Luke 12:39 - Wik-Mungkan

³⁹ Amanam ngulana, nil Jesus.ana wik inan thamp thaw, “Niiy nath meeꞌmiyweya aak ngeen nathan paman aawuch niiyantamangan ngoonchiyan-a, way min niiyantaman yipam maꞌ-kuchathow-a, yaa, niiyaniya keꞌ weep wunina, yaꞌa, an meeꞌ pench-penchin anmana aakam paanthiy niiyantana, aꞌ min-min piꞌ-piꞌin way min niiyantamana.

Luke 12:39 Iomraidhean Croise

Matthew 24:42

“Yaa, niiyaniya minam anman woyan God.antaman wak-wakāna, niiy keꞌa melan enchāna woyan min anpalana, yaꞌa. Puth niiyaniya keꞌ meeꞌmiyweya yaꞌa aak ngeen nathan ngay Lord niiyantaman palaman wampānga.

Matthew 6:19

“Niiy wukal-weenth keꞌ iiyāna, way min min-miniy al-alangan keꞌ ngangk mungkow niiyang, niiy way min yot keꞌ yalmathān aak imanaman. Way min nanangan yaam keꞌ wunayn yaꞌa; an wayamayn ngul. Wiyiya yuk way cockroaches al-alangan mungkantan, ngoꞌarang thak wayathan yuk way min anangan. Wiyiya, pam maꞌ-kuchanang maayantan niiyantam.

2 Peter 3:10

Nil Lord.an kan-kanam palaman wampow. Nil palaman wampow-a, an niiyangan maꞌ-pil-wayathowa keꞌ pam maꞌ-kuchana yimanangan wampow aak ngaaꞌangana. Aak an-aniyangan-a, an ngampaniy muut ngeeyāmp keꞌ wunt piꞌan wampow aꞌ yaam keꞌanamana, kincha, thunpa putha wiy anangan keꞌ-ngul wunayn aak ing kenyana, maꞌmangkam anangana pench-penchayn thum wuut piꞌanang, aak ingman earthangan-a, ngak thakana penchayn thampa, aak yaꞌ-yaꞌam wunowa.

Revelation 16:15

Aꞌ amanamana ngay Jesus.an wik ngeeyangan nilan thawa, “In ngeeyāna! Niiy keꞌ meeꞌmiya aak ngeen nathan ngay palaman wampānga. Ngay nath maꞌ-pil-wayathāng niiyanga! Yaa, niiy aak thathāna! Niiy meeꞌatham anman iiy-iiyāna, aꞌ ngook puth kulich niiyantam anangan min-minam piꞌ-piꞌāna, niiy keꞌ yipam maꞌlip iiyāna aꞌ ngul nyaaꞌan wunāna meeꞌ yotantangan.”

Revelation 3:3

Wik God.antaman ngaantam-ngeey-ngeeyān than pam wanch God.antamangan waaꞌ-waaꞌin niiyantan: woyan wayan kan wantān, niiy woyan min anman wak-wakān. Niiy woyan minwey keꞌ wakin-a, puth ngayan erkam wampāng niiyant, maꞌ-pil-wayathāng niiyanga, ngay keꞌ pam maꞌ-kuchan yimanangan wampāng niiyant, niiyan puth meeꞌmiy yaꞌ ngay aak ngeenan wampāng niiyant.