Mark 10:51 - Wik-Mungkan

⁵¹ Nil Jesus.an thawant, “Nint ngeenaka?” Nil pam koꞌanchan thaw Jesus.antan, “Ayyang, Moom-ang, ngay kaangk aak koyam thathāng ngula!”

Mark 10:51 Iomraidhean Croise

Matthew 23:7

Putha thanan kaangka pam wanch anangan umang iiyayn thant aak town wakanana, keꞌ pam wuut piꞌ-piꞌanam yimanangan umang iiyayn thant, aꞌ putha thana kaangka pam wanchangan teacher waaꞌayn thananga.

Matthew 23:8

Puth niiya wiyantan keꞌ thawān thant teacheran waaꞌayn niiyanga, niiy puth maꞌmangkamana karpama iiy-iiyaniy pich-pichama keꞌ niiy kuunch yimanangana; niiyaniya teacher thonam anman niiyant.

Matthew 7:7

“Nil weeꞌ-nathan engkiy nungant God.antan maꞌ-aathow nunang-a, an nil God.angan maꞌ-aathow nunang. Nil weeꞌ-nathan woyan God.antamak wenk-wenkiy-a, an nil God.angan ngul meenathow nungant. Nil weeꞌ-nathan meeꞌ-wuthanamiy nungantan-a, nil God.angan ngul ngeeyow nunang. Yaa, niiy engk-engkān nungant maꞌ-aath-aathow niiyang, aꞌ woyan nungantamak wenk-wenkān, aꞌ putha meeꞌ-wuth-wuthanamān nungant.

Mark 10:36

Nil puth Jesus.an thaw pulanta, “Nip kaangk ngeenak e?”

Mark 10:50

Aꞌ nil pam koꞌanch alangana coat nungantaman thapath, aꞌ wur ek, aꞌ iiy nungant Jesus.antan.

John 20:16

Aꞌ nil Jesus.an thawant, “Mary-ang!” Aꞌ nil weent um nungant Jesus.ant, aꞌ wik Hebrew.ang thaw nungant, wik nungantamang, “Ayyang, Rabboni! In nintam ey!” Wik Rabboni.an-a, wik ngamparamangan-a, teacher waaꞌanamp.

Acts 23:19

Aꞌ pam moom piꞌan alangan maꞌ-mamanang kal nunang pam kompan aꞌ pokkapang kiikath nunang aꞌ thaw ngul nungant, “Nint waaꞌān ngathar wik nungkaramana.”

Philippians 4:6

Ngeen nathwey wampow niiyant-a, min nathwey-a, nath yaꞌa, way natha, an niiyana kuchek way keꞌ wunān, niiyiya meeꞌ-wuthanamān piip God.anta, aꞌ thawān nungant minam piꞌ-piꞌow niiyanga, aꞌ putha niiyaniya thankyou thaw-thawān nungant God.antana, aꞌ amanamaniya, nil God.angan yipam ngangk maal piꞌ-piꞌow niiyang, aꞌ kuchek minam piꞌ-piꞌow niiyang yipam ngangk wayan keꞌ wunow niiyanta, puth niiy maꞌ Jesus Christ.antang iiy-iiyaniy. Puth ngampaniya keꞌ God yimanangan yaꞌa, ngamp min-minam paththaman keꞌ ngaantam-ngeeyimp nunangan nil God.angan want-wanttakan minam paththam piꞌ-piꞌan ngampang.