Mark 1:42 - Wik-Mungkan

⁴² Aꞌ wenchan erkam wuthanam nungant, yaꞌ-ngul ween.

Mark 1:42 Iomraidhean Croise

Matthew 15:28

Nil puth Jesus.an thaw wanch alantan, “Nint puth kan-kanam minam ngaantam-ngeeyangan ngayang. Yaa, ngay puth puk wanch nungkaramana miyalathāng nunang keꞌ nint anman ngath wik thawana.” Nil Jesus wik thonakaman thaw nungant kaath-kunchantan-a, an-aniyangan-a, puk wanchana miyal ngul ween, kuchek minam ngul, oony wayana kanam pent ngangk nungantam anpalana.

Mark 1:31

Anpalaniya, nil Jesus.ana wanch alpan alantan iiya, aꞌ maꞌ maman nunang, aꞌ maꞌ-aath nunang ekow. Aꞌ nil erkam miyal ngul wun, kemp karkanamana yaꞌ-ngula. Anpalana nil may ngul aath-aath thanang.

Mark 1:41

Nil Jesus.angan ngangkwey mam nunang, aꞌ nil maꞌ ongkaram, aꞌ paman mam nunang, aꞌ thaw nungant, “Ngay kaangk inman miyalathāng nintangweya, nint kemp min ngul iiy-iiyāna!”

Mark 1:43

Anpalaniy-a, Jesus.an wik thayan thawant, “In ngeeya! Nint keꞌ waaꞌān thant wiy al-alantan ngayan nintang miyalathangan. Nint kan erkam iiyān pam priest alantan, nil yipam nintang thathow kemp min ngulan, wenchan yaꞌ-ngul weena. Anpalan-a, nint minh thakan kalān aak ngench thayanakan, aꞌ angan thaaꞌ-kuumpān nunang, piip God.an. Puth wik Moses.angan anman waaꞌ. Anpalan-a, pam wanch yotang ngul thathayn, aꞌ thiichayn nintang kemp min, wench keꞌanang ngulana.” Aꞌ nil Jesus.an kanan wik thawant-a, nil kuch nunang ngula.

Mark 5:29

Aꞌ nil ngook Jesus.antaman mamantam. Anpalaniya, wewmangan keꞌ-ngul want-wantan. Nilana kemp nungantaman ngeechan keꞌ-ngulan wewmangan want-wantowana, miyal paththam ngeechan ngul.

John 15:3

Niiy wayan iiy-iiyan-a, nil God.angan keꞌ-ngul ngaantam-ngeeyow, puth ngangk niiyantaman nil kanam pachath, niiy puth kan ngeeyan wik ngatharaman, wik God.antaman kan waaꞌangan niiyant.