Luke 3:14 - Wik-Mungkan

¹⁴ Aꞌ than soldiers wiy anangan wampin nungant, aꞌ thawin nungant, “Ayyang, ngan wanttaka? Ngan wanttak yumpāna?” Nil thaw thant, “Niiy pam wanch keꞌ thaachān thanang wukal yipam theeꞌayn niiyant. Aꞌ aak-yaꞌangan keꞌ waaꞌān thanang wukal yipam theeꞌayn niiyant. Niiy wukal niiyantaman uwaniy-a, an kan mina, puthamakan keꞌ thaw-thawāna.”

Luke 3:14 Iomraidhean Croise

Matthew 8:5

Aꞌ nil Jesus.an iiy-iiy aak-aakanakan aak nampa Capernaum.ak. Nil pam inan moom thanttama Roman soldiers al-alantaman umang wampant aꞌ thaaꞌ-mamanang thaw nungant maꞌ-aathow nunanganweya.

Luke 19:8

Aꞌ amanamaniya Zaccheus.ana wur ek meeꞌ pam wanch yotantangan aꞌ thaw nungant Jesus.antan, “Moom-ang, nint in ngeeya: way min wiy ngatharam anangana ngay theeꞌāng thant pam wanch al-alantan than wukal-a, putha way min keꞌanangana. Aꞌ putha ngay wukal koyam ngul theeꞌāng thant pam wanch al-alantan ngayan wukal maꞌ-kuch-kuchathang thanttamana. Ngaywey nath one hundred dollars maꞌ-kuchathangan thanttam-a, ngay four hundred dollars ngul koyam theeꞌāng thant.”

Luke 3:10

Than pam wanch anangan thawin nungant, “Ayyang, ngul ngan wanttak yumpān e?”

Luke 3:13

Nil John.an thaw thant, “Niiy wukal tax amanamana yot-yotam keꞌ yalmathān pam wanchantamana, wukal wiy yipam piꞌān niiyantakamana. Niiy wukal anman thonakam maayān thanttam nil pam piꞌanan thawow niiyant ngeen-ngeenan uw-uwān pam wanchantamana.”

Acts 10:7

Aꞌ anpalaniya, nil ngaantiyongkan kan-ngul iiy aꞌ nil Cornelius.angan pam kucham ump pulang workan iiy-iiypul nungant aꞌ puth pam soldier thonam ump nunang nil pam min piip God.an thaaꞌ-kuump-kuumpana.

Philippians 2:15

niiy yipam min-minam paththam iiy-iiyān, than pam wanch wiyangan way keꞌ yipam waaꞌayn niiyang. Pam wanch yota way-wayam paththam iiy-iiyantan, puth niiyaniya puk God.antam, niiy puth minam koyꞌa iiy-iiyān meeꞌ pam wanch wiy al-alantanga. Niiy keꞌ thunp yimanangan parkāna, woyan God.antaman meenathān thant.

Philippians 4:11

Ngayan wik inangan keꞌam thaw-thawang niiyant puth ngayan wukal keꞌanang inan wun-wunangan, yaꞌa, ngay puth inan kan-ngul thiichang: ngeen nathanwey wampow ngathar-a, natha way natha, yaꞌ natha, min nath wampowar-a, yaa, puth ngayaniya ngangk kuup-kuupamang anman.

Titus 2:3

Aꞌ thawān thant wanchinth al-alantana nil God.angan kaangk thathow thanang than minangam anman wunayna. Than ngaantam-ngeeyayn nunang God.aniya aꞌ wik min nungantaman ngeeyayn. Aꞌ than puth keꞌ waaꞌ-waaꞌayn thanang pam wanch wiy anangan, keꞌ puth kulakan wenkayn. Ngak wayakan keꞌ iingkamayn, nil ngak way alangan ak-wichan thanang God.antaman. Than thaaꞌ-aath-aathayn thanang wanch kom-koman anangan than min anman yipmam iiyayna,

Revelation 12:10

Aꞌ ngul anpalaniya, ngay wik ngeeyang ang kenyan heavenangan othamayan thaw-thawa, “Aakan kan wamp yimanang ngulan nungant God.antan, nil yipam thanang pam wanch anangan kaaꞌ-piichanathow! Nil God.angan kan-ngul meenath nungamang nilan moom kan-kanam paththamana! Aꞌ puth Christ.angan thamp kan-ngul meenath nungamang nil moom piꞌan paththam ngul God.antangan. Puth pulana oony way Satan.an kanam theeꞌpul nunang anpal kenyan heavenaman, nil oony way anman kaꞌathaman um God.antang than-than, thanang pam wanch Christians anangan waaꞌ-waaꞌ thanang, ngutang aꞌ kinchanga.