Luke 24:36 - Wik-Mungkan

³⁶ Pulan yippak wikan waaꞌ-waaꞌpul nunang Jesus.an-a, nil Jesus.an paththam angman menhang wamp thant aꞌ thaw thant ngul, “Ngay kaangk niiyan ngangk minangam ngul iiy-iiyāna.”

Luke 24:36 Iomraidhean Croise

Matthew 10:13

Than pam wanch anangan aawuch angan wuntana nath ngangk minangaman iiyayn niiyantan-a, yaa, nil God.ana min iiyow thant keꞌ niiyaman thawan thant. Than keꞌwey ngangk minangaman iiyayn niiyantan-a, yaa, nil puth piip God.ana min keꞌ iiyiy thant, yaꞌa.

Mark 16:14

Ngul-ngulana, nil Jesus.an wamp thant ngurp nungantam eleven al-alantan mayan mungk-mungkin. Nil wak-wak thanang, than puth minam keꞌam ngaantam-ngeeyin nunang, aꞌ puth than kuchek thayan iiy-iiyin, kan-kanam keꞌam wik ngeeyin thanttam than wik nunangan waaꞌ-waaꞌin nil koyam kan-ngulan man-yetham ween.

Luke 10:5

Niiy aak town ang-ngulan wampān-a, aꞌ putha aawuchang ngulan pek ngoonchān-a, niiy kaꞌathamana wik inangan thawān thanta, ‘Ngan kaangk nil God.ana ngangk minangam iiy-iiyow niiyanta.’

John 14:27

“Ngay wantāng niiyangan-a, niiyan ngangk minangam iiy-iiyāna, ngayan putha ngangk min yumpāng niiyangana. Ngangk min ngayan yumpāng niiyang-a, an nil-nila, an keꞌ than pam wanch wiy al-alangan ngangk min yumpwuntan yaꞌa. Niiy ngangk wayan keꞌ wunān a! aꞌ niiy keꞌ winynyangan moꞌān a!

John 16:33

Ngay wik inangan kan waaꞌangan niiyant, niiy yipam ngangk min paththam iiy-iiyān, ngay puth ngangk niiyantang wun-wunang. Than pam wanch wiy al-alangan-a, ngangk kulangam ngulan kal-kalayn niiyang, aꞌ way-wayam ngul iiy-iiyayn niiyant. Puth niiyan-a, ngangk thayanam iiy-iiyān a! Ngay puth kan yaꞌ maalathang thanang a! Than keꞌ pam manyiy ngul iiy-iiyantan a!”

John 20:26

Week thonang ngulan-a, ngurp Jesus.antaman karpam nyiin-nyiinin aawuchangan. Nil Thomas.an-a, thanttang angman nyiin-nyiin. Aꞌ nungkway than aawuch thaaꞌ ngathanangan nyiin-nyiinin-a, nil Jesus.an angman wamp thant, aꞌ angman than, aꞌ thaw thant, “Niiy in ey? Yaa, ngangk min wunow niiyanta.”

Acts 1:3

Nil Jesus koyam kanaman ek mulaman-a, nil wamp-wamp ngurp nungantam al-alantanwey kinchiya forty.akama thanan yipam thathayn nunang aꞌ meeꞌmiy ngul weenayna nil man-yetham ngul iiy-iiyan. Nil maꞌ-yotam wamp-wamp thantan aꞌ may mungk-mungk thanttanganiya puth wik thak thaw-thaw thantaniy, thanan yipam ngangkangam piꞌ-piꞌayn nunangana nil kan-kanam paththam man-yetham ngula. Than thath-thathin nunanga, puth-a, nil thaaꞌ-aath-aath thananga, aꞌ puth-a, nilan waaꞌ-waaꞌ thant anana aakan ngul wampan nil piip God.angan ngul maꞌ nungantangan piꞌ-piꞌow pam wanchaniya.

1 Corinthians 15:5

Ngul-ngulana, nil Jesus.an palam ngul wamp Peter.ant aꞌ anpalana ngurp nungantam wiy al-alantan thant ngul wampa.

1 Corinthians 15:7

Ngul anpalaniya, nil James.ant ngul wamp aꞌ thant wiy al-alantan ngul wamp, nilaman kuch thanang wik nungantaman waaꞌ-waaꞌayna.

2 Thessalonians 3:16

Nil Lord.ang thonakam ngangk ngamparaman min yumpana. Ngeen nath wampow niiyant-a, aak min nathwey-a, nathwey aak way wampiy-a, ngan kaangk nil Lord.angan ngangk min yumpow niiyang, aꞌ angman iiyow niiyantang.

Revelation 1:4

Ngaya, John.ang lat inanganiy ump-umpang aꞌ puth ngay lat inan niiyant ngul kuchang churches sevenak aak Asia.ang angan. Nil piip God.an minam iiy-iiyow niiyant aꞌ putha ngangk min yumpow niiyang thama, piip God alangana, aꞌ putha Jesus Christ alangan thamp, aꞌ putha oony min seven al-alangan thinth anman God.antangan achantangan nyiin-nyiintana, than thamp ngangk min iiyayn niiyant. Nil God ngamparam inana, aak nathpalman wun-wun, in-inman yippak wun-wunan, aꞌ nil anman wunow aak umpuyama. Nil Jesus Christ.aniy-a, kan-kanam waaꞌ nunang God.an ngampar. Putha nil Jesus Christ.an puk nhengk kaaꞌ-thonam nungantam God.antama, aꞌ nil God.angan mulaman koyam ekath nunang. Ngul-ngulaniya, nil pam wanch wiy thaman mulam ekathow thanang, kaꞌathamana Christ.an mulaman ekath nunang. Ngul nil moom wuut piꞌan ngul iiyan, nil pam moom piꞌ-piꞌanantam thamp moom piꞌan paththam iiy-iiyan aak nath-nathan wuntan. Nil puth kaangk wun ngampar aꞌ nil mul wun ngamparak yipam God.angan way ngamparaman keꞌ-ngul ngaantam-ngeeyow.