43 aꞌ ngay ngul maalathāng thanang than nintangan ngangk-wayangaman kal-kalayn. Nintaniya moom piꞌan karangk paththam iiy-iiyān thantana.” ’
Aꞌ pam moomana putham ngul thaw thanta, ‘Than pam al-alangan ngayangan ngangk-wayangaman kal-kalin wanttin ngul iiyin e? thanan kaangk keꞌ pam piꞌan kingan yumpayn ngayanga. Niiy pal kalān thanang ngathara aꞌ niiy mulathān thanang ingman meeꞌ ngatharanga.’ ”
Wik iniya David.angan waaꞌ. Niliya Christ.ana moom nungantam waaꞌ nunanga. Puth nil David.ana wanttak Christ.antaman wuut mangk ween a?” Nil Jesus.angan yimanangan mep thananga.