Luke 22:10 - Wik-Mungkan

¹⁰ Nil Jesus.an thaw pulant, “Ayyang, nip in ngeeyowa. Nip aak Jerusalem.angan ngoonchowa aꞌ anpalana nipiya pam uwow nunang ngak kal-kalan juganga. Nipaniya monkan-wakow nunanga. Nil aawuch wanttingan ngoonchow-a, nipaniya karpam ngoonchow nungantangana.

Luke 22:10 Iomraidhean Croise

Matthew 15:11

Nil pamang nathweya may ngench thayanan mungkiya nil puth God.angana pam wayana keꞌ waaꞌowana may anpalmaniy. Puth nilwey pamang wik way anman ngangkangaman piꞌ-piꞌiy-a, nilaniya wik wayan ngul thawiy, an puth nilana way-wayam paththam ngul weeniya.”

Luke 22:11

Aꞌ nipana thawow nungant aawuch-kunch alantan, ‘Ayyang, moom nganttamang wik inan kuch nganttang nint aakan meenathān ngant aak wanttingan ngan yipam Jesus weeꞌanangan minh lamban aꞌ may bread pampan mungkān.’

Luke 22:9

Pulan puth thawpul nunganta, “Ngan aak wantting mayan yumpān ngampara?”

John 16:4

Ngay niiyant wik inangan kanam waaꞌangan, puth aak anan kan-ngulan wampow niiyant-a, niiy yipam ngaantam-ngeeyān ngul wik inangan ngayan waaꞌ-waaꞌangan niiyant. “Ngay kaꞌathaman wik inangan keꞌam waaꞌangan niiyant, ngay puth niiyantang inman yippak wun-wunangan.