Luke 12:19 - Wik-Mungkan

¹⁹ Aꞌ ngay ngul ngaantam-ngeeyāng ngatharakamana, “Ngay paththam maꞌmangkiy a! Ngay puth ngathar may thakan yot-yotam piꞌ-piꞌanga, an yaam wunayn, keꞌ minchiy ngathar. Ngay puth work keꞌanang ngul nyiinānga, ngay may minh thak mungk-mungkāng anman, ngangk minangam wun-wunānga.” ’

Luke 12:19 Iomraidhean Croise

Luke 12:18

Nilan ngangkaman thaw, ‘Ngay pam ngatharam al-alantan ngul thawāng sheds ngatharaman thuthayn aꞌ than sheds yot piꞌ-piꞌanam kaachayn ngathara, than may yot anangan yipam angan wunpayn ngathar sheds piꞌanang.

Luke 16:19

Aꞌ nil Jesus.angan wik kath thonangan ngul waaꞌ thant, “Niiyalang, niiy kan wik kath inan ngeeyāna. Nil pam maꞌmangkiy alangana ngook min-miniy anangan ngoonch-ngooncha, aꞌ puth may minh yot piꞌ-piꞌ aawuch nungantamangan yipam mungk-mungkowa.

Luke 21:34

Nil Jesus.an putham ngul thaw thant, “Niiy meeꞌ yanth-yanth iiy-iiyāna! Niiy paththam min-min ngaantam-ngeey-ngeeyāna, aꞌ keꞌ kon-ngathow niiyang aak inan ngul minchowa. Niiy may-weenthan keꞌ iiy-iiyāna, aꞌ ngak way-weenthan keꞌ iiy-iiyāna, aꞌ kuchek keꞌ wayamow niiyant yuk way min anpalana, puth nil God.angan ngul maꞌ-pil-wayath niiyang, aak way ngulan wampowa. Puth aak way inana pam wanch maꞌmangkam al-alantan wampow aak umyompanaman wun-wuntana.

1 Corinthians 15:32

Aak Ephesus anganiya, than pam wanchangan way piꞌan paththam yump-yumpin ngathar. Thanan keꞌ minh kulliy yimanangan ween-weenin ngathara! Puth wik inan kan-kanam natha yaꞌweya nil God.angan pam wanchan mulaman ekathow thanangan-a, puth ngayan work piꞌan God.antaman ngeenak iiy-iiyang e? Ngampan puth keꞌ pam wanch wiy ananganweya yimanangan mak iiy-iiyāmpa, ngamparakaman thonakam ngaantam-ngeey-ngeeyāmp, “May minh-a, aꞌ ngak piꞌan thakan mungk-mungkāmpa, puth ngampan natha ngaaꞌthamana uth-uthamāmp ngula.” An yaꞌa, ngamp yimanangana keꞌ ngaantam-ngeey-ngeeyāmpa. Nil God.angan kan-kanam paththam mulaman ngul ekathow ngampang!

Philippians 3:19

Nil piip God.angan ngul wayathow thanang, aak way aakanakan kuchow thanang, puth thanan kaangka way anman yump-yumpayna, may-weenthiya aꞌ puth maarich thakan keeꞌ-keeꞌantan, aꞌ than ngangk minangam way yump-yumpantan; thanana ulpantan ngula, than ngul-nyaaꞌ yaꞌa, than keꞌam ngaantam-ngeeyantan thanttakam than wayan yump-yumpin, yaꞌa aꞌ than way min aak inpalmana anman ngaantam-ngeey-ngeeyantan. Thanan keꞌam ngaantam-ngeey-ngeeyantan aak min in kenyan God.antaman, yaꞌa.

1 Timothy 6:17

Timothy-ang! Nint thawān thant pam wanch maꞌmangkiy al-alantan, ulp-ulpanangan keꞌ iiy-iiyayn, aꞌ puth-a, wukal anangan keꞌ ngaantam-ngeey-ngeeyayn, an erkam ngul wayamayn aak ingan earthangana. Than puth ngaantam-ngeey-ngeeyayn nunang God.ana, puth nilama God.angan way min yot-yotam theeꞌ-theeꞌan ngampar, ngamp yipam ngangk min iiy-iiyāmpa.

2 Timothy 3:4

Aꞌ putha ngurp min thanttam thakan waaꞌ-waaꞌayn thanang, aꞌ puth than ngaantam-ngeey-ngeeyayn way yumpanakan-a, an than erkam paththam iiy-iiyayn way yumpanakana, aꞌ puth thanan ngul ngaantam-ngeey-ngeeyayn thanttakaman thanan keꞌa wuut piꞌana. Thanan kaangk paththam thanttakam anman ngaantam-ngeey-ngeeyayn puth than God.an keꞌ ngaantam-ngeey-ngeeyayn nunang, yaꞌa.

James 5:5

Niiyiya yuk way min yot piꞌ-piꞌaniy aak ing pekana, niiyiya keꞌ minh bullock kempathiy yimanangan weemaniy, puth yuk way min yotamangan keꞌ kempathiy yumpantan niiyang. Than pamangan maꞌ-yotam minh bullock kempathiyan mul-mulathantan minh mungkanakan. Inan puth yimanang thamp nil God.angan ngul wayathow niiyangan, anpalan niiy yangkan moꞌ-moꞌaniy yuk way minakan.

1 Peter 4:3

Kaꞌathamaniya niiy way iiy-iiyan keꞌ pam wanch anangan than keꞌan meeꞌmiy God.an yaꞌa, way al-alangan ngangk mungk-mungk niiyang, niiy maarich keeꞌ-keeꞌan aꞌ ngak way mungkan wun-wunan aꞌ way anman iiy-iiyan, niiy pek-pekwun, aꞌ wik way thak thaw-thawan, aꞌ puth yuk ngeen-wiy anangan thaaꞌ-kuump-kuumpan thanang aꞌ monkan-wak-wakan thanang, puth than God yaꞌa. Puth niiya woyan wayana keꞌ-ngul wak-wakaniy, an yaꞌ-ngul!

Revelation 18:7

Puth pam wanch anangan thana yangk-yangkaminan-a, thananiy-a, maꞌmangkiy yumpwina, aꞌ thanana ulp-ulpanang ngul iiy-iiyin. Niiy puth way yumpān thanta, aꞌ ngangk way paththam yumpān thanang. Aꞌ thananiya ulp-ulpanang thawin thanttakamana, yimanangan thawin, ‘Nganiya moom piꞌ-piꞌanam keꞌ queen yimananganweya! Nganana ngangk way keꞌ wunina keꞌ wukalongk yimanangana. Puth wayana keꞌ wampiy ngant!’ Puth thaniya wik way-way thak thaw-thawantan.