Luke 4:1 - Wik-Mungkan

¹ Anpalan-a, nil Jesus.an aak kikkiy Jordan anpalan wamp. Nil Ngeen-Wiy Min God.antaman ngangkang wun-wun nungantang, aꞌ ngangk thay-thayanath nunang. Aꞌ nil Ngeen-Wiy Min God.antam alangana kal nunang aak pintalakan.

Luke 4:1 Iomraidhean Croise

Matthew 3:16

Yaa, puth nilana kootra ngakang kuungk nunang, Jesus.an. Aꞌ nil kanan kootra ngakangan kuungk nunang-a, nil Jesus.aniya ngakam pent, aꞌ in kenya yuwan yaꞌ ik, aꞌ nil Jesus.angan Ngeen-Wiy Min God.antaman thath nunang pal kenya uk-uk nungant keꞌ minh kolat yimanangan wamp nungant.

Luke 2:27

Aꞌ ngulan nil putham thaw Simeon.ant, “Yaa, nint kan-ngul iiyān aawuch ngench thayan aakanakan.” Pul Mary aꞌ Joseph.ang kanan wamppul aawuch ngench thayanangan-a, pulaniya angman uwpul nunang Simeon.an aꞌ pul wik inan thawpul nungant God.ant, “Piip Goda, puk nganttam inan. Ngan kaangk nil min-minam em-emow nungkar aꞌ work iiyow nungkar anman.”

Luke 3:3

Aꞌ anpalana nil John.an pal-puy iiy-iiy aak angman River Jordan thinth, aꞌ wik thaw thant pam wanchanta, “Way niiyan yumpaniya niiy kan-ngul wantāna! Niiy palaman weentān God.antan! Aꞌ ngay anpalana kuchek ngakang kuungk-kuungkāng niiyang, aꞌ nil God.angan keꞌ-ngul ngaantam-ngeeyow way yot niiyan yump-yumpan.”

Luke 3:38

nil Kenan.antaman piipa inan Enosh; nil Enosh.antaman piipa inan Seth; nil Seth.antaman piipa inan Adam; nil Adam.antaman piipa inan God.

Luke 4:14

Anpalan-a, nil Jesus.an koyam iiy aak Galilee.akan, aꞌ nil Ngeen-Wiy Min God.antam alangan ngangk thay-thayanath nunang, ngangk nungantangan wun-wun. Wik thooꞌ weꞌaram nungantam Jesus.antaman aak angman Galilee wakan.

Luke 4:18

“Ngeen-Wiy Min God.antaman kanam wamp ngathar aꞌ work theeꞌar wik min waaꞌ-waaꞌāng thant pam wanch ngangk wayan iiy-iiyantan, wukal keꞌanang thakan wun-wuntan. Nil kuch ngayang tham ngay yipam thawāng thant pam wanch al-alantan jailangan wuntan, ‘Nil God.angan ngul pentathow niiyang,’ aꞌ ngay yipam meeꞌ koꞌanch al-alantan thamp thawāng thanta, ‘Nil God.angan ngul meeꞌ min yumpow niiyang,’ aꞌ putha pam wanch al-alantan thawāng than moom wayantangan maꞌ iiy-iiyantana, ‘Nil God.angan maꞌam piiyow thanang moom wayanang anangana.’

John 1:32

Anpalaniy-a, nil John.an thaw thant, “Ngay Ngeen-Wiy Min God.antaman thathang uk-uk keꞌ minh kolat yimanangan, anpal kenyan uk nungant Jesus.ant, aꞌ angman nungantang nyiin-nyiin.

John 3:34

Nil pam anan God.angan kuch nunang-a, Jesus.an-a, nil wik God.antaman waaꞌ-waaꞌan thant, nil puth God.angan Ngeen-Wiy Min nungantaman kuch nungant, yipam ngangkang angman wun-wunow nungantang.

Acts 1:2

aak-aakanakamana nil God.angan kan-ngulan koyam matathowan keny aak nungantamakana. Nil God.angan keꞌaman yippak kenyan matath nunang Jesus.an koyam aak nungantamakan-a, nil Ngeen-Wiy Min nungantamangan thayanath nunang wikan thawow thant ngurp nungantam al-alantan nilan miꞌ thanang wik nungantaman puy-puyam waaꞌ-waaꞌayn pam wanch wiyantan.

Acts 8:39

Aꞌ kan-ngul keny matpul ngakamana, aꞌ Ngeen-Wiy Min God.antamangan Philip.an kan-ngul kal nunang aak thonaka, aak yaꞌ maayana. Pam ngotanangan keꞌam ngul thath nunang, ngurpan keꞌ aak yaꞌa, yaꞌamantam. Puth nil pam Ethiopia punchanana an ngangk minangam ngul moꞌ-moꞌ yuk wagonangan koyam aak nungantamakan.