Luke 4:7 - Wik-Mungkan

⁷ Puth nint kaꞌathamana thaaꞌ-kuumpān ngayang, aꞌ anpalaniy-a, ngay yotam inangan theeꞌāng nungk, aꞌ moom piꞌan paththam yumpāng nintanga.”

Luke 4:7 Iomraidhean Croise

Matthew 2:11

Than kanan wampin-a, than pek ngoonchin aꞌ puk manyan thathin nunang aꞌ putha kaath-kunchan thathin nunang thamp Mary.an. Thanana pungkang thuchin um nungant puk many alantan, aꞌ thaaꞌ-kuumpin nunang. Amanamaniya, than yuk bags thanttamana thapathin, yuk way min yipam theeꞌayn puk many alantan -- yuk golda, putha opar awal min anangan theeꞌin nungant, frankincense aꞌ puth-a, myrrh.

Luke 17:16

aꞌ pungkang ngul nyiin, kuchek pekam thuch Jesus.antan, aꞌ thaw nungant, “Nint ngayang minam paththam ngul yumpana, ngay puth palam iiyang nungka, thankyou thawāng nungkara!” Nil pamaniy-a, aak Samaria punchana.

Luke 4:6

Aꞌ nil thawant, “Ngay moom piꞌan ngul yumpāng nintang aak ingan aak umyompanamak, aꞌ aak yot-yotam nath-nathan wun-wuntan-a, theeꞌāng nungkar thamp. Nil God.angan puth ngathar theeꞌ, maꞌ ngatharang ngul, aꞌ puth ngay ngul theeꞌāng weeꞌantan ngayan kaangk theeꞌāng.

Luke 4:8

Nil Jesus.an thawant, “Lat ngench thayanangan waaꞌana, ‘Niiy God anman thonakam thaaꞌ-kuump-kuumpān nunanga, aꞌ monkan-wak-wakān nunanga, wiy yaꞌa!’ ”

Luke 8:28

Nil Jesus.an thath nunang-a, nil paman othamayan pech, aꞌ aakang theeꞌ nungamang. Aꞌ nil Jesus.an thaw oony way alantan, “Nint kan pentān pam ilantamana.” Aꞌ nil pam weenthana wik othamayan pech, “Jesus ey! puk nhengk pam ngench thayan alantaman ey! puk nhengk God.antam nintiya! Nint ngul ngeenak wampan ngathar e? Ngay thaaꞌ-mamanang thawang nungk nint keꞌ wayathān ngayanga!” Nathpalmana, nil oony way inan maꞌ-yotam ngangkangan ngoonch nungantang, pam alantangan, aꞌ weenth paththam yump-yump nunang. Than pam wiyangan maꞌ-yotam mamin nunang, aꞌ maꞌ-yotam chainsangan maꞌ kathin nunang, puth yaꞌangam, nil chains anangan thuth-thuth, aꞌ than yuk chainsangan thaꞌangan kathin nungantang puth yaꞌangam, nil yaꞌ nhanthath chains anangan, aꞌ anpalana nil oony way alangan kuyam kal-kal nunang aak pintalakan.

Revelation 22:8

Ngay, Johna, ngay wik anangana ngayam ngeeyangan putha thathangan thakana. Ngay kanan ngeeyangan-a, aꞌ thathangan-a, ngayiya pungkang nyiinangan um ngaantiyongk alantan, nilan meen-meenath ngathar ananganiya, aꞌ ngayan keꞌ thaaꞌ-kuumping nunang.

Revelation 4:10

Than al-alangan aakan pathantan-a, than wuut manth-thayan twenty-four anangana, pungkang thuchantan um pam alantangan chair piꞌanangan nyiinan, aꞌ thanan thaaꞌ-kuumpantan nunang, puth nilan man-yetham anman aak umpuyam wunana. Than yuk kuchek olk thanttamana aakang wunpantan chair piꞌan thinth angman, aꞌ thawantan:

Revelation 5:8

Nil latan kanan maay-a, than pam four keꞌ minh anangan aꞌ putha than pam wuut manth-thayan twenty-four anangana, pungkangan thuchin aakangan um nungantang pam keꞌ lamb alantangan. Than yotamangan yuk keꞌ guitars yimanangan piꞌ-piꞌin maꞌangana aꞌ puth bowls goldaman yumpin-a, anangan maꞌang piꞌ-piꞌin thanang. Yuk bowls anganiya opar awal minan wunpin. Opar inaniya an keꞌ prayer yimanangan pam wanchan thawantan nungantan God.antana.