Luke 2:26 - Wik-Mungkan

²⁶ Ngeen-Wiy God.antaman ngangk Simeon.antamang angman wun-wun, aꞌ nil keenk thaw Simeon.ant, “Nint yippak keꞌ uthamāna. Nint pam kanan thathān nunang nil God.angan ngulan kuchow niiyantan-a, nint ep ngul uthamāna.”

Luke 2:26 Iomraidhean Croise

Matthew 2:12

Anpalaniya, nil God.angan pithangan wik thayanath thanang koyam keꞌ iiyayn King Herod alantan. Aꞌ than koyam ngul iiyin aak thanttamakan woyan thonangan ngul wakin aakakana.

Luke 2:29

Nilan thaw: “Lord-ang, nintan nganyangan kaaꞌngakan-a, puk manyana, an kan-kanama, ngay puth meeꞌ ngatharang kan thathang puk wuut inan nintan kuchan pam wanch anangan kaaꞌ-piichanathow. Yaa, ngayan ngangk minangam ngul uthamānga.

Luke 9:27

Ngay inan waaꞌāng niiyanta: aakan ngul wampowa nil piip ngatharamangan pam wanch yot anangana ngul piꞌ-piꞌow thananga. Puth pam wanch wiy aak inman yippak wunaniy-a, man-yetham iiy-iiyān aak ngulan wampowa, niiy meeꞌ niiyamana ngul thathānweya.”

John 1:41

Nil erkam paththam iiy, wenk-wenk kuunch nungantamak, Simon Peter alantan, aꞌ uw nunang, aꞌ waaꞌant, “Ayyang! Nganan pam Messiah.an kanam uwan nunanga! pam anan nil God.angan kaaꞌngak kuchowana.” (Messiah.aniy-a, namp thonangan nungant Christ.)

John 20:31

Wik kath inangan Jesus.antaman umpangan, niiy yipam kan-kanam ngaantam-ngeeyān nunang nilan puk nhengk God.antam, God.angan kuch nunang, aꞌ puth-a, niiy yipam ngangk punch-aakam theeꞌān nungant. Puth nil Jesus.an wamp aak iikanakan, yipam kaaꞌ-piichanathow niiyang, niiy yipam maꞌ God.antang inpalman iiy-iiyān, aꞌ puth ngul-ngulakam.

John 4:29

“Niiyalang! Niiy kan ngatharang pal iiyān a! Niiy kan pam anan thathān nunang a! Nil nyiingk ngath waaꞌa yot ngayan way yump-yumpangan. Nil nath pam anan nil God.angan kaaꞌngakan kuchowan ngampara!”

John 8:51

Ngay wik inangan kan-kanam thaw-thawang niiyanta: than weeꞌ-weeꞌanangan wik ngatharaman ngeeyayn-a, than keꞌ uthamiythan, yaꞌa.”

Acts 17:3

Nil wik engkanang ngul waaꞌ thant puth nil Christ.an kan-kanaman uthamowa aꞌ anpalaniya nil koyam mulaman ekow ngula, puth aak keenkanamana than pamang wik God.antaman umpin lat ngench thayanangana aꞌ waaꞌin nunang ngeen nathan ngulan wampow nunganta. Paul puth wik inangan thaw, “Ngay kan-ngul waaꞌāng niiyanta nil Christ.an kanam wamp aak iikanakan ngamparweya. Aꞌ namp nungantiya Jesus.”

Acts 2:36

“Than pam wanch maꞌmangkam aak Israel anpalan-a, mak thiichayn nil Jesus anana, niiyan mulathan nunang-a, nil pam anman nil God.angan waaꞌan, nil moom piꞌan pam wanch maꞌmangkamantana nil pam anman nil God.angan kaaꞌngak kuchowan.” Nil Peter.an wik inangan thaw thantaniya.

Acts 9:20

Nilaniya yuurpam iiy churches Jews.antamakan aꞌ thaaꞌ-aath-aath thanang ngul, waaꞌ-waaꞌ thant nil Jesus.ana puk God.antama.

Hebrews 11:5

Aak keenkanamana pam thonangan namp Enocha inana nil thampa God.an ngangkang piꞌ-piꞌ nunang aꞌ anpalana, nil man-yethaman yippakan iiy-iiy-a, nil piip God.angan man-yetham anman kal nunang aak imanaman aak-aakanak kenyan heavenakan, nil keꞌam mul wuna, yaꞌa. Nilana lam-lam yaꞌama than pam wanchangan yaꞌangam wenk-wenkin nungantwey, keꞌam uwin nunang yaꞌwey, puth nil piip God.angan yimanaman maay nunang aak-aakanak keny heavenakan. Puth lat ngench thayanangan wik inan waaꞌan; kaꞌathaman nil God.angan keꞌam yippak Enoch.an maayan-a, nil God.an ngangk min wun Enoch.antaman nilan puth Enoch.angan ngangkang piꞌ-piꞌ nunang.