Luke 12:17 - Wik-Mungkan

¹⁷ Nil ngaantam-ngeey, ‘May inangan wanttak aa! aak wantting yaakaꞌ wunpāng thanang may inangan a! Puth shed ngatharaman many a! Mayangam puth kan thaaꞌ ngatha!’

Luke 12:17 Iomraidhean Croise

Matthew 16:7

Than ngurp nungantam anangan kan-ngul wik thaw-thawin thanttakaman anpalan nil Jesus.an wik thawa, aꞌ thanan thawin, “Ngamp may bread keꞌananga, keꞌ-paal nil wik anangan thawa.”

Matthew 5:42

Thon inana: nil pamwey nath thawiy niiyant mayak thakwey-a, niiyiya keꞌ weekāna, theeꞌān nungant. Pamwey nath thawiy niiyant, ‘Niiy way min niiyantam nanangan pal theeꞌān ngathara ngay kan yaan piꞌāng niiyantam, ngay koyam ngul theeꞌāng niiyant.’ Yaa, niiyana theeꞌān nungant yaan piꞌow niiyantamanweya.

Luke 10:25

Anpalan-a, nil paman wamp nungant Jesus.ant, nil pam inana, wik thayan God.antaman thaaꞌ-aath-aath thanang pam wanch anangana. Nil keꞌ Jesus.an paathiy nunang wik want-wanttakan thawow, nil puth thawant Jesus.antan, “Ayyang, Moom-ang, ngay ngeen yumpānga yipam ngay ngulakaman wun-wunāng God.antangan a?”

Luke 11:41

Niiy may aꞌ wukal thakan nath theeꞌ-theeꞌin thant pam wanch wiy al-alantan-a, than may wukal keꞌanangan wun-wuntan-a, yaa, puth niiyana pam wanch min-minam paththam iiy-iiyin ngula.

Luke 12:16

Niiyalang, ngay wik kath inan waaꞌāng niiyant, wik kath pam maꞌmangkiyantama pam nilan farm piꞌanan piꞌ-piꞌ. Nil may thakan thaaꞌ-wantanam em-emath.

Luke 12:18

Nilan ngangkaman thaw, ‘Ngay pam ngatharam al-alantan ngul thawāng sheds ngatharaman thuthayn aꞌ than sheds yot piꞌ-piꞌanam kaachayn ngathara, than may yot anangan yipam angan wunpayn ngathar sheds piꞌanang.

Luke 12:22

Aꞌ nil Jesus.an thaw thant ngurp nungantam al-alantan, “Ngay inan waaꞌāng niiyantana: niiy yaam keꞌ ngaantam-ngeeyān may-a, puth-a, ngook thakan, aꞌ yaam keꞌ ngaantam-ngeeyān niiy ngul want-wanttakan minam piꞌ-piꞌān niiyantakaman.

Luke 12:29

Kuchek way keꞌ wunow niiyant puth keꞌ ngaantam-ngeey-ngeeyān may wanttinpalan uwāna, aꞌ putha ngook thakan wanttinpalan uwāna.

Luke 12:33

Yuk way min maꞌmangkam niiyantam anangan sellimpungān. Aꞌ niiyiy wukal niiyantam anangan thant pam wanch wukal keꞌanang al-alantan theeꞌ-theeꞌān. Niiy nath kaangkwey wukala putha way min yotan yal-yalmathān niiyantakaman aak inganiy-a, an puth niiy yuk way min anman ngaantam-ngeey-ngeeyaniy thonakama. Inan way paththama! Niiywey nath kaangk wunin nungant God.antan-a, an niiy ngaantam-ngeey-ngeeyaniy nunang, ngangkangam piꞌ-piꞌaniy nunang. Anpalaniy-a, nil ngul kalow niiyang aak min nungantamakan. Aak in kenyan nungantamana an ep keꞌ wayamiy yaꞌa, an min-minam anman wun-wunow aak umpuyam. Pamangan way min keꞌ maꞌ-kuchathiythan aak God.antam anpalan, yaꞌa, puth yuk cockroachesang thakan keꞌ wayathiythana yaꞌa, minam anman wun-wunayn ngulakama.”

Luke 16:3

Aꞌ anpalaniya, nil paman thaw ngul nungantakamana, ‘Ngay wanttak ngul yumpāng e? Puth moom ngatharaman kaangk keꞌ ngay koyaman work iiyāng nungantana. Ngay puth maꞌ punth thayan yaꞌa awar weꞌanakana. Aꞌ ngay puth ngul-nyaaꞌ wun-wunanga, mayak thakan kaangk keꞌ thaaꞌ pent-pentāng pam wanch wiyantana.

Luke 16:9

Aꞌ anpalaniya, nil Jesus.an putham ngul thaw thant, “Ayyang, niiyalang, ngay niiyant inan thawānga: niiy keꞌ yangkan moꞌ-moꞌāna, aꞌ wukala puth-a, yuk way min niiyantakaman keꞌ piꞌ-piꞌāna, niiy pam wanch wiyantan theeꞌ-theeꞌān thanta aꞌ puth thananiy-a, ngurp niiyantam ngul iiy-iiyayna. Niiy wiyant yuk way min puth wukal thakan theeꞌ-theeꞌin thantan-a, an nil God.angan ngangk minangam umang wakow niiyang aak ing keny heavenangana. Aak an-aniyangana, niiyaniy-a, wukal keꞌanang ngul iiy-iiyāna.

Luke 18:22

Nil Jesus.angan wik nungantaman ngeey-a, nil thawant, “Nint inan thamp yumpāna. Nint koyam iiyāna, aꞌ yuk way min nungkaram maꞌmangkaman sellimpungāna, aꞌ wukal thakan theeꞌān thant pam wanch wiy wukal keꞌanang al-alantana. Anpalana, nint ngayang ngul monkan-wak-wakāna. Ngulana, nil God.an min-minam paththam ngul iiy-iiyow nungkar aak ing kenyana.”

Luke 19:17

Nil puth mooman thaw nungant, ‘Yaa, an mina, nint pam min paththama! Ngay workan theeꞌangan nungkara, nint work minam iiy-iiyan ngathara. Yaa, ngay work wuut piꞌan ep ngul theeꞌāng nungkar. Aak imanaman ngula nintaniya moom piꞌan paththam iiy-iiyāna aak town ten anangan piꞌ-piꞌān thanang.’

Luke 3:11

Nil thaw thant, “Nil weeꞌ-nathan shirt kucham thampwey-a, nil thonaman theeꞌow pam weeꞌ-nath alantan shirt keꞌanangan wunan. Aꞌ nil weeꞌ-nathan may thamp-a, nil maꞌ-aath-aathow wiy anangan.”

Acts 16:30

Anpalana, nil pentath pulang ngul aꞌ thaw pulant, “Nipalang, ngay wanttak yumpāng yipam God.angan ngayang kaaꞌ-piichanathow e?”

Acts 2:37

Than pam wanchang wik inangan ngeeyin-a, thanan ngul-nyaaꞌ paththam wunin aꞌ than puth Peter.antan thawin aꞌ ngurp nungantam Jesus.antam wiy al-alantan thamp thawin, “Ngurp nganttam-ang, ngan puth wanttak e?”

Romans 12:13

Than Christians wiy anangan wukal keꞌanangan wun-wunaynan-a, puth may keꞌananganwey-a, niiyiy-a, may-a, putha wukal thakana theeꞌ-theeꞌān thanta; than pam wanch Christians aak nathpalan wampaynwey-a, yaa, niiyana min-minam piꞌ-piꞌān thananga.

1 Timothy 6:17

Timothy-ang! Nint thawān thant pam wanch maꞌmangkiy al-alantan, ulp-ulpanangan keꞌ iiy-iiyayn, aꞌ puth-a, wukal anangan keꞌ ngaantam-ngeey-ngeeyayn, an erkam ngul wayamayn aak ingan earthangana. Than puth ngaantam-ngeey-ngeeyayn nunang God.ana, puth nilama God.angan way min yot-yotam theeꞌ-theeꞌan ngampar, ngamp yipam ngangk min iiy-iiyāmpa.

1 John 3:16

Nil Jesus Christ.angana theetath nungamang uthamow ngamparana, inan puth meenath ngampar nil kaangk paththam wunan ngampara; ngampiya yimanangan kaangk wunāmp ngamparakama, nathweya theetathāmp ngamparakam mulakana.