Luke 14:15 - Wik-Mungkan

¹⁵ Pam thonam nyiin-nyiin thanttangan-a, nil wik inangan ngeeya, aꞌ thaw nungant Jesus.antan, “Than pam wanch anangan may piꞌan God.antangan mungkayn aak ing kenyan-a, an ngangk min-minam paththam wun-wunow thanta.”

Luke 14:15 Iomraidhean Croise

Matthew 25:10

Aꞌ than kom-koman kuchek waap keꞌanang anangana iiyin ngul kerosine.an yipam piiyayn; than kan-ngulan iiyin-a, nil pam anan wanchan ngentowan-a, kul-kulam wamp thant. Than kom-koman kuchek min anangan five kuup-kuupin pam alantakamana, thananiy-a, pek ngoonchin nungantang ngul may piꞌanakana. Aꞌ anpalana, nil pam wanchan ngentow alangana, thaaꞌan kan-ngul ngatha.

Matthew 8:11

Ngay in waaꞌang niiyanta, aak min-minam paththam ngul wampowa nil piip God.angan pam wanch puk maꞌ nungantangan piꞌ-piꞌow thanang. Aak an-aniyangan-a, than pam wanch puk thaaꞌ-wantanam ngul wamp-wampayn, aak kungk anpalan-a, puth aak yiip anpalan-a, puth aak kaaw anpalana, aꞌ puth aak kuuw anpalan wamp-wampayn aꞌ nyiin-nyiinayn thanttang angman Abrahama aꞌ Isaaca putha Jacob weeꞌanang thanttang.

Luke 12:37

An puth min thant meeꞌan piꞌ-piꞌin. Moom piꞌan thanttaman thawow thant nyiinayn ngul table.angan aꞌ nilana may ngul theeꞌow thant.

Luke 13:29

Pam wanch piip God.antam anangana, Jews anangan aꞌ putha Jews yaꞌ anangana ngul wamp-wampayn kungk-a, yiip-a, kaaw-a, kuuw anpalan aꞌ than ngangk minangam nyiin-nyiinayn piip God.antang angman, puth niiyangana yoon angman too wantowa.

Luke 22:16

Ngay inan kan-kanam thaw-thawanga. Ngay may piꞌan Passover.ana puthaman aak ingan keꞌ-ngul mungkāng, yaꞌa. Ngamp aak ing keny ngulan wunāmp nungantang piip God.antangan-a, an ep ngay mungkāng aꞌ aak an-aniyangana niiyana ngul thiichāna may Passover.ana want-wanttakan wunow.”

Luke 22:30

Aak an-aniyangana ngay pam wanch yotam maꞌ ngatharang ngul piꞌ-piꞌāng thanang-a, niiyana ngatharang anman nyiin-nyiināna aꞌ may mungk-mungkān ngatharang, aꞌ niiy moom piꞌan ngul iiy-iiyān thant Jews al-alantan wuut mangk twelve al-alantaman wamp-wampin.”

Revelation 19:9

Anpalaniya nil ngaantiyongkan thaw ngathara, “Wik inana nint umpāna: nil God.angana pam wanch puungk wiy anangan ump thananga may piꞌanan mungkanakan nil puth Lamb alangan wanchan ngentow. Than anangan pam wancha ngangk min-minam paththam iiy-iiyayna!” Aꞌ amanamaniya nil ngaantiyongkan thawara, “Inaniy wika kan-kanam paththam God.antama.”