Luke 20:42 - Wik-Mungkan

⁴² Nil puth David.angana wik inangan ump lat Psalms.angana, ‘Nil Lord God.ana moom ngatharamant thawa, “Nintaniya moom piꞌan ngatharang iiy-iiyāna;

Luke 20:42 Iomraidhean Croise

Luke 20:43

aꞌ ngay ngul maalathāng thanang than nintangan ngangk-wayangaman kal-kalayn. Nintaniya moom piꞌan karangk paththam iiy-iiyān thantana.” ’

Luke 24:44

Aꞌ nil Jesus.an thaw thant ngula, “Ngay keꞌaman yippak uthamangan-a, ngay kan waaꞌ-waaꞌangan niiyanta, than Moses-a, puth prophets al-alangan keenkanaman latangan umpin waaꞌin ngayang putha lat Psalms.angan waaꞌ-waaꞌin ngayang thamp. Ngay kaꞌathaman kan waaꞌ-waaꞌangan niiyant aak ngeen nathan wampow ngathara, puth inan kan-ngul wamp ngathara. Than puth keenkanaman kan-kanam umpin lat ngench thayanangan.”

1 Corinthians 15:25

Nil Christ.an moom piꞌan paththam ngul iiy-iiyow ngampara, aak-aakanakaman nil God.angan wayathow thanang than Christ.an ngangk-wayangaman kal-kalin nunang. An keꞌ nil Christ.angan thaꞌang maakow thanang, thananiy keꞌ-ngul pam piꞌ-piꞌanaman iiy-iiyayn.

Hebrews 1:13

Aꞌ thon inan, nil God.an keꞌam thaw ngaantiyongk nungantamakana: “Niiyaniya moom piꞌan ngatharang iiy-iiyāna aꞌ ngay ngul maalathāng thanang than niiyangan ngangk-wayangaman kal-kalayn. Niiyaniya moom karangk paththam iiy-iiyān thanta.” Nil God.ana wik yimanangan ep thaw nhengk nungantamak Jesus.antan.

Hebrews 3:7

Ngampaniya wik inangan ngeeyāmpa, nil Ngeen-Wiy Min God.antam alangan keenkanaman waaꞌ pam al-alantana, aꞌ thanana umpin lat ngench thayananga, wik inangana: “Nil God.anwey wik thawiy ngampar kinch inmanwey-a,