Luke 5:2 - Wik-Mungkan

^2-3 Aꞌ puth nil Jesus.anganiya, chukkun kucham thath thompangan than-thanpul, than pam minh ngaꞌakan iiyin-a, al-alangan wichin. Pam inanganiy-a, Simona, puth-a, puk nhengk Zebedee.antam James aꞌ John, aꞌ wiy anangan thamp. Than puth punththaman thanttaman ngakangan pachathin. Nil Jesus.ana, chukkun Simon.antamangan chang pey, aꞌ Simon.ant thaw, “Kan pek manyam thaꞌān ngayanga aak thomp amanama!” Amanamaniya, nil Jesus.an nyiin ngul chukkunang angan, kan-ngul wik God.antaman waaꞌ-waaꞌ thant pam wanch yot al-alantan.

Luke 5:2 Iomraidhean Croise

Matthew 4:18

Anpalan-a, nil Jesus.ana iiy-iiy thomp wonk wak-waka kookam piꞌan Galilee angan. Aꞌ nil pam kucham thath pulang pul kuunchama, minh ngaꞌan mam-mamanpul yuk punththamanangana, namp pulantiya Simona namp thoniy nunganta Peter, putha kuunch nungantam anan namp-a, Andrewa. Pulaniya minh ngaꞌ mam-mampul aꞌ punththaman theeꞌ-theeꞌpul ngak kookamanga.

Matthew 4:21

Aꞌ nilana puyamam iiy-iiy thomp wonk wak-wak aꞌ pul kuuncham ngul thath pulang, namp pulantiya James-a, putha Johna, puk nhengk nungantam pam Zebedee alantamana. Pulaniya chukkun pulantamang angana putha piip pulantaman angman thampwey, thanana min-min yumpin yuk punththamanan thanan yipam minh ngaꞌak ngul iiyayn. Aꞌ nil Jesus.angana ump pulanga,

Mark 1:16

Anpalana, nil Jesus.an iiy-iiy thomp wonk wakan wak-waka kookam piꞌan Galilee angan, nil pam kucham thath pulang maꞌ-kuuncham anangana, namp pulantaniya Simona aꞌ Andrew. Puth pul al-alangan minh ngaꞌ mam-mampul punththamanangan.

Mark 1:19

Aꞌ Jesus.ana thaaꞌ puyam ngul iiy-iiya aꞌ maꞌ-kuuncham thon ngul thath, namp pulantaniya James aꞌ John, pul puk wuut pam namp Zebedee alantaman. Pulaniya chukkun thanttamangan nyiinpul, pulan puth min-minam yumppul punththaman anangan minh ngaꞌakana iiyayn.

Luke 5:1

Anpalana, nil Jesus.an thompang than-than aak namp Gennesaret. Pam wanch yot wampin nungant Jesus.antan, than wik God.antaman ngeeyayn nilan Jesus.angan waaꞌow thant. Than thaꞌ-thaꞌwin thanttakaman puth than kaangk thintham wampayn.

John 1:40

Nil-nungant pam thonaniy-a, wik kaꞌathaman John.antaman ngeey-a, aꞌ puth Jesus.antangan iiy-iiy ngul-a, an nil Andrew.anga, Simon Peter alantaman kuuncha.