Luke 16:4 - Wik-Mungkan

⁴ Ngay puth kan ngaantam-ngeey-ngeeyang ngay want-wanttakan ngul yumpānga, than pam wanchangan yipam maꞌ-aath-aathayn ngayang ngay work keꞌ-ngulan iiy-iiyānga.’

Luke 16:4 Iomraidhean Croise

Luke 16:3

Aꞌ anpalaniya, nil paman thaw ngul nungantakamana, ‘Ngay wanttak ngul yumpāng e? Puth moom ngatharaman kaangk keꞌ ngay koyaman work iiyāng nungantana. Ngay puth maꞌ punth thayan yaꞌa awar weꞌanakana. Aꞌ ngay puth ngul-nyaaꞌ wun-wunanga, mayak thakan kaangk keꞌ thaaꞌ pent-pentāng pam wanch wiyantana.

Luke 16:5

“Anpalana, nil pam alangan wik kuch pam wiy al-alantan wampayn nungant than yuk way minan owe.impungantan nunang pam maꞌmangkiyana. Than wampinan-a, nil kan-ngul thaw-thaw thant thon-thonantana. Nil pam thonamantan thaw, ‘Nint way min ngeen-ngeen owe.impungān nunang moom ngamparamana?’

Luke 16:9

Aꞌ anpalaniya, nil Jesus.an putham ngul thaw thant, “Ayyang, niiyalang, ngay niiyant inan thawānga: niiy keꞌ yangkan moꞌ-moꞌāna, aꞌ wukala puth-a, yuk way min niiyantakaman keꞌ piꞌ-piꞌāna, niiy pam wanch wiyantan theeꞌ-theeꞌān thanta aꞌ puth thananiy-a, ngurp niiyantam ngul iiy-iiyayna. Niiy wiyant yuk way min puth wukal thakan theeꞌ-theeꞌin thantan-a, an nil God.angan ngangk minangam umang wakow niiyang aak ing keny heavenangana. Aak an-aniyangana, niiyaniy-a, wukal keꞌanang ngul iiy-iiyāna.

James 3:15

Nil piip God in kenyan keꞌam thaw ngampar meeꞌ-wun-wunāmp ngamparakamana, yaꞌa, aꞌ keꞌam thaw ngampar ulp-ulpanangan iiyāmpa, yaꞌa, aꞌ keꞌam thaw ngampar wayan iiyāmp thant wiyantan, yaꞌ, nil oony way anana an ep-paththam nil thawan ngampar way yot inangan yump-yumpāmpa!