumpān.

Ephesians 4:30

Niiy ngangkangan Ngeen-Wiy Min God.antaman keꞌ wayathān puth nil God.angan kuch ngampar, ngamp meeꞌmiy yipam iiy-iiyāmp ngamp pam wanch nungantam inangana. Nil Christ palaman wampow-a, nil Ngeen-Wiy Min God.antam alangan ngul meenathow ngampar yotamant ngamp pam wanch weeꞌ-weeꞌanangan nungantama, aꞌ nil God.angana ngampang minam ngul piꞌ-piꞌow pam wanch nungantam anangan. An kan-kanam paththama.

Hebrews 3:10

Anpalan ngulan-a, ngayaniya nhinthan kan-ngul ngathanya, puth ngayana kaangk keꞌ-ngul ngeeyāng wik thanttam anangan aꞌ ngayan thawanga, ‘Thanan puth kaangk way anman iiy-iiyayn, puth thanan kaangk keꞌ wik ngatharaman ngeey-ngeeyayn, yaꞌa.’

Hebrews 3:17

Kaap forty.akamana piip God.an eench-eench thanttam puth thanana way anman iiy-iiyin -- thananiya angman uth-uthamin aak pintalang angan.

Hebrews 5:9

Aꞌ nil kan-kanaman pam min paththaman iiy-iiyana, yaa, nanpalana pam ilangaman Christ.angana kaaꞌ-piichanathow ngampang aꞌ yalmathow ngampang koyam God.antan, ngampan yipama ngangk aak umpuyam wunāmp aak min nungantang angan. Nil pam wanch anangan ngulakaman kaaꞌ-piichanathow thanang wik nungantaman ngeeyantan.

Revelation 6:16

Than yotaman pechin yoykaka aꞌ kunttowaka, “Maakān ngananga, aꞌ kangān nganang pam alantaman chair piꞌanangan nyiinana, nilan yipam nganang keꞌ thathowa! Aꞌ puth nil pam keꞌ lamb alangan keꞌ yipam wayathow nganang man kulangana!