Luke 21:23 - Wik-Mungkan

²³ Aak inan ngulan wampow-a, an aak way-wayam wunow thant wanch iimpanang al-alantana aꞌ putha wanch pul-many al-alantan maꞌ puk manyangana. Puth aak way-wayam paththam ngul wampow aak iikanakana, nil puth piip God.angan kan-kanam paththam wayathow thanang pam wanch anangana.

Luke 21:23 Iomraidhean Croise

Matthew 21:16

aꞌ Jesus.ant ngul thawin, “Ayyang, nint kan wik ngeey-ngeeyangan ey? puk manyiy anangan thaw-thawantan ey?” Jesus.an puth thaw thanta, “Eeꞌa, ngay kanam ngeeyang thananga. Niiy ngul keꞌam readimpungan thanang ey? wik anangan God.antaman ey? than lat ngench thayanangan umpin, -- wik yimanangan umpin God.antan, ‘Nintiya puk manyiy anangan-a, puth puk manyiy thaaꞌ-paapiy anangan-a, kanam thaaꞌ-aathan thanang minaman thaaꞌ-kuumpayn nintangana.’ ”

Matthew 21:41

Thanan puth thawin nungant, “An nil mulathow thanang paththam pam way anangana, aꞌ nilana pam wiyant ngul thawow aak garden nungantaman piꞌ-piꞌayna. Nilaniya pam min-miniy anangan miꞌow thanang than yipam may kaangk menchan wiy anangan theeꞌayn nungant.”

Matthew 24:19

Aak inan ngulan wampow-a, an aak way paththam wun-wunow thant wanch iimpanang al-alantana aꞌ putha wanch pul-many al-alantan maꞌ puk manyangana.

Mark 13:17

Aak inan ngulan wampow-a, an aak way wun-wunow thant wanch iimpanang al-alantana aꞌ putha wanch pul-many al-alantan maꞌ puk manyangana.

Luke 19:27

Aꞌ pam moomana putham ngul thaw thanta, ‘Than pam al-alangan ngayangan ngangk-wayangaman kal-kalin wanttin ngul iiyin e? thanan kaangk keꞌ pam piꞌan kingan yumpayn ngayanga. Niiy pal kalān thanang ngathara aꞌ niiy mulathān thanang ingman meeꞌ ngatharanga.’ ”

Luke 19:43

Aak way paththaman ngul wampow niiyant. Pam way kulliyangan ngul weentathayn aak niiyantamana aꞌ thanan walls yumpayn niiyant niiy yipam yoon keꞌ pentāna aꞌ keꞌ appenchān nathaniya. Aꞌ than pam wanch puk manyiy tham maꞌmangkam mulathayn niiyanga aꞌ puth aawuch niiyantam anangana, puth way min maꞌmangkam anangan wayathayn thanang. Aakana way-wayam paththam ngul wunow, than yuk way min pal-puy theeꞌ-theeꞌayn, kunttow thakan than aawuchan kaach-kaachin. Niiy puth pam inan keꞌam ngaantam-ngeey-ngeeyan ngayang nil piip God.angan kuchanya ngay yipam kaaꞌ-piichanathāng niiyanga way niiyantam anpalana.”

Luke 23:29

Puth aakan kan-ngul wampan pam wanch anangan ngul thawayn, ‘Wanch puk keꞌ uwanam anangan ngangk min wunayn aꞌ putha wanch puk thuut keꞌ aathanamana ngangk min wunayna.’

1 Corinthians 7:26

Aak yimanangana way ngul wun-wunan ngampar, puth pam wanch wiyangana way yump-yumpantan niiyant, ngay keꞌ-paal ngaantam-ngeey-ngeeyang ngatharakaman an min niiyantweya niiy maꞌ-ampanam anman iiy-iiyānana.

1 Thessalonians 2:16

Than kaangk wayathayn nganang wik God.antaman keꞌ waaꞌān wiyantana. Thanan kaangk keꞌ ngan wik min God.antaman waaꞌān niiyant Jews yaꞌ al-alantan nil God.angan kaangk kaaꞌ-piichanathow niiyang way yot niiyantam anpalan. Than wayan yumpantan-a, keꞌ paath thaaꞌ-piimpanakam yumpantan yip-yipaman keꞌ aakang ngul keekayna. Puth yimanang ngulana, nil God.an kan-ngul man kulan paththam wampan nungant.

Hebrews 13:16

Aꞌ puth inan thamp: ngamp thant pam wanch wiyantan ngangk minangam iiy-iiyāmp aꞌ min-minakam piꞌ-piꞌāmp thanang. Than may aꞌ ngook keꞌanang thakanwey-a, ngampana theeꞌāmp thant. Nil God.angan thathan ngampang thanang maꞌ-aathanampan-a, yaa, nungantan ngangk min wunow.

James 5:1

Ngay kan thawāng niiyant al-alantanweya maꞌmangkiyan iiy-iiyaniya. Ngangk way paththam wunow niiyant, aꞌ niiy peey-peeyāna, puth aak way anan yaam keꞌanam wampow niiyant.

1 Peter 4:17

Aakan kan wampan nungant God.antan pam wanch yotaman umang thanathow thanang puth wayan yump-yumpin. Aꞌ nil kaꞌathamana pam wanch nungantam anangan umang thanathow thanang, aꞌ pam wanch wiy anangan-a, koy-koyyuw umangan than-thanathow thanang. Than pam wanch God.antam yaꞌana, nilan wayathow thanang way thanttam anpalan thanan yump-yumpin.