Mark 14:5 - Wik-Mungkan

⁵ Ngampan sellimpungimp oparana, wukal thaꞌiy uwimpa, three hundred dollarsaka, aꞌ ngampaniya wukal thant pam wanch wiy al-alantan theeꞌimpa thant wukal keꞌanang al-alantana.” Aꞌ thanan wanchan wak-wakin nunang.

Mark 14:5 Iomraidhean Croise

Matthew 18:28

“Nil paman yoon pent-a, aꞌ pam thonan thath nunang ngul. Nil pam thon ilangan wukal many owe.impungan nunang, pam nil anman king alangan ngangkan mam nunang. Nil pam alangan man mam nunang pam thonan, aꞌ man inth-inth nunangwey, aꞌ thawant, ‘Nint paththam wukal ngathan erkam theeꞌāna wukal ngayan theeꞌang nungkar anpalanweya.’

Matthew 20:11

Than pam al-alangan wukal kanan uwin-a, aꞌ kul thaw-thawin pam moom alantan.

Matthew 26:9

Ngampan sellimpungimp oparana, wukal piꞌan yipam uwimpa, aꞌ ngampaniya wukal thant pam wanch wiy al-alantan theeꞌimp thanta than wukal keꞌananga al-alantana.”

Mark 14:4

Puth than pam wanch wiy al-alangan wanchan thathin nunang-a, aꞌ man kul paththam wamp thant, aꞌ thawin ngul, “Nil ngul oparan ngeenak yeech nungantang e?

Mark 14:6

Nil puth Jesus.an thaw thant, “Keꞌ wakān nunangweya! Niiy wantān nunangweya! Nil wanch inana min-minam paththam iiyan ngathara.

Luke 15:2

Puth than pam piꞌan Pharisees anangana aꞌ than pam piꞌan wiy anangan thanan wik thayanan thaaꞌ-aath-aathinan-a, than kaangk keꞌ thath-thathayn thanang wamp-wampayn nungant Jesus.antana. Than waaꞌ-waaꞌin nunang Jesus.an aꞌ thanan thaw-thawin thanttakamana, “Nil puth ngangk minangam ep iiy-iiyan thant ey? aꞌ puth may aawuch thanttamang mungk-mungkan ey? An min nungant yaꞌa, an waya!”

John 13:29

Nil puth Judas.ang bagan wukal thampan piꞌ-piꞌ thant, nanpalan than ngurp Jesus.antam wiy al-alanganiy-a, ngaantam-ngeeyin nil keꞌ Jesus.an thaw nungant may piiyanakan may piꞌan Passover aakanakan. Than puungk wiy al-alanganiy-a, ngaantam-ngeeyin nil keꞌ Jesus.an yaakaꞌ thaw nungant wukal wiy kalow thanta, pam wanch wukal keꞌanang al-alantan, puth yaꞌa.

John 6:43

Nil Jesus.an thaw thant, “Niiy ngul ngeenak wik many thuuchaniy niiyantakamana?

John 6:7

Nil Philip.an thaw Jesus.ant, “Ayyang, nungkway ngamp wukal piꞌan theeꞌimp may aakanakan thant-a, keꞌ two hundred dollars yimanangan-a, an yaꞌangam, than may many anman mungkiythan a!”

1 Corinthians 10:10

Than wiy anangan aak-pik-waaꞌin, aꞌ nil God.angan ngaantiyongk nungantam kuch thant mul-mulathow thanang. Ngampan keꞌ aak-pik-waaꞌāmpa, yaꞌa!

Ephesians 4:28

Niiy puth Christians keꞌaman yippak iiyan-a, niiy nathwey maꞌ-kuchathana way min wukal thakan pam wanch wiyantama. Niiy keꞌ-ngul maꞌ-kuchathāna, niiy kan wantāna. Niiy work min anman iiy-iiyān, aꞌ min-min piꞌwuna, niiy yipam wukal-a, may thakan theeꞌān thant than wukal keꞌanangan wuntan.

Philippians 2:14

Niiy ngeen thakan yumpānwey-a, niiy ngangk minangam anman iiy-iiyān, aꞌ kul keꞌ thawān,

Jude 1:16

Than pam wanch wayanang anangan-a, aak niiyantamang nanman wuntana, thaniya wik many thuuchantan aꞌ puth wik aak-yaꞌang waaꞌantan thanang pam wanch wiy anangan. Than way ngeen nathan kaangk yumpayn-a, an than yumpantan. Putha than thaaꞌ othamayan thaaꞌ kuumpwuntan thanttakaman. Aꞌ thananiya pam wanch wiy thaaꞌ-kuumpantan thanang yipam than pam wanch al-alangan way min theeꞌ-theeꞌayn thantwey.