Luke 16:25 - Wik-Mungkan

²⁵ Nil puth Abraham.an kan-ngul thaw nungant, ‘Nint inan ngaantam-ngeeyāna: nint earthangan yippak wun-wunan-a, nint way min min-miniy yot piꞌ-piꞌana. Puth nil Lazarus.antana aak way thak wamp-wamp nunganta, nil may minh keꞌananga, aꞌ way min keꞌananga wun-wunweya. Yaa, nil inan ngangk min-minangam ngul wun-wunana, puth nintaniya ep thaaꞌ-eench-eenchangan ngula.

Luke 16:25 Iomraidhean Croise

Matthew 27:63

Aꞌ than thawin nungant, “Moom-ang, ngan kan ngaantam-ngeeyanana nil pam anan man-yethaman yippak iiy-iiy-a, nilaniy thawa, ‘Ngay aak awarangan maꞌ-koꞌalam thonakam wunānga, aꞌ anpalana ngayana koyam ngul mulaman ekāng.’ Nil puth Jesus.an yaan wik uuyama.

Mark 9:45

Niiy thaꞌ-thaꞌang nath uw-uwin thanang kulakwey-a, yaa, thaꞌ niiyantaman thalokang umpān, niiy keꞌ yipam kulakan wenkān. Nungkway niiy aak God.antamakan thaꞌ keꞌanangan iiyinwey-a, yaa, an kan putha! Puth in ngeeyāna: nil God.ang aak way angan theeꞌiy niiyangana thaꞌ kucham thamwey-a, an way niiyanta.

Luke 16:20

Aꞌ nil pam namp Lazarus inaniya wukal keꞌanangwey wun-wuna, nil way-wayam paththam wun-wuna, wenchang kempan pakang makin nunanga. Ngaaꞌ thon-thonangana than kampan nungantam al-alangan aawuch pam maꞌmangkiyantamakan kal-kalin nunang aꞌ thaaꞌ door thinth angman nyiin-nyiinathin nunanga.

Luke 16:23

Aꞌ nil aak-aakanakan iiy pam wanch mul wiy anangan wun-wuntan aꞌ aak way angana nil thaaꞌ-eench-eenchanang wun-wun ngul. Anpalana nil um keny ngul thath aꞌ nil Abraham.an thath nunang aꞌ putha Lazarus.an Abraham.antangan nyiin-nyiina.

Luke 16:26

Aꞌ puth aak menh-menhang inan ngamparangan-a, an keꞌ awar pek kech wun-wunana. Ngan wonk naakanakan keꞌ iiyin, yaꞌa, aꞌ niiy pal wonk iikanakan thamp keꞌ iiyina.’

Luke 6:24

“Niiy wiy inanganiya maꞌmangkiy iiy-iiyaniya, wukal aꞌ way min yotam thamp piꞌ-piꞌaniya, niiy work keꞌanang nyiin-nyiinaniya. Kan in ngeeyāna! Way paththam ngul wampow niiyanta!

John 16:33

Ngay wik inangan kan waaꞌangan niiyant, niiy yipam ngangk min paththam iiy-iiyān, ngay puth ngangk niiyantang wun-wunang. Than pam wanch wiy al-alangan-a, ngangk kulangam ngulan kal-kalayn niiyang, aꞌ way-wayam ngul iiy-iiyayn niiyant. Puth niiyan-a, ngangk thayanam iiy-iiyān a! Ngay puth kan yaꞌ maalathang thanang a! Than keꞌ pam manyiy ngul iiy-iiyantan a!”

Acts 14:22

Pul aak-aakanakan iiypula pul yipam ngangk thayanathowpul thanangweya than anangan Christians yotamana, thanan yipmam keꞌ-ngoongkam ngangkangam piꞌ-piꞌayn nunang God.an, than yipmam keꞌ weentayn nungantam God.antamana. Pul kucham il-ilangana waaꞌ-waaꞌpul thant pam wanchantan wik inangana, “Than pam wanch weeꞌ-weeꞌanangan keꞌan ngangkangan piꞌ-piꞌantan nunang God.an-a, puth than kaangk way anman yump-yumpayn yotam il-ilantan ngampar puth ngamp ngangkangaman piꞌ-piꞌanamp nunang God.ana. Ngampar way paththam yump-yumpayna ngamp yippak man-yethaman iiy-iiyanamp, puth anpalana, ngamp puth aak umpuyam ngul wunāmp nungantang God.antangana puth nil kan-kanam moom piꞌan paththam ngamparama!”

Romans 8:7

Puth than weeꞌ-weeꞌanangan way anman ngaantam-ngeey-ngeeyantan maꞌ-yotaman-a, than al-alangan God.an ngangk-wayangam kal-kalantan nunang, aꞌ than wik nungantam keꞌ ngeey-ngeeyantan, yaꞌa, than keꞌ ngeey-ngeeyiythan than puth pam wanch wayananga.

Philippians 3:19

Nil piip God.angan ngul wayathow thanang, aak way aakanakan kuchow thanang, puth thanan kaangka way anman yump-yumpayna, may-weenthiya aꞌ puth maarich thakan keeꞌ-keeꞌantan, aꞌ than ngangk minangam way yump-yumpantan; thanana ulpantan ngula, than ngul-nyaaꞌ yaꞌa, than keꞌam ngaantam-ngeeyantan thanttakam than wayan yump-yumpin, yaꞌa aꞌ than way min aak inpalmana anman ngaantam-ngeey-ngeeyantan. Thanan keꞌam ngaantam-ngeey-ngeeyantan aak min in kenyan God.antaman, yaꞌa.

1 Thessalonians 3:3

Niiy yipam keꞌ too wantān nunang God.an keꞌ-ngoongkam anman monkan-wakān nunang niiy keꞌ yipam mel enchān woyan min anpalan way aakanakan puth anpalan pam wanch wiyangan way-wayathantan niiyang. Niiy meeꞌmiy wik God.an thaw wiyangan way yumpayn niiyant pam wanch nungantamakana.

Hebrews 11:25

Nilana kaangk keꞌ wantow thanang pam wanch anangan God.antamana, nil kaangk keꞌ yaam wunow aawuch min wuut piꞌan kingantamangana, yaꞌa. Than pam wanch aak Egypt punchan al-alangan pam wanch God.antam ananganwey piik-piikin thanang aꞌ putha waaꞌ-waaꞌin thanang putha man-aath-aathin thanang thakweya, puth nil Moses.ana kaangk paththam iiyow thanttang angan pam wanch God.antam al-alantanganweya puth nil God.an ngangkang piꞌ-piꞌ nunang.

1 John 2:15

Ngay wik inangan thaw-thawang niiyant, maꞌmangkamanta: aak inana, keꞌ ngaantam-ngeey-ngeeyāna! Woyan wayana wiy al-alangan ep anman wak-wakantana; puth ngampaniya woyan way inana keꞌ ngaantam-ngeeyāmpa, yaꞌ anman, God thonakam ngaantam-ngeey-ngeeyāmpan! Niiy natha aak inan thonakam kaangk wunin-a, niiyan God.antamana kaangk keꞌ-ngula!

Revelation 7:14

Ngayan puth thawangan nunganta, “Ngay ngoongk-ngoongkama, nintar ep meeꞌmiy thananga.” Yaa, nilan putha thaw ngathara, “Than pam wanch inanganiya, pam wanch wiy al-alangana thaaꞌ-thengkathin thanangwey aꞌ piik-piikin thanang. Thanan putha min-minam pentina. Aꞌ nil God.ana way thanttaman kanam kon-ngath nunang, aꞌ puth ngangk thanttaman pachath puth nil pam keꞌ minh lamb alangan chaapar nungantaman theetath thant.