Luke 13:25 - Wik-Mungkan

²⁵ nil thonamang thonak aawuch-kunch anan ekow aꞌ thaaꞌan ngathow. Aak an-aniyangana niiy nath keꞌan yippak pek ngoonchina puth nath yoon angman than-thanina, niiy nath thaaꞌan othamayanan piik-piikin aꞌ thawin ngul, ‘Lord-ang, nint thaaꞌan ngant keꞌ thaꞌin ey? ngan puy ngoonchān nungkara!’ Nilan puth thawow ngul niiyanta, ‘In niiy weeꞌ-weeꞌanangan e? Ngay keꞌ meeꞌmiy niiyanga, yaꞌa.’

Luke 13:25 Iomraidhean Croise

Matthew 25:41

“Ngul anpalana, pam wanch al-alantan thawāng maꞌ thakangan than-thantan, ‘Niiy puyam iiyān a! Piip ngatharamangan aak wayak kuchow niiyanga. Niiy thum pam-wiy-keꞌ uthamana aakanakan iiyāna, angan pench-penchāna. Nil thum anana, keenk wun-wunan oony way piꞌan alantan, aꞌ ngaantiyongk nungantam al-alantan thamp, thanana thumang ngul pench-penchaynweya.

Luke 13:27

Aꞌ nil ngulan thawow niiyanta, ‘Ngay inan thawang niiyant: ngay keꞌ meeꞌmiy niiyang yaꞌa. Niiy puyam paththam kan iiyān aak ngatharam inpalana, niiy puth way anman yump-yumpaniya.’ Nil Lord.an wik yimanangan thawow niiyanta.

Luke 3:8

Niiy kan min yumpāna! Niiyaniya meenathān niiyantakamana niiyan kan-ngul wantan way niiyan yump-yumpana. Niiy ngaantam-ngeeyaniy nil Abraham.an wuut mangk ngamparam putha, nil keꞌ-paal piip God.ana man kulan keꞌ wampiy nungant ngamparakan ey? An yimanangan keꞌ ngaantam-ngeeyāmpa! Puth inan ngeeyāna: kaangk nilwey-a, piip God.angan kunttow inangan epankathiy puk Abraham.antakanweya.

Luke 6:46

“Niiy ngeenak thawaniy ngathar, ‘Lord-ang! Lord-ang!’ puth niiy kaangk keꞌ wik ngeeyān ngayang!

2 Corinthians 6:2

Nil God.an thawa: “Aak keenkanamana, ngay aakan kan miꞌangan ngayan kaaꞌ-piichanathāng niiyangana. Aak anan wamp ngulan-a, ngay niiyang ngeeyangan niiy ngatharakan thaw-thawana. Puth ngayiya kan maꞌ-aathangan niiyang, aꞌ kaaꞌ-piichanathangan niiyang.” Nil God.an yimanangan thaw. Aꞌ niiy puth inan ngeeyān ngayan thawāng ngul niiyanta: aak yimanang ngulan-a, nil God.angan min-min maꞌ-aathow niiyang niiy weeꞌ-weeꞌanangan thawān nungant maꞌ-aathanakan niiyang. Nil God.an inman kuup-kuupan niiyanta kaaꞌ-piichanathanakan niiyanga!

Hebrews 12:17

Niiy meeꞌmiya ngul-ngulana, nil Esau alangan kaangk piip nungantamana wik min thawowant nil God.an min yipam iiy-iiyow nungant. Nil puth piip-kunchan “yaꞌ” thawant. Nil Esau.an peey-peey ngul piip-kunchant puth nilana kaangk koyam puk kaaꞌ-ngeechaman iiyow puth yaꞌa, nil kan waaꞌant pont-kunchant.