Luke 6:47 - Wik-Mungkan

⁴⁷ Nil weeꞌ-nath wampow ngathar-a, aꞌ wik ngatharaman ngeey-ngeeyow-a, an ngay ngul meenathāng niiyant nil pam wanttakan iiyana.

Luke 6:47 Iomraidhean Croise

Matthew 12:50

Nil weeꞌ-weeꞌananganwey natha piip ngatharam in kenyana wik ngeey-ngeeyiythan nunangan-a, an than keꞌ kampan ngatharam yimanangana, kaath-a, kuunch ngatharam yimanangan iiy-iiyantana.”

Matthew 17:5

Nil Peter.an yippak wikan thaw-thaw-a, yuwana thanttang keny angman parka, aꞌ thanana wik inan ngeeyina, yuw anpalan thaw-thaw, “In puk nhengk ngatharama, ngay kaangk paththam nunanga. Nil ngayang ngangk min yumpana. Niiyana wik ngeey-ngeeyān nunangana!”

Luke 11:28

Aꞌ nil Jesus.an thaw nungant, “Than pam wanch weeꞌ-weeꞌanangan wik piip God.antaman ngeey-ngeeyantana aꞌ ngangkangan piꞌ-piꞌantan-a, thanan ngangk minangam iiy-iiyantan.”

Luke 14:26

“Nil pam weeꞌang nath monkanan-wak-wakow ngayangan-a, yaa, nilaniya min-minam paththam kaangk wunow ngathara, kampan nungantam al-alantan chil-chil kaangk wunow thant, kaath-a, piip-a, puth kuunch nungantamantan, wanch thum aꞌ putha puk nungantam al-alantan thama. Nil keꞌwey min-minaman kaangk wunow ngathar-a, yaa, nilana puth ngurp ngatharam keꞌ-ngul iiyow yaꞌa.

Luke 6:48

Niliya keꞌ pamangan aawuchan kaachan. Nil kaꞌathamana pek kech weꞌ-weꞌan aꞌ aak minang thayanang aawuchan kaach. Aꞌ anpalana ngak kaap wuut piꞌan ngulan wampana, aꞌ ngak yeeꞌ piꞌanan uk-ukana, aawuchan ngakangan maayan, puth aawuchana keꞌam keek yaꞌa, anman thayanam than-than nil puth pam alangan aawuch nungantaman aak minang thayanang kaach.

Luke 8:13

Than pam wanch wiy ananganiya, keꞌ may kaanch anangan aak kunttowthiyangan keekinwey. Than il-ilangan wik God.antaman ep ngeeyantan, aꞌ erkam ngangk minan wun thant, puth yaan manyama, than puth yaam keꞌ ngangkangan piꞌ-piꞌantan wik anangan, yaꞌa. Puth wiy al-alangan thaachantan thanang wayan yumpayn-a, than woyan God.antaman wantantan, wik nungantaman kon-ngathan thanang.

Luke 8:8

Puth may kaanch wiy ananganiy-a, aak ngaanh minang keekin. Than ep minam em-emin, aꞌ ngulana, may yot kalin thanang, one hundred kalina, thaaꞌ-wantanam. Anman kan.” Aꞌ nil Jesus.an thaw thant ngul, “Yaa, niiy wik ngatharam kanam ngeeyan ey? Yaa, niiyiya konangam piꞌ-piꞌān thanang.”

John 10:27

Pam wanch ngatharam al-alangan-a, wik ngatharaman-a, ngeeyantan, keꞌ minh sheep al-alangan man awal moom thanttaman ngeeyantan nunang, yimanangan. Puth ngayaniy-a, meeꞌmiy thanang, aꞌ than monkan-wak-wakantan ngayang.

John 13:17

Niiy puth kan meeꞌmiy ngul, wik ngay nyiingkan niiyang thaaꞌ-aath-aathangan; niiywey wik ngatharaman min-minam ngeey-ngeeyin-a, niiy puth ngangk min ngul iiy-iiyin.

John 14:15

“Niiywey kan-kanaman kaangk wunin ngathar-a, niiy puth wik ngatharaman-a, ngeey-ngeeyān, wik ngayan thaw-thawang niiyant.

John 5:40

Puth niiyan kaangk keꞌ wampān ngathara, niiy yipam ngulakaman wunān piip God.antangan.

John 6:35

Nil Jesus.an thaw thant, “Pam ngay inmana keꞌ may bread min anmana, ngay nyiingkan waaꞌ-waaꞌang niiyant: ngayana keꞌ may bread niiyantan, ngangk aak umpuyangam wun-wunanakana, piip God.antangan. Nil weeꞌan wampow ngathar-a, ngangkangan piꞌ-piꞌow ngayang murkanim aak umpuyangaman-a, an nil ngangk min ngulakam iiy-iiyowa, ngangkam nyiinow ngul.

John 6:37

Nil piip ngatharamangan weeꞌ-weeꞌanangan maꞌ ngatharangan want thanang-a, than ngul wampayn ngathar. Nil weeꞌan wampow ngathar-a, ngay keꞌ kenthāng nunang, yaꞌa.

John 8:52

Puth than Jews anangan thawin nungant, “Yaa! Ngan puth nintang kan thiichana, nint oony way ngangkangan piꞌ-piꞌangana. Nil Abraham.an ep uthama, puth-a, than prophets anangan uthamin tham. Nintiy puth thawangana than weeꞌ-weeꞌanangan wik nungkaraman ngeeyayn-a, than keꞌ uthamiythan yaꞌa.

Hebrews 5:9

Aꞌ nil kan-kanaman pam min paththaman iiy-iiyana, yaa, nanpalana pam ilangaman Christ.angana kaaꞌ-piichanathow ngampang aꞌ yalmathow ngampang koyam God.antan, ngampan yipama ngangk aak umpuyam wunāmp aak min nungantang angan. Nil pam wanch anangan ngulakaman kaaꞌ-piichanathow thanang wik nungantaman ngeeyantan.

James 4:17

Ngamp kan meeꞌmiy ngul ngamp min anman iiy-iiyāmpana. Ngamp nathwey min keꞌan iiyimpan-a, an ngamp way-wayam paththam iiyanamp.

1 Peter 2:4

Aꞌ lat ngench thayanangan wik inangan thamp waaꞌ-waaꞌana: “Ngay God.ang pam min kanam miꞌang nunang pam wanch ngatharamakana, nilana pam thayan keꞌ kunttow yimanangan, than keꞌ yuupathiythan nunang, yaꞌa. Aꞌ nil thampana keꞌ yuk aawuch pek-pekangkan wuuyanan wun-wuntana, mina aꞌ thayan yimanangana. Ngay paman ngul wunpāng nunang aak thanttamang Jews.antamang aak Zion.angan. Than weeꞌ-weeꞌananganwey ngangkan theeꞌayn nungantan-a, nilan puth kan-kanam kalow thanang aak nungantamaka, nil keꞌ muukamathiy thanangweya, yaꞌa.” Than pam wanch wiyang man-mangkam theeꞌiythan nungant Christ.antana, kaangk keꞌ nungantamana, nil puth God.angan kan kaangkiyath nunang, miꞌ nunang ngampar. Yaa, niiy Christians anangana, keꞌ thechān Christ.antam, maꞌ nungantang iiy-iiyāna. Nil man-yetham iiy-iiyan aꞌ nil thayan keꞌ kunttow yimanangan. Nil God.anganiy keꞌ aawuch yimanangan kaachan, ngampaniya keꞌ yuk nungant nilan uw-uwana, aawuchan yipam yumpow nungantakam. Niiy Christ.an miꞌān nunang moom niiyantakama, nil God.angan yipam karpam wunpow niiyang aawuch nungantamang angana aꞌ Ngeen-Wiy Min nungantam kuchow ngampar nil yipam ngangk ngamparang wun-wunow. Aꞌ niiy thampaniya keꞌ workan iiy-iiyaniy nungantana, wik Ngeen-Wiy Min nungantam alantaman ngeey-ngeeyaniy aꞌ work iiy-iiyaniy nungant. Work anpalan niiyan ngangk min yump-yumpaniy nunang God.an, puth niiyan karpam work iiy-iiyaniy Christ.antang.

2 Peter 1:10

Ngurp ngatharama, kan in ngeeyāna, ngamp ngaantam-ngeeyāmpa nil God.angan keenkanaman miꞌ ngampang thaaꞌ-palath ngampang puk nungantaka, aꞌ ngampaniy-a, ngangk thayanam monkan-wakāmp nunang. Ngamp nathwey ngangk thayanaman monkan-wak-wakimp nunang puy-puyamana, ngampana meenathimp ngampan kan-kanaman puk God.antam ngula aꞌ ngampana keꞌ-ngul woyan God.antaman wantimp, yaꞌa.

1 John 2:29

Ngamp puth kan thiichampa God.an nil min-minam paththama, min anman iiy-iiyana, yaa, ngamp meeꞌmiy ngula pam wanch weeꞌ-weeꞌanangan min-minam iiy-iiyantanan-a, an puth thanana puk nungantam iiy-iiyantana.

1 John 3:7

Ayyang, ngurp ngatharam niiyalang, than wiy al-alangana keꞌ meeꞌ-wichayn niiyang wayakana! Than weeꞌ-weeꞌanangan min anman yump-yumpayn-a, yaa, an puth than min anman iiy-iiyantana, ngangk pach anman wun-wunow thanta, keꞌ Jesus.ana ngangk pach iiy-iiyana, than yimanangan iiy-iiyayna.

Revelation 22:14

Than nath pam wanchangweya kulich thanttaman pachan piꞌ-piꞌayn-a, an than ngangk minangam iiy-iiyayn. Ngay kuchāng thanang may mungk-mungkayn yuk maꞌmangkam anpalana, punth wonk-wonkangan than-thantan, than yipam man-yetham aak umpuyaman wun-wunayn. Ngay thawāng thant aak wuut piꞌan aakanakan ngoonchayn thaaꞌ gates wakanana.