Luke 6:29 - Wik-Mungkan

²⁹ Nil weeꞌang nathwey piikow niiyang-a, niiy puthangkan keꞌ piikān nunang, nil puthaman mak piikow niiyang. Nil weeꞌangan nath coat niiyantaman maayiywey-a, niiy kul keꞌ thawān nungant, puth shirt thamp theeꞌān nungant paththama.

Luke 6:29 Iomraidhean Croise

Matthew 26:67

Aꞌ than thaaꞌ theekang makin nunang kaaꞌwalangan aꞌ piikin nunang. Puungk wiyangan-a, maꞌang piikin nunang,

Luke 22:64

Than meeꞌ nungantaman ngook manyang kathin nunanga keꞌ yipam aakan thathow aꞌ piikin nunanga. Than thawin nungant, “Ayyang, nint kan waaꞌān nganta, nintang weeꞌangan piika?”

Luke 6:30

Nil pamwey nath thawiy niiyant mayak thakwey-a, yuk way minakwey-a, niiyiya keꞌ weekāna, theeꞌān nungant. Aꞌ puth nil pamang nath yuk way min niiyantaman nath maayiywey-a, yaa, kana, keꞌ thawān nungant palaman kalow niiyant.

John 18:22

Nil Jesus.an wik inangan thaw-a, aꞌ nil pam thapangumpan alangan wal-mant piik nunang, aꞌ thawant, “Nint wik yimanangan keꞌ thawān a! pam moom piꞌan nalantan a!”

Acts 23:2

Aꞌ pam moom piꞌan priestsantamana namp nungantiya Ananiasa, nil ngeey-ngeey wik Paul.antam anangana, aꞌ nil thaw thant pam thinthan than-thanin Paul.antangan-a, thaaꞌ piikayn nunanga.

1 Corinthians 4:11

Ngan nathpalmana aꞌ in-inman meech iiy-iiyanan, aꞌ ngakam uth-uthamanan, aꞌ ngook way kal-kalanan aꞌ puth-a, than wiyangan piik-piikantan nganang; putha ngan thaaꞌ-weep-weepanan palam-puyama.

1 Corinthians 6:7

Ngay meeꞌmiy niiyantamana niiy puth woyan God.antaman minaman keꞌ-ngul wak-wakaniy, yaꞌa. Niiy courtakan kulangam keꞌ kal-kalwin a! In way paththam niiyant a! Niiy yaaman keꞌ ngaantam-ngeey-ngeeyān way thanan yump-yumpantan niiyantana. An mak way thakan yumpayn niiyantanwey a! Aꞌ way min niiyantaman mak maꞌ-kuchathayn a! Yaa, an kan a! Niiy courtakana keꞌ kalwina, in way niiyanta.

2 Corinthians 11:20

Puth niiyiya keꞌam pam wanch anangan wayathaniy thanang wayan yumpantan niiyantanweya. Than keꞌ meekang yimanangan kul uwantan niiyant, than thawantan thak niiyant wukal yot theeꞌān thanta, an than yaan muukamathantan niiyang, aꞌ than ulp-ulpanang iiy-iiyantan pal-puyana. Aꞌ thananiya waaꞌantan niiyang akantan niiyang thak, puth niiyaniya koyam keꞌ thawaniy thant, yaꞌa, niiy kaangk thamp ngeey-ngeeyān thanang!

Hebrews 10:34

Aꞌ than Christians puungk wiy anangan jailang thenchin thanangan-a, niiyiya ngangk maman thanangwey aꞌ minam piꞌ-piꞌan thanang. Than puungk wiyangan-a, way min thak maꞌ-kuchathin niiyantam, puth niiyan keꞌ thawan way min amanaman putha niiyantan man kulan keꞌ wamp, yaꞌa, niiyana ngangk minangam iiy-iiyan an puth niiy meeꞌmiy nil piip God.an min iiy-iiyan niiyant, an niiyana aak umpuyam wunān aak God.antamang -- in min paththam niiyanta.