Mark 14:8 - Wik-Mungkan

⁸ Nil wanch inana min iiy ngathar. Nil opar awal minan yeech kemp ngatharangan-a, an keꞌ pam mulantangan oparana yeechantana yimanangana. An keꞌ aak yimanangan wuna, nilaniya oparan ump-umputh yeechana kemp ngatharangana, aꞌ ngul-ngulaniya ngayaniya uthamāng ngul, aꞌ kaampayn ngayangan ngul.

Mark 14:8 Iomraidhean Croise

Matthew 26:12

Wanch ilangana opar awal min-minam paththaman yeech kemp ngatharangan-a, an keꞌ pam mulantang oparan yeechantan yimanangana. An aakan yimanangan wunana, nilaniya oparan ump-umputh yeechan kemp ngatharangana, aꞌ ngul-ngulana ngayaniya uthamāng ngula, aꞌ awarang kaampayn ngayanga.

Mark 15:42

Aak ngutang ngulan-a, nil pam namp Joseph.an wamp, pam aak Arimathea anpalana.

Luke 23:53

Aꞌ nil pam mulan ukath nunang yuk wuuyan anpalan, aꞌ kath nunang ngul ngook min ongk alangan, aꞌ nil aak awarangan pek ngoonchath nunang -- aak awar inana, than kunttow thayan anpalan yumpin, puth awar nyiingkanama, than pam mul keenk keꞌaman thenchin.

John 12:7

Nil puth Jesus.an thawant, “Keꞌ wakān nunang a! Nil opar awal min inan ngathar piꞌ-piꞌ, aak yimanangakan. Nil oparan thaꞌangan yeechar-a, an nil ngaantam-ngeeya, ngayan mul ngulan wunāng-a, than kaꞌathangaman-a, kemp nampayn ngayang, aꞌ kan-ngul thenchayn ngayang awarangan.

2 Corinthians 8:12

Niiyweya ngangk minangan theeꞌin wukal piꞌanaman-a, niiyana God.an ngangk min paththam yumpin nunang. Nil puth God.an meeꞌmiya than pam wanchang wukal koꞌalaman piꞌantanan-a, an keꞌ theeꞌiythan wukal piꞌanana, yaꞌa, an wukal many theeꞌiythan. Puth niiy puungk wiyangan nath ep wukal piꞌan piꞌaniya niiyantakama. Niiy wukal koꞌalam thonakam nath theeꞌinan-a, nil piip God.an ngangk min keꞌ wuniy nungant yaꞌa, niiy paththam wukal yot theeꞌinweya, an nil ep ngangk min wunow.