Mark 1:3 - Wik-Mungkan

³ Aꞌ niliya aak pintalang iiy-iiyow, wik pech-pechow, ‘Niiy woyan min-minam kan yumpān nungant Lord.antana! Koochanam yumpān nunganta!’ ” Nil pam Isaiah.angan wikana yimanangan ump.

Mark 1:3 Iomraidhean Croise

Matthew 3:1

Anpal ngulana, nil pam John.an aak pintalangan iiy-iiy aak Judea.angan, kan-ngul waaꞌ-waaꞌ wik God.antaman, pam John anman nilan pam wanch yotan kootra ngakangan kuungk-kuungk thanang.

Matthew 3:3

Aak keenkanama, nil pam prophet Isaiah.angan pam John.an inman waaꞌ-waaꞌ nunang, lat ngench thayanangan. Nil wik inangan waaꞌ: “Nil pam thonam iiy-iiyow aak pintalangana aꞌ wik inangan pech-pechow, ‘Niiy woyan min-minam kan yumpān nungant Lord.antana, koochanam yumpān nunganta nil yipam iiy-iiyowa.’ ”

Luke 3:2

aꞌ Annas aꞌ Caiaphas moom piꞌan iiy-iiypul pam priests al-alantaman. Aak an-aniyangan-a, John.iya nhengk Zechariah.antamana aak pintalang iiy-iiy. Aak an-aniyangana God.an thawant wik min nungantaman waaꞌ-waaꞌow.

John 1:15

Nil John.angan-a, Jesus.an waaꞌ-waaꞌ thant. Nil thaaꞌ-ay thaw-thaw thant, “Pam nil inmana, ngay kaꞌathaman waaꞌ-waaꞌangan niiyant, ‘Nil mangk ngatharangan wampow, nil pam piꞌana, ngay yaꞌa, ngay pam many; nil puth aak nathpalman man-yetham wun-wun, ngay keꞌaman yippak aak-ngeeyangan.’ ”