Luke 6:36 - Wik-Mungkan

³⁶ Niiyiya pam wanch ngangk mamān thanang keꞌ nil piip God.angan ngangk maman niiyang.

Luke 6:36 Iomraidhean Croise

Matthew 5:48

Niiyiya putha, ngangk minangam iiy-iiyān pam wanch yotantan, keꞌ piip God.an min-minam paththam iiy-iiyan aak in kenyan heavenangan.

Luke 6:35

Niiy in ngeeyāna! Niiy ngangk minangam iiyān thant than weeꞌ-weeꞌanangan ngangk-wayangaman kalantan niiyang, aꞌ minam iiyān thant; than nath wukalakwey aꞌ mayak thakanweya thawiythan niiyantan-a, niiy ngangk minangam theeꞌān thanta, aꞌ keꞌ ngaantam-ngeeyān niiyantakaman than nathwey koyaman theeꞌiythan niiyant, nath yaꞌa. Niiy nath min yimanangan iiyin-a, nil piip God.angan puthangkan min-minam paththam iiyow niiyant, aꞌ nil puk nhengk nungantaman ngul waaꞌow niiyang, nil God ngamparam piꞌan paththam alangaman. Nilaniy-a, minam iiy-iiyan thant pam wanch way al-alantan, aꞌ pam wanch than keꞌan thankyou.an thaw-thawantan nungant.

Luke 6:37

“Niiy keꞌ waaꞌ-waaꞌān thanang pam wanch anangan, aꞌ anpalana nil God.angan keꞌ yipam niiyangan waaꞌ-waaꞌow. Niiy keꞌ maꞌ weechān thanang, aꞌ anpalana, nil God.angan keꞌ yipam niiyangan maꞌ weechow. Than wiyangan nath way yumpiythan niiyantwey-a, niiy keꞌ-ngul ngaantam-ngeeyān way thanttam anpalan; aꞌ anpalana nil God.angan keꞌ-ngul ngaantam-ngeeyow way niiyan yump-yumpan.

Ephesians 4:31

Yaa, niiyaniy-a, keꞌ thaaꞌ poch-pocham thaw-thawān aꞌ keꞌ man kul wampow niiyant, keꞌ ngangk kul piꞌ-piꞌān niiyantakamana, keꞌ akān thanang wiy anangana, aꞌ puth wayan keꞌ yumpān thanta.

James 3:17

Puth nil piip God.an thaw ngampara ngamp minam iiyāmp, kul keꞌ thawāmp thant wiyantan, puth wik itam thawāmp thant, aꞌ wik ngeeyāmp thanang thamp. Puth nil thaw ngampar thamp ngamp ngangk mamāmp thanangwey pam wanch puk wiy anangan aꞌ min iiyāmp thantwey thamp. Aꞌ puth-a, ngamp kan-kanam woyan nungantaman wak-wakāmp, woyanamana mel keꞌ enchāmpa, yaꞌa.