Luke 6:12 - Wik-Mungkan

¹² Amanamaniya nil Jesus.angan want thanang aꞌ nil iiy ngul pokkapang aꞌ yoykang mat nil yipam meeꞌ-wuthanamow nungant God.antan. Nil Jesus.an meeꞌ-wuth-wuthanam ngut ongk, aakam paanth nungant.

Luke 6:12 Iomraidhean Croise

Matthew 5:1

Nil Jesus.angan pam wanch yot anangan thath thanang-a, nil aak achantang angan mat, aꞌ angman nyiin ngul. Pam wanch wiy anangan thintham wampin nungant, than puth kaangk wik nungantaman ngeeyayn,

Matthew 6:6

Puth niiyiya, niiy piip God.antan thawān-a, niiy puy iiyān pokkapang aak enyanang thawān nungant. Niiy puth keꞌ thathin nunang God.an yaꞌa, niiy meeꞌ-wuthanamān nungantana, an epa. Nil piip God.angan ngul thathow niiyang aak angana, aꞌ nil putha thaaꞌ-kuumpow niiyang aꞌ ngangk min wunow nungant niiyantamana.

Mark 1:35

Ngaaꞌ thonangana, aak ngaaꞌangan yippakan wun-wun-a, nil Jesus.an ek aꞌ aawuchana want ngul. Nilan aak town anpalan iiy aak enyanakan, aak pam wanch keꞌanangana, aꞌ nil angmana meeꞌ-wuthanama.

Mark 3:13

Amanamaniy-a, nil Jesus.ana yoykang mat, aꞌ nil pam wiy anangan miꞌ thanang, aꞌ ump thanang wampayn nungant.

Mark 6:46

Nil kanan kuch thanang-a, nil-nilam aak yoykakan iiy, nil yipam meeꞌ-wuthanamow piip nungantamantan.

Luke 5:16

Nil puth Jesus.ana maꞌ-yotam aak enyanakan iiy-iiy, aak pam wanch keꞌanangan, aꞌ angman meeꞌ-wuth-wuthanama.

Luke 6:11

Man kul paththam wamp thant pam piꞌan al-alantan, aꞌ than kan-ngul wik thaw-thawin thanttakaman than wanttak nathan yumpayn nungant Jesus.antan.

Luke 6:17

Than Jesus weeꞌanangan yoykaman kanan ukin-a, nil aak pampang than-than ngurp nungantam yot-yotam al-alantangan. Pam wanch thaaꞌ-wantanam angman thamp -- than pam wanch aak Judea.amana, aꞌ aak Jerusalem anpalana aꞌ puth aak towns Tyre aꞌ Sidon anpalan, aak kucham inangan thomp thinth.

Luke 9:18

Aꞌ amanaman-a, nil Jesus.an pokkap nyiin, meeꞌ-wuth-wuthanam piip God alantan. Aꞌ than ngurp nungantam anangan wampin nungant. Nil thaw thant, “Niiyalang, kan niiy waaꞌiy ngathara. Than ngul pam wanch yotangan ngayangan keꞌ weeꞌ yimanangan ngaantam-ngeeyantan ngayanganiya?”

Luke 9:28

Ngul-ngulana, week thonamangan kanan want thanang-a, nil Jesus.angan ngurp nungantam koꞌalam kal thanang yoyk achantangak, Peter-a, aꞌ James-a, aꞌ puth John. Than keny matin yipam meeꞌ-wuthanamayn piip God.antan.

Luke 9:29

Nil Jesus.an yippak meeꞌan-wuth-wuthanam-a, kaaꞌwal nungantaman wiy-wiyaman weem, aꞌ ngook nungantaman pach paththam weemant.

John 6:3

Aak may piꞌan mungkanakan thanttam Jews.antaman kan-kanang wamp-wampa, Passover.an waaꞌantan. Anpalan-a, nil Jesus-a, ngurp nungantam anangan yoykang matin, aꞌ than angman karpam nyiin-nyiinin.

Colossians 4:2

Niiy maꞌ-yotam meeꞌ-wuth-wuthanamān. Niiy meeꞌan wuth-wuthanamān-a, meeꞌ anhan weepakan keꞌ wampow niiyant, puth minam thawāna, aꞌ thankyou thawān nungant God.antan.

Hebrews 5:7

Aꞌ putha ngay in thampan waaꞌang niiyanta: nil Jesus.an aak ingan wun-wun-a, nilan thaaꞌ-mamanang thaw-thaw nungant piip-kunchantan keꞌ kuchow nunang uthamanakan, nil meeꞌ peeyanang thaw nungant, meeꞌ kam ukanang. Nilan puth meeꞌmiy piip nungantaman Goda wuut piꞌan paththam, kaangk nilwey kaaꞌ-piichanathiy nunang mulaman-a, an epa kaaꞌ-piichanathiy nunang, puth yaꞌa. Nil God.angan wik ngeey nungantam aꞌ ngangk thayanath nunang, nil yipam keꞌan winynyang moꞌow mulamana. Nil puth wik Jesus.antaman ngeeya, nil puth Jesus.an puk nungantam thaaꞌ-thayan yaꞌa, nil wik erkamim ngeey piip nungantaman.