Luke 22:5 - Wik-Mungkan

⁵ Than pam piꞌ-piꞌan anangan ngangk min paththam ngul wunin aꞌ thanan puth thawin nungant Judas.antan than wukal ngul theeꞌayn nunganta.

Luke 22:5 Iomraidhean Croise

Luke 22:4

Nil iiy thant pam piꞌan priests al-alantan, aꞌ moom thapangumpan al-alantaman than aak ngench thayanan piꞌ-piꞌinan, nil yipam wik thawow thanttang nil want-wanttakan Jesus.an theetathow nunang thanta.

Luke 22:6

Nil Judas.an puth eeꞌ thaw thant, aꞌ amanam ngulana nil ngaantam-ngeey-ngeey nil Jesus.an want-wanttakan theetathowan thantana. Nil kaangk meeꞌ thenchanam theetathow nunang thanta, than pam wanch yot al-alangan keꞌ yipam thiichayna.

Acts 8:20

Puth nil Peter.angana wukal nungantamana keꞌam maꞌamaniy mama, yaꞌa. Nil thawant, “An way paththama, nintan thawana, ngamp ngul wukal theeꞌāmp nungant God.antan ey? nil yipam Ngeen-Wiy nungantaman kuchow ngampar ey? An yaꞌa! Puth ninta aꞌ wukal nungkaram thampana, aak way aakanakan iiyow hellaka! Puth nint anan ngaantam-ngeeyan keꞌ nint Ngeen-Wiy Min God.antaman wukalang piiyina nunangana, an yaꞌa.

2 Peter 2:15

Puth than pam way al-alangan woyan minan wantin nath ngul pankin God.antamana. Thananiya keꞌ pam prophet Balaam.an iiyantan, puk nhengk Beor alantaman, nil keenkan wuna. Nil wukal-weenth iiy-iiy. Nil wayan yump-yump wiyangan yipam wukal theeꞌ-theeꞌayn nungant.

2 Peter 2:3

Than teachers inanganiya waya wukal-weenthiya. Thanan wik kuchek thanttam anpalan ngaantam-ngeeyantan, than wik wayanang anangan waaꞌayn niiyant niiy yipam wukal theeꞌān thant. Puth nil God.ana keꞌam weep wunan, yaꞌa, nil thathan thanang. Puth nilan aak keenkan thaw nil um nungantangan thanathow thanang aꞌ amanamaniya nil kuchow thanang ngul aak nungantam anpalana.

Jude 1:11

Than pam wanch ananganweya, thanan keꞌ pam wanch aak keenkanaman wun-wunina Cain aꞌ puth Balaam-a, aꞌ Korah puth wiy tham, yimananganwey thananiy. Nil pam Cain anana man kul paththam wampant aꞌ pont nungantam mulathanwey. Nil pam Balaam anana an nil wukal-weenthwey, puth nil wik God.antaman yaanim thaaꞌ-aath-aath thanang nil yipam wukal uwowa. Nil pam Korah anana, kulim thaw thant pam God.antamakan nilan kuch thanang. Aak niiyan wunaniy-a, pam wanch wiy anangan wayan yumpantan keꞌ than anangan keenkan wunin, aꞌ nil God.angana ngul wayathow thanang keꞌ nil pam Korah.an wayath nunang keenkan.