Mark 10:21 - Wik-Mungkan

²¹ Nil puth Jesus.angan paman oth thath-thathan, nil kaangk paththam wun nungant. Nilan puth thaw nunganta, “Nint inan yumpān thampa. Nint iiyāna, aꞌ yuk way min nungkaram maꞌmangkaman sellingpungāna, aꞌ wukal thakan theeꞌān thant pam wanch wukal keꞌanang al-alantana. Anpalana, nint ngayang ngul monkan-wakāna. Ngulana, nil God.an min-minam paththam ngul iiyow nungkar aak ing kenyana.”

Mark 10:21 Iomraidhean Croise

Matthew 16:24

Aꞌ nil Jesus.an thaw thant ngurp nungantam al-alantan, “Nil weeꞌ-nathweya kaangk ngatharanganiy iiyowwey-a, nilaniya keꞌ ngaantam-ngeeyow nungantakamana, yaꞌa. Pam wanch al-alangan nath mulathayn nunanga, keꞌ ngayangan mulathayn, yuk wuuyanangan waanchayn ngayang. Nungkway than wiyangana nath mulathayn nunang-a, nilana ngayang anman monkan-wak-wakow.

Matthew 19:21

Nil puth Jesus.an thawant, “Nint nath kaangk paththam minam iiyānwey-a, nintiy thonakama iiyāna, aꞌ yuk way min nungkaram maꞌmangkaman sellimpungāna, aꞌ wukal thakan theeꞌān thant pam wanch wukal keꞌanang al-alantana. Anpalana, nint ngayang ngul monkan-wak-wakāna. Ngulana, nil God.an min-minam paththam ngul iiyow nungkar aak ing kenyana.”

Mark 10:22

Nil pam alangan wik inangan ngeey-a, nil kaaꞌwal wiy-wiyam weem, aꞌ ngangk way wunanta, nilan puth pam maꞌmangkiya.

Mark 8:34

Aꞌ nil puth Jesus.angana ump thanang ngul ngurp nungantam anangana, putha pam wanch puungk wiy anangana ang wampayn nungant, aꞌ nilan thaw thant, “Nil weeꞌ-nathweya kaangk ngatharanganiy iiyowwey-a, nilaniya keꞌ ngaantam-ngeeyow nungantakamana, yaꞌa. Pam wanch al-alangan nath mulathayn nunanga, keꞌ ngayangan mulathayn, yuk wuuyanangan waanchayn ngayang. Nungkway than wiyangana nath mulathayn nunang-a, nilana ngayang anman monkan-wak-wakow.

Luke 10:42

Puth an min nungkara wik ngatharam anman ngeey-ngeeyāna. Puth nil Mary ilangana kaangk paththam wik ngatharaman ngeey-ngeeyowa; ngayan puth keꞌ kenthing nunanga, yaꞌa.”

Luke 12:33

Yuk way min maꞌmangkam niiyantam anangan sellimpungān. Aꞌ niiyiy wukal niiyantam anangan thant pam wanch wukal keꞌanang al-alantan theeꞌ-theeꞌān. Niiy nath kaangkwey wukala putha way min yotan yal-yalmathān niiyantakaman aak inganiy-a, an puth niiy yuk way min anman ngaantam-ngeey-ngeeyaniy thonakama. Inan way paththama! Niiywey nath kaangk wunin nungant God.antan-a, an niiy ngaantam-ngeey-ngeeyaniy nunang, ngangkangam piꞌ-piꞌaniy nunang. Anpalaniy-a, nil ngul kalow niiyang aak min nungantamakan. Aak in kenyan nungantamana an ep keꞌ wayamiy yaꞌa, an min-minam anman wun-wunow aak umpuyam. Pamangan way min keꞌ maꞌ-kuchathiythan aak God.antam anpalan, yaꞌa, puth yuk cockroachesang thakan keꞌ wayathiythana yaꞌa, minam anman wun-wunayn ngulakama.”

Luke 16:9

Aꞌ anpalaniya, nil Jesus.an putham ngul thaw thant, “Ayyang, niiyalang, ngay niiyant inan thawānga: niiy keꞌ yangkan moꞌ-moꞌāna, aꞌ wukala puth-a, yuk way min niiyantakaman keꞌ piꞌ-piꞌāna, niiy pam wanch wiyantan theeꞌ-theeꞌān thanta aꞌ puth thananiy-a, ngurp niiyantam ngul iiy-iiyayna. Niiy wiyant yuk way min puth wukal thakan theeꞌ-theeꞌin thantan-a, an nil God.angan ngangk minangam umang wakow niiyang aak ing keny heavenangana. Aak an-aniyangana, niiyaniy-a, wukal keꞌanang ngul iiy-iiyāna.

Luke 18:22

Nil Jesus.angan wik nungantaman ngeey-a, nil thawant, “Nint inan thamp yumpāna. Nint koyam iiyāna, aꞌ yuk way min nungkaram maꞌmangkaman sellimpungāna, aꞌ wukal thakan theeꞌān thant pam wanch wiy wukal keꞌanang al-alantana. Anpalana, nint ngayang ngul monkan-wak-wakāna. Ngulana, nil God.an min-minam paththam ngul iiy-iiyow nungkar aak ing kenyana.”

Luke 19:41

Nil Jesus.an aak Jerusalem thinth kanan wamp-wamp-a, nilana aak townan thatha aꞌ peey paththam pam wanch puk al-alantaman anganan wun-wunina.

Luke 9:23

Aꞌ nil thaw thant yotantan, “Nil weeꞌ-nathweya kaangk ngatharanganiy iiyowwey-a, nilaniya keꞌ ngaantam-ngeeyow nungantakamana, yaꞌa. Pam wanch al-alangan nath mulathayn nunanga, keꞌ ngayangan mulathayn, yuk wuuyanangan waanchayn ngayang. Nungkway than wiyangana nath mulathayn nunang-a, nilana ngayang anman monkan-wak-wakow.

John 12:26

Nil pamwey kaangkan work iiy-iiyow ngathar-a, nil puth ngayangan monkan-wak-wakow, aꞌ wik ngatharaman ngeey-ngeeyow, nil yipam ngatharang angman iiy-iiyow, aak-aakanakan ngayan iiyāng. Nil ngathar yimanangan weeꞌan work iiy-iiyowar-a, piip ngatharamangan pam min paththam ngul ngaantam-ngeeyow nunang.”

John 16:33

Ngay wik inangan kan waaꞌangan niiyant, niiy yipam ngangk min paththam iiy-iiyān, ngay puth ngangk niiyantang wun-wunang. Than pam wanch wiy al-alangan-a, ngangk kulangam ngulan kal-kalayn niiyang, aꞌ way-wayam ngul iiy-iiyayn niiyant. Puth niiyan-a, ngangk thayanam iiy-iiyān a! Ngay puth kan yaꞌ maalathang thanang a! Than keꞌ pam manyiy ngul iiy-iiyantan a!”

Acts 2:45

Thanan kaangk aak thanttamana aꞌ puth yuk way min thanttam thakan theeꞌ-theeꞌin thant wiyantan than yipam wukalan theeꞌayn thant way min anpalana than ngulan yipam wukal thakan thant wiyantan theeꞌ-theeꞌayn, wukal keꞌanang, may keꞌanang al-alantanwey.

2 Corinthians 12:15

Ngay ngangk minangaman maꞌmangkam theeꞌing niiyant, wukal ngatharamana, way min thakan. Nungkway ngay kemp thinhan weenāng-a, ngay keꞌ-ngoongkam work iiy-iiyāng niiyant. Ngay kaangk paththam wunang niiyant, niiy ngul ngeenam manyaman kaangk wunaniy ngatharana?

2 Timothy 3:12

Puth than weeꞌ-weeꞌanangan kaangk minam monkan-wak-wakayn Jesus Christ.an-a, aꞌ karpam iiy-iiyayn nungantangan-a, wiyangana way thant thampang yump-yumpayna.

Hebrews 10:34

Aꞌ than Christians puungk wiy anangan jailang thenchin thanangan-a, niiyiya ngangk maman thanangwey aꞌ minam piꞌ-piꞌan thanang. Than puungk wiyangan-a, way min thak maꞌ-kuchathin niiyantam, puth niiyan keꞌ thawan way min amanaman putha niiyantan man kulan keꞌ wamp, yaꞌa, niiyana ngangk minangam iiy-iiyan an puth niiy meeꞌmiy nil piip God.an min iiy-iiyan niiyant, an niiyana aak umpuyam wunān aak God.antamang -- in min paththam niiyanta.

James 2:10

Nil weeꞌangweya wik ngench thayan thonamwey pipow piip God.antaman-a, an nil way-wayam yumpana, an keꞌ nil wik thayan maꞌmangkam pip-pipan thanang.

Revelation 2:14

Puth nungkway niiy ngayang monkan-wak-wakaniy-a, ngangk ngatharamana way wunan niiyantamana. Pam wanch wiy al-alangan niiyantangan wuntan pam way anan monkan-wak-wakantan nunang Balaam.an, wik nungantam ngeey-ngeeyantan. Nil keenkanamana wik wayanang waaꞌ-waaꞌ pam thon alantan namp nungantiya Balak. Aꞌ anpalmaniya nil Balak alangan meeꞌ-wich-wich thanang pam wanch Israelites anangan way yumpanakan. Nil thaach thanang may mungkayn than wiyangan may gods thanttamakan kaꞌathaman theeꞌin, yuk ngeen-wiy thanttam aakanakan. Aꞌ nil thaach thanang maarich keeꞌ-keeꞌayn pam wanch wiyantan. Aꞌ than yotam ngul iiyin, way anangan yump-yumpin. Inaniya way-wayam paththama, niiy keꞌ ngeeyān wik nungantam Balaam alantaman.

Revelation 2:20

Aꞌ puth thon inpalana ngangk ngatharamana way wunan niiyantama. Nil wanch thonam nanman wun-wunan niiyantanga, nil nungamang waaꞌ-waaꞌan keꞌ God.ang nunang kuch nil yipam thaaꞌ-aathow niiyanga. Puth yaꞌa nil keꞌ wanch way keꞌ Jezebel yimananga aak keenkanaman wun-wun. Nil way-wayak thaaꞌ-aath-aath niiyang, aꞌ nil niiyang thaach-thaachan maarich keeꞌanaka aꞌ putha may mungkanak thaachan niiyang may anana than wiyang kaꞌathaman yuk ngench thanttamak theeꞌin gods thanttamakana.

Revelation 2:4

Puth nungkway niiy ngayang anman monkan-wak-wakaniy-a, puth ngangk ngathan way wun-wunan niiyantamana. Kaꞌathamaniya, niiy kan-kanam kaangk wunan ngathara, yimanang ngulana, niiy manyam ngul kaangk wunaniy ngathar.