Luke 6:22 - Wik-Mungkan

²² “Wiyiya, pam wanch wiyangan ngangk-way-wayangam kalantan niiyang, man-mangkam theeꞌantan niiyant, thaaꞌ-thengkathantan niiyang, aꞌ aak-yaꞌang waaꞌantan niiyang, ngeenama? puth ngatharam peyanang, ngay puth wuny niiyantaman niiy ngayangan monkan-wak-wakaniy. Yaa, niiyana ngangk minangam ngul iiy-iiyāna.

Luke 6:22 Iomraidhean Croise

Matthew 10:18

Niiy puth ngayangweya monkan-wak-wakaniy thanan puth nanpalan mamayn niiyang aꞌ umang thanathayn niiyang pam moom piꞌ-piꞌanam al-alantang. Niiyan paththama wik min God.antaman waaꞌān thant aꞌ putha pam wanch Jews yaꞌana al-alantan thamp waaꞌān thant.

Matthew 10:22

Pam wanch yotangan ngangk-wayangam kal-kalayn niiyang, puth anpalan niiy ngayangan monkan-wak-wakaniya. Nil weeꞌanganweya keꞌ-ngoongkam anman monkanan-wak-wakow ngayanga, keꞌan eenchow-a, nilaniya ngangk aak umpuyam wunow piip God.antangan.

Matthew 10:39

Nil weeꞌangwey wantow ngayangana pam wanch wiyangan keꞌ yipam mulathayn nunang-a, an nilaniya keꞌ wuniy aak ngatharamangan, yaꞌa, an aak wayang wunowa, puth nil weeꞌangwey anman ngangk-thayanangama monkan-wak-wakow ngayangan-a, nungkway pam wanch wiyangana thaaꞌ-thengkathiythan nunang-a, nath mulathiythan nunang-a, an nil ngangk aak umpuyam ngul wunow aak ngatharamanganweya.

Luke 20:15

Aꞌ than pam al-alangan piw theeꞌin nunang yoon aak gardenam anpalan aꞌ mulathin nunanga.” Nil Jesus.an thaw thant, “Niiy ngul wanttak ngaantam-ngeeyaniy e? Nil moom-kunchan wanttak nath thawow thant pam al-alantana?

Luke 21:17

Than pam wanch yotangan ngangk-wayangam kal-kalayn niiyang, puth anpalan niiy ngayangan monkan-wak-wakaniya.

Luke 6:21

Niiy wiyiya meech wun-wunaniya, may keꞌanangan. Yaa, an puth niiyaniya ngangk minangam ngul iiy-iiyāna, nil puth God.angan may ngul theeꞌ-theeꞌow niiyant. Niiy wiyiya ngangk way anman iiy-iiyaniya, peey-peeyaniya. Yaa, niiy ngulan ngangk minangam iiy-iiyāna, thaaꞌ-thengkanang iiy-iiyāna.

John 12:42

Puth than pam piꞌan Jews.antam wiy anangan epa, ngangk theeꞌin nungant, Jesus.antan, puth thanan wik pam wanch yotantang keꞌam waaꞌ-waaꞌin thanttakaman, yaꞌa, than puth winynyang moꞌin thanttam, than puth ngul kenthin thanang church thanttam amanaman.

John 16:2

Than puth ngul kenth-kenthayn niiyang aak church thanttam anpalan. Aꞌ puth-a, aakan ngul wampowa, than weeꞌ-weeꞌanangan nath mulathiythan niiyangan-a, an than ngaantam-ngeeyayn thanttakam ngul keꞌ work min iiy-iiyantan God.ant, puth yaꞌa.

John 17:14

Ngay puth kanam wik nungkaraman waaꞌangan thant. An puth nanpalan than pam wiyangan ngangk-wayangam kal-kalin thanang ngurp ngatharam inangan. Than puth woyan pam wiyantaman keꞌam wak-wakantan, yaꞌa, keꞌ ngay yimanangan woyan thanttaman keꞌam wak-wakang, yaꞌ anman.

John 7:7

Than puth pam wanchangan-a, niiyangan-a, keꞌ ngangk-wayangam kal-kalantana, yaꞌa, than ngayangan ep ngangk-wayangam kal-kalantan, ngeenam putha, inpalan, ngay meeꞌangam maꞌ-yotaman thaw-thawang thant thanan woyan way anman wak-wakantan.

John 9:34

Aꞌ than thawin nungant pam alantan, “Nint puk way aak-ngeeyana, aꞌ way anman em-eman, anpalman way anman iiy-iiyan, puth nint nganang thaaꞌ-aath-aathangan ey?” Aꞌ than kenthin nunang, aak churchaman.

Acts 22:22

Than pam wanchangan wik Paul.antaman ngeey-ngeeyinan-a, ngul anpalaniy-a, than kan-ngul wik pech-pechin, weenth-weenthamin ngula puth than Paul.an kaangk keꞌ wik ngeeyayn nunang nil wik anan waaꞌ thant nil keꞌ Jews yaꞌ al-alantan iiyiwa. Thanan wik othamayan pech-pechina, “Puy kalān nunanga! Mulathān nunanga! Ngampan nunang an-anman mulathimpana!”

Acts 24:5

Ngan kan meeꞌmiy nunang puth nil pam inman kaangk kulak wenk-wenkowa. Aak nath-nathan nil kulak kuyam wenk-wenka than Jews anangana keꞌ-paal wik pech-pechina, weenth-weenthamin thakan pal-puyana. Nil puth pam inana pam moom thanttam aak pungk-pungkalangan pam wanch waaꞌantan thanang Nazarenes.

Acts 9:16

Ngay ngul meenathāng nungant way yotan wamp-wampow nungant pam wanch wiyangan yump-yumpayn nungantana. An ngeenam puth e? Ngatharam peeyan ananganiy aak wayan wamp-wampowant Paul.antana,” Nil Lord.an wik inangan thawant pithangana.

James 1:12

Aak wayan wampow ngampar-a, ngamp anman monkan-wak-wakāmp nunang piip God.ana, puth anpalaniya ngampaniya ngangk minangam ngul iiy-iiyāmp aꞌ anpalaniy-a, ngangk aak umpuyam wunāmp God.antangana. Nil God.angan wik inan kaaꞌngak pam wanch thant al-alantan than kaangkan wuntan nungant.

1 Peter 3:14

Than nath aak-yaꞌang wayan iiy-iiyiythan niiyantan-a, nil God.angana ngangk minangam ngul piꞌ-piꞌow niiyang. Niiy keꞌ winynyang moꞌān thanttamana, aꞌ niiy ngangk wayana keꞌ iiy-iiyāna.