Luke 8:38 - Wik-Mungkan

³⁸ Puth nil pam anman oony way anangan kanaman pentin ngangk nungantam anpalana, thaaꞌ-mamanang thaw nungant Jesus.ant, “Ngayang keꞌ wantāna, ngay puy nungkarang iiyānga!” Puth nil Jesus.an thaw nungant,

Luke 8:38 Iomraidhean Croise

Matthew 4:24

Wik thooꞌ pent Jesus.antaman, aak pal-puy aak umyompanam Syria.angana -- amanamana than pam wanchangan ngul pam wanch way alpan anangan wampathin nungant -- than wiy anangana, oony way piꞌ-piꞌin ngangkangan; puth than wiy anangana thay-thayanamin, than puth wiy ananganiy-a, kunp wun-wunin, makaran yal-yalamina -- aꞌ nil Jesus.angana maꞌmangkaman miyalath thanang.

Luke 8:28

Nil Jesus.an thath nunang-a, nil paman othamayan pech, aꞌ aakang theeꞌ nungamang. Aꞌ nil Jesus.an thaw oony way alantan, “Nint kan pentān pam ilantamana.” Aꞌ nil pam weenthana wik othamayan pech, “Jesus ey! puk nhengk pam ngench thayan alantaman ey! puk nhengk God.antam nintiya! Nint ngul ngeenak wampan ngathar e? Ngay thaaꞌ-mamanang thawang nungk nint keꞌ wayathān ngayanga!” Nathpalmana, nil oony way inan maꞌ-yotam ngangkangan ngoonch nungantang, pam alantangan, aꞌ weenth paththam yump-yump nunang. Than pam wiyangan maꞌ-yotam mamin nunang, aꞌ maꞌ-yotam chainsangan maꞌ kathin nunang, puth yaꞌangam, nil chains anangan thuth-thuth, aꞌ than yuk chainsangan thaꞌangan kathin nungantang puth yaꞌangam, nil yaꞌ nhanthath chains anangan, aꞌ anpalana nil oony way alangan kuyam kal-kal nunang aak pintalakan.

Luke 8:37

Aꞌ than yotana kan-ngul thaw-thawin nungant Jesus.antan, “Nint kan-ngul aak inan wantāna,” than puth yotam winynyang paththam moꞌ-moꞌin. Yaa, anpalana, nil Jesus.an chukkunang ngul pey, yipam aakan wantow.

Luke 8:39

“Yaꞌa, nint pal ngatharang keꞌ iiyān. Nint paththam koyam iiyān aak nungkaramakan aꞌ waaꞌān thant nil piip God.angan miyalath nintang, kuchek wayamana min ngul yump nintang.” Aꞌ nil pamana town wakan iiy-iiy, aawuch thon-thonak iiy-iiy, aꞌ waaꞌ-waaꞌ thant nil Jesus.angan miyalath nunang.