Luke 23:32 - Wik-Mungkan32 Than pam soldiers al-alangan pam kucham thampang kalin pulang Jesus.antangan mulathayn pulanga. Pul pam kucham inanganiy way-wayam iiy-iiypula. Faic an caibideil |
Puth ngay wik inangan waaꞌ-waaꞌāng niiyanta than lat ngench thayanangan keenkanaman umpin ngayangan waaꞌ-waaꞌina, ‘Than way paththam ngul yump-yumpayn nungant keꞌ nil pam way paththam yimanangana.’ Puth niiyan ngul thiichān than wik anangan kan-kanam waaꞌ-waaꞌin ngayangana, puth than kan-kanam way paththam ngul yump-yumpayn ngathar.”
Puth than wiy al-alangan way yump-yumpantan ngath puth anpalan ngay wik min Christ.antaman waaꞌ-waaꞌang thant. Aꞌ thananiya jailang thenchin ngayang ngay keꞌ pam way yimanangana, putha chains piꞌanang thamp kathin ngayanga. Puth nil weeꞌangam wik min God.antaman kathiy chain piꞌanangana! An yaꞌa, keꞌ kathiythan chainangan wik min God.antamana, an yaꞌa.
Ngampan keꞌ-ngoongkama wik ngeey-ngeeyāmp nunangana Jesus.ana. Woyan min kaꞌathaman nilaman wak-wak, -- yaa, ngampaniya woyan nungantam anman wakāmp. Nilam thonakam ngul maꞌ-aath-aathow ngampang woyan min God.antaman wak-wakāmp. Nil puth Jesus.angana keꞌam week kemp nungantaman; nil aak thaampwey yuurpam iiy yuk wuuyanakan aꞌ utham ngampar chaapar nungantam theetath ngamparwey. Thanan yuk wuuyanangan waanchin nunang nil yipam ngul-nyaaꞌ wunow, puth yaꞌa, nil keꞌam ngul-nyaaꞌan wun yuk wuuyananganwey yaꞌa, puth nilan kanam thiich nil ngangk min ngul iiyow. Aꞌ amanamana nil koyam ngul mat aak heavenak in kenyana aꞌ nilana moom wuut piꞌan ngul iiy-iiyan nungantang God.antangan.